Jump to content

Феҳристи кушторҳои Исроил

Аз wikishia

Феҳристи кушторҳои Исроил (форсӣ: فهرست کشتارهای اسرائیل) ба қатлҳои мухталифе ишора дорад, ки аз сӯи режими Исроил дар Фаластин ва манотиқи атроф дар тӯли ишғоли ин сарзамин анҷом шудааст. Хабаргузории “Меҳр” 62 маврид ва хабаргузории “Машриқ” 125 маврид аз ҷиноятҳо ва қатлҳои режими саҳюнистӣ алайҳи мардуми Фаластин ва дигар манотиқро бо истинод ба “Маркази таҳқиқоти асро” зикр кардаанд.[1] Бар асоси гузориши “Маркази иттилоърасонии Фаластин”, аз соли 1948 милодӣ то соли 2024 беш аз 100 ҳазор фаластинӣ аз ҷониби саҳюнистҳо кушта шудаанд.[2] Рӯзномаи англисизабони ирландии The Independent, дар гузорише бо унвони «Маргбортарин қотилони ҷаҳон», созмони иттилоотии Исроил (Моссод)-ро «мошини қатли бераҳмонаи Исроил» номидааст.[3]

Гуфта шуда, ки дар адабиёти сиёсии форсӣ, режими саҳюнистӣ бо унвони режими кӯдаккуш машҳур гаштааст.[4] Бар асоси оморҳои расмии ниҳодҳои байналмилалӣ, аз соли 2008 милодӣ то ба имрӯз, дастикам 33 ҳазор кӯдаки фаластинӣ дар ҳамлаҳои ин режим ба Фаластин кушта шудаанд.[5]

Ҷиноятҳои Исроил алайҳи мардуми Фаластин ва қатли ғайринизомиён, бахусус кӯдакон, аз сӯи режими саҳюнистӣ, як наслкушӣ дониста мешавад.[6] Аз ҷумлаи ин наслкушиҳо, бар асоси гузориши хабаргузории Ал-Ҷазира, ҳамлаҳои Исроил ба Навори Ғазза дар моҳи октябри соли 2023 мелодӣ мебошанд, ки ҳамаи шеваҳои як наслкуширо доранд. Дар ин ҳамлаҳо, Исроил тамоми Навори Ғаззаро мавриди ҳуҷум қарор дод — манотиқи ғайринизомӣ монанди бемористонҳо, мактабҳо ва биноҳои истиқоматӣ мавриди бомбаборон қарор гирифтанд ва кӯдакон, занон ва ғайринизомиёни бешуморе кушта шуданд.[7]

Феҳристи кушторҳои Исроил то соли 1948

Баъзе куштори режими саҳюнистӣ пеш аз соли 1948 м. (замони эълони мавҷудияти расмӣ):

