Jump to content

Ал-Муроҷаот (китоб)

Аз wikishia
ал-Муроҷаот
НависандаСайид Абдулҳусайн Шарафуддин
МавзуъИсботи ҳаққонияти шиа
СабкМунозираӣ
ЗабонАрабӣ
Маҷмуа1 ҷилд
НоширГуногун
Санаи нашр1355ҳ.қ.


ал-Муроҷаот (арабӣ: المُراجَعات) китобест ба забони арабӣ дар бораи исботи ҳаққонияти шиа ва ҷонишинии Имом Алӣ (а) баъд аз Пайғамбар (с) ба қалами Сайид Абдулҳусайн Шарафиддин (ваф.1377ҳ.қ.) – олими шиаи аҳли Лубнон.

Мазмуни китоб, маҷмуаи номаҳои мубодилашуда байни Сайид Абдулҳусайн Шарафиддин ва Шайх Салим Бишрӣ - раиси вақти донишгоҳ Алазҳар, аст. Ин китоб дар Лубнон, Миср, Ироқ ва Эрон чоп шудааст ва ба забонҳои форсӣ, англисӣ, испанияӣ ва ғ. тарҷума шудааст.

Истидлоли қавӣ, баёни шево, истифода аз манобеи муътабар ва мавриди қабули аҳли суннат ва риояти инсофро аз вижагиҳои ин китоб медонанд.

Нависанда

Мақолаи асосӣ: Сайид Абдулҳусайн Шарафиддин

Сайид Абдулҳусайн Шарафиддин Мусавии Омилӣ (ваф.1377ҳ.қ.) аз муҷтаҳидони шиаи лубнонӣ ва мудофеъи тақриби мазоҳиби исломӣ ва аз раҳбарони наҳзати истиқлоли Лубнон будааст.[1] Вай аз шогирдони Охунди Хуросонӣ ва Сайид Муҳаммадкозим Таботабоии Яздӣ ба шумор меравад.[2] Ибтидо дар ҳавзаи илмияи Сомирро машғул ба таҳсил гардид ва пас аз ҳиҷрати уламо аз Сомирро ба Наҷаф, вориди ҳавзаи илмияи Наҷаф шуд.[3]

Шарафиддин дар авохири соли 1329ҳ.қ., бо ҳадафи коҳиши таниш байни мусулмонон ва эҷоди ваҳдат, ба Миср сафар кард.[4] Вай дар Қоҳира бо Шайх Салим Бишрӣ - раёсати донишгоҳи Алазҳари Миср[5] ва аввалин раиси ҳайъати кибор-ул-уламои Миср, дидор ва гуфтугӯ кард.[6] Гуфтугӯҳои ин ду олим, аз тариқи номанигорӣ идома пайдо кард ва таҳти унвони китоби ал-Муроҷаот ба чоп расид.[7]

Муаррифӣ ва ҷойгоҳ

Китоби ал-Муроҷаот (ё ал-Мунозирот-ул-азҳарийя ва-л-мубоҳисот-ул-мисрийя), бо ҳадафи исботи эътиқодоти шиаи имомия дар бораи имомат ва хилофати баъд аз Пайғамбар (с) таълиф шудааст.[8] Ин китоб дар зумраи осоре чун Абақот-ут-анвор, Эҳқоқ-ул-ҳақ ва китоби ал-Ғадир дар исботи ҳаққонияти шиа ва имомат ва ҷонишинии бевоситаи Имом Алӣ (а) қарор дода шудааст.[9] Мегӯянд, дар ин китоб барои исботи ақоиди шиа аз муътабартарин манобеъ истифода шудааст.[10] Истидлоли қавӣ, таъбирҳои равон ва баёни шево, аз ҷумлаи хусусиёти ин китоб унвон шудааст.[11] Аз ин китоб ба унвони муфидтарин китоб дар заминаи ҷонишинии Пайғамбар ном бурда шуда[12] ва ба гуфтаи бархе аз уламои аҳли суннат, аз осори таъсиргузор дар байни ақшори мухталифи мардум маҳсуб мешавад.[13]