Феҳристи кушторҳои Исроил то соли 1948
№ Унвон Замон Макон Шарҳ
1 Куштори бозори Ҳайфо 6 март 1938м шаҳри Ҳайфо Як бомба дар бозори Ҳайфо инфиҷор шуд, ки 18 нафарро кушт ва 38 нафарро маҷрӯҳ кард.
2 Куштори бозори Ҳайфо 6 июн 1938м шаҳри Ҳайфо Ду мошини бомбагузоришудаи саҳюнистӣ дар бозори Ҳайфо 21 нафарро кушт ва 52 нафарро захмӣ кард.
3 Куштори бозори ал-Арабия 26 август 1938м Шаҳри Қудс Як мошини бомбагузорӣ дар бозори Қудс инфиҷор шуд, ки 34 нафарро кушт ва 35 нафарро захмӣ кард.
4 Куштори бозори ал-Арабия 25 июл 1938м шаҳри Ҳайфо Як мошини бомбагузорӣ дар бозор инфиҷор шуд, ки 35 нафарро кушт ва 70 нафарро захмӣ кард.
5 Куштори бозори Ҳайфо 26 июн 1938м шаҳри Ҳайфо Инфиҷори як бомбаи дастӣ дар бозор, ки 47 нафарро кушт.
6 Куштори حیفا 27 март 1939м шаҳри Ҳайфо Дар натиҷаи инфиҷор дар шаҳри Ҳайфо 27 нафар кушта шуданд ва 39 нафар захмӣ гардиданд.
7 Куштори бозори Ҳайфо 20 июн 1940м шаҳри Ҳайфо Як бомба дар бозори Ҳайфо инфиҷор шуд, ки 78 нафарро кушт ва 24 нафарро захмӣ кард.
8 Куштори Бобуламуд 29 декабр 1947м Шаҳри Қудс Дар натиҷаи инфиҷори як бушкаи моддаи инфиҷории гурӯҳи Аргон, 14 нафар кушта шуданд ва рӯзи дигар низ ин гурӯҳ 11 нафарро кушт.
9 Куштори Шайх Барик 30 декабр 1947м рустои Шайх Барик Ҳуҷуми нерӯҳои саҳюнистӣ ба ин деҳа боиси кушта шудани 40 нафар гардид.
10 Куштори Баладушшайх 31 декабр 1947м рустои Баладушшайх дар дашти Ҳайфо Ҳуҷуми нерӯҳои Палмах ба ин деҳа боиси кушта шудани 60 нафар, вайрон кардани даҳҳо хона ва холӣ шудани деҳа гардид.
11 Куштори ас-Сароя-л-арабия 8 январ 1948м шаҳри Ёфо Як мошини бомбагузоришудаи нерӯҳои саҳюнистӣ дар бинои Саройи Арабӣ инфиҷор шуд, ки 70 нафарро кушт ва даҳҳо нафарро захмӣ кард.
12 Куштори Иморати ғарбӣ 16 январ 1948м шаҳри Ҳайфо Як бомбаи соатӣ дар кӯчаи Салоҳуддин дар Ҳайфо инфиҷор шуд, ки 31 нафарро кушт ва 60 нафарро захмӣ кард.
13 Куштори Шореъ Аббос 28 январ 1948м шаҳри Ҳайфо Ҳуҷуми нерӯҳои саҳюнистӣ ба кӯчаи Аббос ва инфиҷори як бочкаи моддаи инфиҷорӣ, ки 20 нафарро кушт ва 50 нафарро захмӣ кард.
14 Куштори рустои Саъсаъ 14 феврал 1948м рустои Саъсаъ дар наздикии Ҳайфо Гурӯҳи Палмах ба ин деҳа ҳамла кард, 60 нафарро кушт ва даҳҳо хонаро вайрон кард.
15 Куштори рустои ал-Ҳусайния 1948м рустои ал-Ҳусайния дар ҷануби Саҳлулҳавла Дар ҳамлаи аввали гурӯҳи Палмах ба ин деҳа, 15 нафар кушта шуданд ва дар ҳамлаи дуюм, ки рӯзҳои 16 ва 17 март сурат гирифт, беш аз 30 нафар дигар кушта шуданд.
16 Куштори қатори Ҳайфо ба Ёфо 31 март 1948м қатори Ҳайфо ба Ёфо Гурӯҳе аз Ҳағана ба қатор ҳамла карданд ва 40 нафарро кушитанд.
17 Куштори қатори Ҳайфо 31 март 1948м Қатори Қоҳира-Ҳайфо Бомбагузорӣ дар қатор, ки боиси кушта шудани 40 нафар ва захмӣ шудани 60 нафар дигар гардид.
18 Куштори дайри Ёсин 9 апрел 1948м Рустои Дайр Ясин (дар ғарби шаҳри Қудс) Гурӯҳҳои Аргон ва Штерн ба ин деҳа ҳамла карданд, аҳолии деҳаро қатли ом карда, деҳаро вайрон намуда ва ишғол карданд. Дар ин ҳамла 250 то 360 нафар кушта шуданд.
19 Куштори рустои Қолуниё 12 апрел 1948м рустои Қолуниё дар роҳи Қудс ба самти Ёфо Гурӯҳи Палмах дар давоми ду ҳамлаи дурузӣ ба ин деҳа, онро вайрон карда ва шумораи зиёде аз аҳолиро куштанд.
20 Куштори шаҳри Ҳайфо 22 апрел 1948м шаҳри Ҳайфо Сиҳонистҳо бо ҳамла ба манзилҳои мардум дар нимшаб, 150 нафарро кушта, 40 нафарро захмӣ карданд.
21 Куштори рустои Айн-уз-зайтун 4 май 1948м рустои Айн-уз-зайтун Сиҳонистҳо бо 12 тӯпхона деҳаро вайрон карда, 70 нафар аз аҳолиро куштанд.
22 Куштори шаҳри Сафед 13 май 1948м шаҳри Сафед Ҳамлаи гурӯҳи Ҳогоно ба ин шаҳр боиси кушта шудани 70 нафар аз аҳолӣ гардид.
23 Куштори Байти Дарос 21 май 1948м рустои Байти Дарос дар шимолу шарқи Ғазза Ҳамлаи гурӯҳҳои саҳюнистӣ ба ин деҳа боиси кушта шудани 260 фаластинӣ гардид.
24 Куштори Тантура 22 ва 23 май 1948м рустои Тантура Ҳуҷум ба деҳаи Тантура боиси кушта шудани 250 нафар гардид.
25 Куштори шаҳри Лод 11 июн 1948м шаҳри Лод Қумандонҳои Исроил бо фармондеҳии Моше Даян ба ин шаҳр ҳамла карданд ва мардуми онро қатли ом карданд. Дар ин қатли ом 426 нафар кушта шуданд.
26 Куштори Давоима 29 октябр 1948м рустои Давоима ғарби баландиҳои ал-Халил Артиши Исроил бо ҳамла ба ин деҳа 200 нафарро куштанд.[8]