Аз китоби ал-Муроҷаот ба унвони яке аз манобеи муътабар дар назди мусулмонон, ҳатто бархе аз уламои аҳли суннат ном бурда шудааст.[14] Ҳанафии Довуд - устоди донишгоҳи Айнушшамси Қоҳира аз ҷумлаи фоидаҳои ин китобро даъвати мусулмонон ба иттиҳод, бародарӣ ва муҳаббат ба якдигар ва унс гирифтан бо ахлоқи Пайғамбар (с) унвон кардааст.[15] Гуфта мешавад, мунозироти мавҷуд дар ин китоб, бидуни иҳонат ва бо инсофи мутақобил анҷом шудааст.[16]

Муборизоти сиёсии Аллома Шарафиддин ва ишғоли Лубнон тавассути Фаронса ва ба оташ кашида шудани китобхонаи шахсии ӯ, тадвини китобро ба таъхир андохт ва мӯҷиби аз байн рафтани аснод шуд.[17] Шарафиддин бо навиштани мазмуни саволу ҷавобҳо, китоби ал-Муроҷаотро сомон дод.[18] Бархе олимони аҳли суннат дар дифоъ аз мазҳаби худ ин китобро мавриди нақд қарор доданд, ки аз сӯи олимони шиа ба онҳо ҷавоб дода шуд. Китоби Ташйид-ул-Муроҷаот ва тафнид-ул-мукобарот, навиштаи Сайид Алӣ Ҳусайнии Милонӣ муҳимтарини ин дифоияҳо аст.[19]

Мазмун ва муҳтаво

Китоби ал-Муроҷаот муташаккил аз 112 нома аст, ки байни Сайид Абдулҳусайн Шарафиддин ва Шайх Салим Бишрӣ радду бадал шудааст.[20] Матолиби ин китоб дар ду бахш ироа шудааст:[21]

Бахши аввали китоб

Дар бахши аввали китоб, имомату мазҳаб дар қолаби 16 нома мавриди баҳс қарор мегирад. Дар ин қисмат ба ин мавзуъот пардохта шудааст:

  • Иллати адами пайравии шиа аз мазоҳиби чаҳоргонаи аҳли суннат ва табаъияти онҳо аз мазҳаби Аҳли Байт;
  • Адами тарҷеҳи дидгоҳҳои уламои аҳли суннат бар мазҳаби шиа;
  • Ҷойгоҳи Аҳли Байт дар Ислом;
  • Роҳи ҳалли ихтилофоти байни шиаю суннӣ;
  • Далелҳои қуръонӣ ва ривоии бартарии мазҳаби Аҳли Байт;
  • Ҳадиси Сақалайн ва тавотури он;
  • Баёни ривоёте аз Пайғамбар (с) аз ҷумла ҳадиси Сафина дар баёни ҷойгоҳи Аҳли Байт;
  • Манзур аз Аҳли Байт дар оёту ривоёт;
  • Эҳтиҷоҷи 12 нафар аз аҳли суннат ба риҷоли шиа дар сиҳоҳи аҳли суннат (муҳимтарин манобеи ривоии аҳли суннат);
  • Муаррифии сад нафар аз риҷоли шиа, ки дар санади ривоёти мавриди қабули аҳли суннат воқеъ шудаанд;
  • Эътирофи Шайх Салим ба кифояти табаъият аз мазҳаби Аҳли Байт дар канори мазоҳиби аҳли суннат.[22]

Бахши дувуми китоб

Дар бахши дувуми китоб, мабоҳиси имомат ва ҷонишинии Пайғамбар (с) дар зимни 93 нома мавриди баҳсу баррасӣ қарор мегирад:

Чоп, тарҷума ва таҳқиқ

Китоби ал-Муроҷаот дар соли 1355ҳ.қ., дар шаҳри Сайдо дар Лубнон чоп шуд. Сипас дар кишварҳои дигаре ҳамчун Эрон, Миср ва Ироқ низ ба чоп расид.[24]