Феҳристи кушторҳои Исроил баъди соли 1948

Феҳристи баъзе аз кушторҳои Исроил аз соли 1948 (замони эълони мавҷудияти расмӣ) то соли 2024м:

Рӯйхати куштори Исроил баъд аз соли 1948
Рақам Унвон Замон Ҷой Тафсилот
1 Қатлҳоми Қалқилия 10 октябри 1953 Шаҳри Қалқилия дар Қитъаи Ғарбӣ Дар ҳамлаи нерӯҳои Исроил 70 нафар аз аҳолии ин шаҳр кушта шуданд.
2 Қатлҳоми Қибйа 14 ва 15 октябри 1953 Деҳаи Қибйа Дар ҳамлаи низомиёни исроилӣ зери фармондеҳии Ариэл Шарон ба ин деҳа, 69 нафар кушта шуданд ва даҳҳо хона вайрон шуд.
3 Қатлҳоми Ғазза 28 феврали 1955 Навори Ғазза Дар ҳамлаи низомиёни Исроил ба навори Ғазза, 39 нафар кушта ва 33 нафар захмӣ шуданд.
4 Қатлҳоми Кафр Қосим 29 октябри 1956 Деҳаи Кафр Қосим Дар тирандозии нерӯҳои исроилӣ ба мардуми деҳа, 49 нафар кушта шуданд.
5 Қатлҳоми Хон Юнис 3 ноябри 1956 Шаҳр ва урдугоҳи Хон Юнис Дар тирандозии нерӯҳои Исроил 275 нафар кушта шуданд.
6 Қатлҳоми коргоҳи Абу Заъбал 12 феврали 1970 Дар ҳамлаи ҳавопаймоҳои исроилӣ ба коргоҳ, 70 коргар кушта ва 69 нафар захмӣ шуданд.
7 Қатлҳоми Сайдо 16 июли 1982 Шаҳри Сайдо дар Ҷануби Лубнон Дар ҳамлаи саҳюнистҳо ба ин шаҳр 80 нафар кушта шуданд.
8 Қатлҳоми Сабро ва Шатило 16 то 18 сентябри 1982 Урдугоҳҳои Сабро ва Шатило дар Лубнон Низомиёни исроилӣ дар ҷанги 1982 бо Лубнон, бо ёрии нерӯҳои Фаланҷи Лубнонӣ ба ин урдугоҳҳо ҳамла карданд. Қурбониҳои ин ҳамларо беш аз 2000 нафар гуфтаанд; аммо баъзе манбаъҳо то 5 ҳазор нафар ҳам тахмин задаанд.
9 Интифозаҳи якуми Фаластин Декабри 1987 то 1991 Дар ин интифоза беш аз 1300 фаластинӣ кушта шуданд.
10 Қатлҳоми Ҳарами Иброҳимӣ 25 феврали 1994 Масҷидулақсо (Қудс) Борух Голдштейн ҳамроҳ бо саҳюнистҳои шаҳракнишин ба Масҷидулақсо дохил шуданд ва бо тирандозӣ ба намозгузорон 60 нафарро куштанд.
11 Қатлҳоми Қано 18 апрели 1996 Деҳаи Қано дар Ҷануби Лубнон Дар давоми ҳамлаҳои Исроил ба Лубнон бо номи амалиёти "Хӯшаҳои хашм", нерӯҳои исроилӣ 110 нафар аз мардуми минтақаи Қаноро куштанд. Ба ин куштор, наслкушии аввал гуфта мешавад.
12 Қатлҳоми Ҳай ад-Дараҷ 22 июли 2002 Минтақаи истиқоматӣ дар наздикии варзишгоҳи Ярмук дар Ғазза Дар ҳамлаи як ҳавопаймои исроилӣ 174 нафар кушта ва 140 нафар захмӣ шуданд.
13 Қатлҳоми Рафоҳ 18 то 20 майи 2004 Рафоҳ Дар ҳамлаи саҳюнистҳо бо танк ва чархбол 56 фаластинӣ кушта ва 150 нафар захмӣ шуданд.[9]
14 Қатлҳои Беморстони Ал-Аҳли 17 октябри 2023 Беморстони Ал-Аҳли Дар давоми бомбаборони беморстони Ал-Аҳли аз ҷониби ҳавопаймоҳои Исроил беш аз 500 ғайринизомии паноҳҷӯй дар ин беморстон кушта шуданд.[10]
15 Инфиҷори пайҷерҳои Ҳизбуллоҳи Лубнон 18 сентябри 2024 Лубнон ва Сурия Дар ин инфиҷорҳо ҳадди ақал 12 нафар шаҳид ва қариб 2800 нафар захмӣ шуданд.[11]

Террорҳо

Гуфта мешавад, ки саҳюнистҳои исроилӣ дар давоми мавҷудияти худ, беш аз ду ҳазору ҳафсад террор анҷом додаанд.[12] Терорҳои ин режим маҳдуд ба Фаластин ва сарварони ҳарқӣ ва фаъолони муқовимат набудааст; балки онҳо сарварони сиёсӣ ва олимонро дар саросари ҷаҳон низ террор кардаанд.[13] Аз ҷумла: Сайид Ҳасан Насруллоҳ (сеюм дабири кулли Ҳизбуллоҳ); Муҳаммад Боқерӣ (фармондеҳи штаби кулли нерӯҳои мусаллаҳи Эрон); Ҳусайн Саломӣ (фармондеҳи Сипоҳи посдорони Инқилоби исломии Эрон); Исмоил Ҳания (дабири кулли Ҳаракати Ҳамос).

Баъзе аз шахсиятҳои терроршуда тавассути Исроил:
Рақам Ном Замон ва ҷои террор Шарҳ
1. Сайид Аббос Мӯсавӣ 16 феврали 1992м/ наздики Байрут Дуюмин дабири Ҳизбуллоҳи Лубнон
2. Имод Муғния 12 феврали 2008м/ Димишқ Аз фармондаҳои барҷастаи Ҳизбуллоҳи Лубнон
3. Шайх Роғиб Ҳарб 16 феврали соли 1984м Рӯҳонии шиаи лубнонӣ маъруф ба Шайхушуҳадои муқовимати Лубнон[14]
4. Шайх Аҳмад Ёсин 22 марти 2004м/Навори Ғазза Аз сарварони Ҳамос
5. Самир Қинтор 20 декабр 2015м Аз аъзои шиамазҳаби Созмони Озодибахши Фаластин, ки қариб 30 сол дар зиндонҳои Исроил буд.
6. Абдулазиз Рантисӣ 17 апрели 2004м/Навори Ғазза Аз сарварони Ҳамос
7. Фатҳӣ Шақоқӣ 26 октябри 1995м/Ҷазираи Малта Бунёнгузори Ҷунбиши ҷиҳоди исломии Фаластин
8. Баҳо Абулато 12 ноябри 2019м /Навори Ғазза Аз фармондаҳои олии Ҷунбиши ҷиҳоди исломии Фаластин
9. Маҳмуд ал-Мабҳӯҳ 19 январи 2010м/Дубай Аз фармондаҳои олии Ҳамос
10. Халил ал-Вазир (Абуҷиҳод) 16 апрели 1988м дар шаҳри Тунис Аз бунёнгузорони Ҷунбиши Фатҳ дар Фаластин ва муовини Ясир Арафот
11. Низор Абдулқодир Рӯён 1 январи 2009м/Навори Ғазза Аз сарварони баландпояи Ҳамос
12. Масъуд Иёз 3 феврали 2001м/Навори Ғазза Аз сарварони Ҳизбуллоҳи Лубнон
13. Саллоҳ Мустофо Муҳаммад Шаҳода 22 январи 2002м/ Навори Ғазза Аз сарварони Гурдонҳои Қосом, шохаи низомии Ҳамос
14. Ҷамол Мансур 31 июли 2001м/Қитъаи Ғарбӣ Аз мақомоти олии Ҳамос
15. Зуҳайр Муҳсин 26 январи 1979м дар ҷануби Фаронса Аз сарварони низомии Созмони Озодибахши Фаластин
16. Абуалӣ Мустофо 27 августи 2001м/Ромаллоҳ Дабири кулли Ҷабҳаи озодибахши мардуми Фаластин
17. Саид Сиём 15 январи 2009м/Ҷабалия Аз сарварони Ҳамос
18. Муҳаммад аз-Зуворӣ 15 декабри 2016м/шаҳри Сафоқуси Тунис Аъзои Гурдонҳои Қосом ва коршиноси саноати ҳавоӣ аҳли Тунис
19. Яҳё Иёш 6 январи 1996м/Навори Ғазза Муҳандиси таслиҳотии Ҷунбиши Ҳамос
20. Яҳё ал-Машҳад 13 июни 1980м дар Порис Донишманди ҳастаии Миср
21. Авод Абуносир 11 январи 2010м/Дайрулбалоҳ Аз фармондаҳои олии ҷиҳоди исломӣ