Тарҷумаҳои форсӣ

Тасвири рӯи ҷилди асли китоб ва бархе тарҷумаҳо

Барои китоби ал-Муроҷаот, ки ба забони арабӣ таълиф шудааст, чандин тарҷумаи форсӣ нигошта шудааст:

  • Мунозироти шиаю суннӣ; таълифи Сардор Кобулӣ.[25]
  • Тарҷумаи ал-Муроҷаот; навиштаи Абулфазл Наҷмободӣ, ки тавассути интишороти Оятуллоҳ Буруҷердӣ ба чоп расидааст.[26]
  • Мунозираи илмӣ; таълифи Муҳаммадсодиқи Наҷмӣ.[27]
  • Раҳбарии Имом Алӣ дар Қуръону суннат; асари Муҳаммадҷаъфар Имомӣ.[28] Алиасғар Мураввиҷи Хуросонӣ бо ҳазфи қисматҳои фаннӣ ва гузиниши бахшҳои муҳимтари ин тарҷума, онро таҳти унвони «Ҳақҷӯ ва ҳақшинос» мунташир кардааст, ки понавиштҳои таҳқиқии Ҳусайни Розиро низ ба ҳамроҳ дорад.[29]
  • Мазҳаб ва раҳбари мо, асари Мустафо Замонӣ.

Дигар тарҷумаҳо

Маҷмаъи ҷаҳонии Аҳли Байт ин китобро ба забонҳои испанияӣ, рувандаӣ, русӣ, фаронсавӣ, урду, тоҷикӣ, туркӣ, фавлонӣ ва курдии суронӣ тарҷума ва чоп кардааст.[30] Тарҷумаҳои дигаре низ барои ин китоб вуҷуд дорад, монанди тарҷумаи англисӣ: Al - Muraja'at тавассути Ёсин ал-Ҷибурӣ,[31] тарҷума ба забони испонюлӣ тавассути Файсал Мурҳел бо номи Al - Muraya‘ât[32] Олмонӣ бо номи Die Konsultation[33] ва андунизиёӣ бо номи Dialog Sunnah Syi'ah.[34]

Таҳқиқҳо

  • Таҳқиқи Ҳусайни Розӣ: дар ин таҳқиқ шумораи ҷилд ва саҳифаи манобеъ зикр шудааст, ҳамчунин манобеи таърихӣ ва ҳадисии дигаре аз кутуби шиа ва аҳли суннати зикр шудааст. Чопи Маҷмаъи ҷаҳонии Аҳли Байт (а) бо ин таҳқиқ аст.[35]
  • Таҳқиқи Муҳаммад Ҷамил Ҳаммуд бар баъзе матолиби китоб ҳошия зада шудааст.[36]
  • Таҳқиқи Мансур Иброҳимӣ дар Маркази таҳқиқоти дафтари таблиғоти исломии Қум сурат гирифтааст.[37]