22. Исо Абдулҳодӣ 30 июли 2010м/Навори Ғазза Аз фармондаҳои олии Иззуддини Қосом
23. Адлӣ Ҳамдон 24 январи 2002м Аз мақомоти олии Ҳамос
24. Ҳассан Ҳулу ал-Лақис 4 декабри 2013м/ҷануби Лубнон Раиси бахши фанноварӣ ва таслиҳот ва иртибототи Ҳизбуллоҳи Лубнон[15]
25. Солиҳ ал-Орурӣ 2 январи 2024м/Байрут Аз мақомоти олии Ҳамос[16]
26. Муҳаммадризо Зоҳидӣ 1 апрели 2024м/Димишқ Аз фармондаҳои олии Нерӯи Қудси Сипоҳ ки дар ҳамлаи ҳавоии Исроил ба консулгарии Эрон ҳамроҳи шаш нафари дигар кушта шуд.[17]
27. Исмоил Ҳания 31 июли 2024/Теҳрон Аз мақомоти олии Ҳамос ҳамроҳ бо «Восим Абушаъбон» яке аз муҳофизонаш [18]
28. Фуод Шукр 30 июли 2024 дар ҳамлаи Исроил ба биное дар ҷануби Лубнон Аз фармондаҳои низомии Ҳизбуллоҳи Лубнон [19]
29. Иброҳим Ақил 20 сентябр 2024м, бо ҳамлаи мушакӣ ҳавопаймои исроилӣ Аз сарварони низомии Ҳизбуллоҳи Лубнон[20]
30. Сайид Ҳасан Насруллоҳ 27 сентябри 2024м/ дар ҳамлаи Исроил ба бинои марказии Ҳизбуллоҳ дар Зоҳияи Байрут Севумин дабири кулли Ҳизбуллоҳи Лубнон[21]
31. Сайид Аббос Нилфурӯшон 27 сентябри 2024м дар ҳамлаи Исроил ба бинои марказии Ҳизбуллоҳ дар Зоҳияи Байрут Аз фармондаҳои Сипоҳи посдорони Инқилоби исломии Эрон ва мушовири Сипоҳ дар Лубнон[22]
32. Алӣ Каракӣ 27 сентябри 2024м дар ҳамлаи Исроил ба бинои марказии Ҳизбуллоҳ дар Зоҳияи Байрут Аз фармондаҳои Ҳизбуллоҳи Лубнон[23]
33. Набил Қовуқ Байрут/ 28 сентябри 2024м Рӯҳонӣ ва аъзои Шӯрои иҷроии Ҳизбуллоҳ[24]
34. Сайид Ҳошим Сафиуддин Байрут /23 октябри 2024м эълон ва тасдиқи шаҳодат Раиси Шӯрои иҷроии Ҳизбуллоҳи Лубнон[25]
35 Муҳаммад Боқирӣ Теҳрон/ 13 июни 2025м Раиси Ситоди кулли нерӯҳои мусаллаҳи Ҷумҳурии Исломии Эрон
36 Ҳусайн Саломӣ Теҳрон/ 13 июни 2025м Фармондеҳи Сипоҳи посдорони Инқилоби исломии Эрон
37 Ғуломалӣ Рашид Теҳрон/ 13 июни 2025м Фармондеҳи қароргоҳи Хотамуланбиёи Сипоҳи посдорони Инқилоби исломии Эрон
38 Амир Алӣ Ҳоҷизода Теҳрон/13 июни 2025м Фармондеҳи нерӯи ҳавофазои Сипоҳи посдорони Инқилоби исломии Эрон