Ҷусторҳои вобаста

Эзоҳ

  1. ↑ «السيد عبد الحسين شرف الدين الموسوي العاملي، العاملي», вебгоҳи Мактабат-ур-равзат-ул-Ҳайдарийя.
  2. ↑ Ҳакимӣ, Шарафиддин, 1383ҳ.ш., саҳ.51.
  3. ↑ Қубайсӣ, Ҳаёат-ул-имом Шарафиддин, 1400ҳ.қ., саҳ.32.
  4. ↑ Шарафиддин, ал-Муроҷаот, 1422ҳ.қ., саҳ.39.
  5. ↑ Зириклӣ, ал-Аълом, 2002м., ҷ.3, саҳ.119.
  6. ↑ «الشيخ سليم البشري أول رئيس لهيئة كبار العلماء بالأزهر الشريف .. تعرف عليه», вебгоҳи ал-Ҷумҳурийя.
  7. ↑ Ҳусайнии Милонӣ, Ташйид-ул-Муроҷаот ва тафнид-ул-мукобарот, 1384ҳ.ш., ҷ.1, саҳ.15.
  8. ↑ Ҳусайнии Милонӣ, Ташйид-ул-Муроҷаот ва тафнид-ул-мукобарот, 1384, ҷ.1, саҳ.18.
  9. ↑ Макорими Шерозӣ, Паёми Қуръон, 1381ҳ.ш., ҷ.9, саҳ.175.
  10. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.29.
  11. ↑ Ҳусайнии Милонӣ, Ташйид-ул-Муроҷаот, 1385ҳ.ш., ҷ.1, саҳ.7.
  12. ↑ Мураввиҷи Хуросонӣ, Ҳақҷӯ ва ҳақшинос, 1373ҳ.ш., саҳ.8.
  13. ↑ Ҳусайнии Милонӣ, Ташйид-ул-Муроҷаот, 1385ҳ.ш., ҷ.1, саҳ.23.
  14. ↑ Ҳусайнии Милонӣ, Ташйид-ул-Муроҷаот, 1385ҳ.ш., ҷ.1, саҳ.25.
  15. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.29 - 30.
  16. ↑ Маҷмаъи ҷаҳонии Аҳли-л-Байт, «Муқаддима», дар ал-Муроҷаот, 1422ҳ.қ., саҳ.6.
  17. ↑ Шубайрии Занҷонӣ, Ҷуръае аз дарё, 1393ҳ.ш., ҷ.3, саҳ.478.
  18. ↑ Шубайрии Занҷонӣ, Ҷуръае аз дарё, 1393ҳ.ш., ҷ.3, саҳ.478.
  19. ↑ Ҳусайнии Милонӣ, Ташйид-ул-Муроҷаот, 1385ҳ.ш., ҷ.1, саҳ.5.
  20. ↑ Ҳусайнии Милонӣ, Ташйид-ул-Муроҷаот, 1385ҳ.ш., ҷ.1, саҳ.19.
  21. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.33.
  22. ↑ Шарафиддин, ал-Муроҷаот, 1422ҳ.қ., саҳ.51 - 243.
  23. ↑ Шарафиддин, ал-Муроҷаот, 1422ҳ.қ., саҳ.247 - 623.
  24. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.30.
  25. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.32.
  26. ↑ Наҷмободӣ, “Илали тарҷумаи китоби нафиси ал-Муроҷаот”, саҳ.42.
  27. ↑ Наҷмободӣ, “Илали тарҷумаи китоби нафиси ал-Муроҷаот”, саҳ.42.
  28. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.33.
  29. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.33.
  30. ↑ Кирмонӣ, Корномаи тарҷумаи Маҷмаъи ҷаҳонии Аҳли-л-Байт, 1401ҳ.қ., саҳ.20.
  31. ↑ «Al-Muraja'at», вебгоҳи al - islam.
  32. ↑ »Al-Muraya‘ât«, вебгоҳи al - islam.
  33. ↑ » Die Konsultation [al-muradschaat]«, вебгоҳи eslam.
  34. ↑ »Dialog Sunnah Syiah«, вебгоҳи goodreads.
  35. ↑ Маҷмаъи ҷаҳонии Аҳла-л-Байт, «Муқаддима», дар ал-Муроҷаот, 1422ҳ.қ., саҳ.6.
  36. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.37.
  37. ↑ Иброҳимӣ, “ал-Муроҷаот, чигунагии тадвин ва китобшиносии он”, саҳ.37.