Бар асоси санадҳо ва гузоришҳо, Созмони иттилоотии Исроил (Моссад) дар террори донишмандҳои ҳастаии Эрон чун Масъуд Алимуҳаммадӣ, Маҷид Шаҳриёрӣ, Мустафо Аҳмадӣ Равшан, Дориюш Ризоинажод ва Муҳсин Фахризода низ дахл доштааст.[26] Рӯзномаи англисӣ-забони The Independent Irish дар як гузориш навиштааст, ки Созмони иттилоотии Исроил (Моссад) дар террори донишмандҳои ҳастаии Эрон даст доштааст.[27] Бар асоси гузориши агентии хабарӣ NBC, мақомоти амрикоӣ низ даст доштани Моссад дар террори донишмандҳои ҳастаӣ ва таълим, таъминҳои молиявӣ ва таслиҳотии террористҳоро тасдиқ кардаанд.[28]

Ҷангҳои Исроил алайҳи мусулмонон

Мақолаи аслӣ: Феҳристи ҷангҳои Исроил алайҳи мусулмонон

Исроил дар тӯли ишғоли Фаластин борҳо бо мусулмонони Фаластин ва кишварҳои ҳамсоя чун Миср, Сурия, Лубнон ва Урдун ҷанг ва хусуматҳо доштааст, ки боиси кушта ва оварда шудани шумораи зиёде гардидааст. Аз ҷумла, бар асоси оморҳо, дар тӯли ҷанги 1948м (Ҷанги Накбат), 15 ҳазор нафар,[29] дар ҷанги шашрӯзаи 1967м, беш аз 17 ҳазор нафар[30] ва дар ҷанги чорумини Исроил бо арабҳо дар 1973м низ 8 ҳазор нафар[31] кушта шуданд. Инчунин дар амалиёти "Саломати Ҷалил" дар 1982м алайҳи Лубнон низ беш аз 19 ҳазор[32] ва дар амалиёти "Шамшерҳои Оҳанӣ", ки Исроил онро дар пайи Тӯфони Ал-Ақсо дар октябри 2023м оғоз кард, то 18 январи 2025м беш аз 47 ҳазор[33] кушта шуданд.

Эзоҳ

  1. ↑ «تجاوز به زنان پیش چشم همسران در ملاعام/ قتل عام شهروندان یک روستا و مثله کردن جنازه‌ها/کشتار کودکان با باتوم», Хабаргузории Машриқ; «دهه‌ها جنایت از بزرگ‌ترین جانی جهان», Хабаргузории Форс
  2. ↑ «سال از فاجعه نکبت (اشغال فلسطین) گذشت», Маркази иттилоърасонии Фаластин
  3. ↑ «The world's deadliest assassins», Irish independent.
  4. ↑ «آیا خدای واقعی رژیم کودک‌کُش را می‌شناسید؟+فیلم و عکس», Хабаргузории Форс
  5. ↑ «آیا خدای واقعی رژیم کودک‌کُش را می‌شناسید؟+فیلم و عکس», Хабаргузории Форс
  6. ↑ Ниг.: «نمایندگان پارلمان اروپا حملات اسرائیل علیه غزه را نسل‌کشی دانستند», Хабаргузории Анатоли; Ayyash, «A genocide is under way in Palestine», Al Jazeera Media Network.
  7. ↑ Adel and Gallagher, «Genocide in Gaza: A call to urgent global action», Al Jazeera Media Network.
  8. ↑ Барои намуна ниг.: «قتل‌عام‌های اشغالگران تا سال ۱۹۴۸م», Росихун; «پرونده سنگین جنایت‌های ارتش اسرائیل», Хбарагузории Меҳр; «تجاوز به زنان پیش چشم همسران در ملاعام/ قتل عام شهروندان یک روستا و مثله کردن جنازه‌ها/کشتار کودکان با باتوم», Хабаргузории Машриқ; «سیاهه جنایت‌های صهیونیست‌ها-۱|از بالفور تا ترامپ», Хабаргузории Тасним
  9. ↑ Барои намуна нигаред ба: «پرونده سنگین جنایت‌های ارتش اسرائیل», Хабаргузории Меҳр; «تجاوز به زنان پیش چشم همسران در ملاعام/ قتل عام شهروندان یک روستا و مثله کردن جنازه‌ها/کشتار کودکان با باتوم», Хабаргузории Машриқ; «دهه‌ها جنایت از بزرگ‌ترین جانی جهان», Хабаргузории Фарс; «کارنامه سیاه صیهونیست‌ها علیه مردم فلسطین: ۷۵ سال جنایت», Рӯзномаи Кайҳон; «سیاهه جنایت‌های صهیونیست‌ها-۲|کشتار صبرا و شتیلا و فاجعه قانا», Хабаргузории Тасним
  10. ↑ .What we know so far about the deadly strike on a Gaza hospital", AlJAZEERA"
  11. ↑ [1]«حزب الله: انفجار أجهزة “بايجر” كانت لدى عدد من العاملين في الحزب والأجهزة المختصة تقوم بالتحقيقات»، وبگاه المنار., Сомонаи Ал-Манор.
  12. ↑ «نگاهی بر جنایات رژیم صهیونیستی در ۸۶ سال گذشته», Хабаргузории Форс; «مهمترین ترورهای انجام شده توسط اسرائیل در سراسر جهان», Пойгоҳи хабарии Ҷаморон; «بیش از ۲۷۰۰ ترور هدفمند میراث شوم اسرائیل», Хабаргузории Ҷумҳурии исломӣ
  13. ↑ «نگاهی بر جنایات رژیم صهیونیستی در ۸۶ سال گذشته», Хабаргузории Форс
  14. ↑ «من شیخ راغب حرب هستم», Хабаргузории Форс.
  15. ↑ Барои намуна нигаред ба:‌ «بیش از ۲۷۰۰ ترور هدفمند میراث شوم اسرائیل», Хабаргузории Ҷумҳурии Исломӣ; «نگاهی بر جنایات رژیم صهیونیستی در ۸۶ سال گذشته», Хабаргузории Форс; «مهمترین ترورهای انجام شده توسط اسرائیل در سراسر جهان», Пойгоҳи хабарӣ Ҷаморан
  16. ↑ «شیخ صالح العاروری به شهادت رسید», Сайти Маркази иттилоотрасонии Фаластин.
  17. ↑ «خبرگزاری فرانسه: سردار سپاه که در حمله به کنسولگری ایران کشته شد از مشاوران عالی حزب الله بود»,‌ Euronews.
  18. ↑ «اسماعیل هنیه در تهران کشته شد», Хабаргузории Анотолӣ.
  19. ↑ «قاد جبهة الإسناد اللبنانية وناصر المسلمين في البوسنة والهرسك.. من هو الشهيد “السيد محسن شكر”؟», Ал-Манор.
  20. ↑ حزب الله ینعی قائدین و14 مقاتلا وإسرائیل اتخذت قرار الاغتیال بوقت قصیر», Ал-Ҷазира.
  21. ↑ «شهادة الأمين العام لحزب الله سماحة السيد حسن نصرالله», Сайти Ал-Манор.
  22. ↑ «سردار نیلفروشان در بیروت به شهادت رسید+بیوگرافی», Хабаргузории Ал-Олам.
  23. ↑ «حزب‌الله کشته شدن علی کرکی را تأیید کرد», Хабаргузории Анотолӣ.
  24. ↑ «تصویری از دیدار شهید شیخ نبیل قاووق با رهبر انقلاب», Сайти шабакаи Ал-Олам.
  25. ↑ «حزب الله يزف السيد هاشم صفي الدين شهيداً على طريق القدس», Вебгоҳи Ал-Манар.
  26. ↑ Ниг.: «نقش آمریکا در عملیات تروریستی در ایران بعد از پیروزی انقلاب اسلامی», Маркази Асноди Инқилоби исломӣ
  27. ↑ «The world's deadliest assassins", Irish independent.
  28. ↑ «Israel teams with terror group to kill Iran's nuclear scientists, U.S. officials tell NBC News", NBC news.
  29. ↑ «تظاهرات مردم فلسطین به مناسبت روز نکبت», Хабаргузории Анатоли
  30. ↑ Каффош ва дигарон, Донишномаи мусаввари таърихи Фаластин, 1392ҳ.ш., саҳ.222
  31. ↑ «جنگ سال ۱۹۷۳م یوم کیپور», Сомонаи Ҷанговарон
  32. ↑ از عملیات سلامت الجلیل و شکل‌گیری حزب‌الله تا خوشه‌های خشم», Хабаргузории Тасним
  33. ↑ «حملات ۱۵ ماهه اسرائیل به غزه: کشته شدن ۴۷ هزار فلسطینی و ویرانی زیرساخت‌ها», Хабаргузории Анатоли

Сарчашма

Баргирифта аз "https://tg.wikishia.net/w/index.php?title=Феҳристи_кушторҳои_Исроил&oldid=31846"