Сарчашма

  • Die Konsultation al-muradschaat, вебгоҳи eslam, санаи боздид: 17 хурдоди 1402ҳ.ш.
  • «Al-Muraja'at», вебгоҳи al - islam, санаи боздид: 17 хурдоди 1402ҳ.ш.
  • »Al-Muraya‘ât«, вебгоҳи al - islam, санаи боздид: 17 хурдоди 1402ҳ.ш.
  • «الشيخ سليم البشري أول رئيس لهيئة كبار العلماء بالأزهر الشريف .. تعرف عليه», вебгоҳи ал-Ҷумҳурийя, санаи дарҷи матлаб: 12 тири 1401ҳ.ш., санаи боздид: 18 хурдоди 1402ҳ.ш.
  • »Dialog Sunnah Syiah«, вебгоҳи goodreads, санаи боздид: 17 хурдоди 1402ҳ.ш.
  • «السيد عبد الحسين شرف الدين الموسوي العاملي», вебгоҳи Мактабат-ур-равзат-ул-Ҳайдарийя, санаи боздид: 8 мурдоди 1402ҳ.ш.
  • «کتاب حق‌جو و حق‌شناس», Сомонаи Мазҳаббук, санаи боздид: 10 хурдоди 1402ҳ.ш.
  • Зириклӣ, Маҳмуд ибни Муҳаммад, ал-Аълом, Бейрут, Дорул-илми лил-малоин, чопи понздаҳум, 2002м.
  • Иброҳимӣ, Мансур, «المراجعات چگونگی تدوین و کتابشناسی آن», фаслномаи Китобҳои исломӣ, № 17, 1383ҳ.ш.
  • Кирмонӣ, Абдукарим, Корномаи тарҷумаи Маҷмаъи ҷаҳонии Аҳли-л-Байт (1369 - 1399), Теҳрон, идораи кули хадамоти фарҳангӣ ва интишороти Маҷмаъи ҷаҳонии Аҳла-л-Байт, 1401ҳ.қ.
  • Макорими Шерозӣ, Носир, Паёми Қуръон, Теҳрон, Дорул-кутубил-исломийя, чопи ҳафтум, 1381ҳ.ш.
  • Маҷмаъи ҷаҳонии Аҳла-л-Байт, «Муқаддима», дар ал-Муроҷаот, Теҳрон, Марказул-табоъати ван-нашр лил-Маҷмаъ-ил-оламӣ ли Аҳли-л-Байт, чопи аввал, 1422ҳ.қ.
  • Мураввиҷи Хуросонӣ, Алиасғар, Ҳақҷӯ ва ҳақшинос, Қум, Бунёди маорифи исломӣ, 1373ҳ.ш.
  • Наҷмободӣ, Абулфазл, «علل ترجمه کتاب نفیس المراجعات», бузургдошти марҳум Оятуллоҳ Ҳоҷимирзо Абулфазл Наҷмободӣ, 1387ҳ.ш.
  • Шарафиддин, Абдулҳусайн, ал-Муроҷаот, Теҳрон, Марказул-табоъати ван-нашри лил-Маҷмаъил-оламӣ ли Аҳли-л-Байт, чопи аввал, 1422ҳ.қ.
  • Шарафиддин, Абдулҳусайн, ал-Муроҷаот, тарҷумаи Сардор Кобулӣ, Теҳрон, нашри Соя, чопи аввал, 1380ҳ.ш.
  • Шубайрии Занҷонӣ, Сайид Мусо, Ҷуръае аз дарё; мақолот ва мабоҳис, шахсиятшиносӣ ва китобшиносӣ (ҷилди 3), Қум, китобшиносии шиа (вобаста ба муассисаи фарҳангии китобшиносии бузурги шиа), 1393ҳ.ш.
  • Қубайсӣ, Шайх Аҳмад, Ҳаёт-ул-имом Шарафиддини фи сутур, Бейрут, Дор-ул-тавҳид-ил-исломӣ, 1400ҳ.қ.
  • Ҳакимӣ, Муҳаммадризо, Шарафиддин, Қум, Далели мо, 1383ҳ.ш.
  • Ҳусайнии Милонӣ, Алӣ, Ташйид-ул-Муроҷаот ва тафнид-ул-мукобарот, Қум, ал-Ҳақоиқ, чопи сеюм, 1384ҳ.ш.
Баргирифта аз "https://tg.wikishia.net/w/index.php?title=Ал-Муроҷаот_(китоб)&oldid=33076"