Jump to content

Horun (pajƣambar)

Az wikishia
Horun
Maqbarai Horun
Maqbarai Horun
NaqşPajƣambar
MadfanKūhi Hur dar ƣarbi Urdun
xeşu tabor
PadarImron
ModarJukobid
FarzandonAliozar
Tuli umr123 sol
Pajƣambaron
‌‌Odam (a) . Nūh (a) . Idris (a) . Hud (a) . Soleh (a) . Ibrohim (a) . Lut (a) . Ismoil (a) . Aljasa' (a) . Zulkifl (a) . Iljos (a) . Junus (a) . Ishoq (a) . Ja'qub (a) . Jusuf (a) . Şuajb (a) . Muso (a) . Horun (a) . Dovud (a) . Sulajmon (a) . Ajjub (a) . Zakarijo (a) . Jahjo (a) . Iso (a) . Muhammad (s)



Horun ibni Imron (forsī: هارون بن عمران) az pajƣambaroni Ilohī, barodar, çonişin va hamrohi hazrati Muso (a) bud, ki dar Qur'on az qavli Muso ba fasohataş dar suxan guftan işora şudaast. Dar hadise az Pajƣambari Akram, çojgohi Imom Alī (a) nisbat ba Pajƣambari Akram ba çojgohi Horun nisbat ba Muso monand şudaast. In hadis dar manobei şia va sunnī naql şuda va ba hadisi Manzalat ma'ruf ast.

Hangome, ki Muso baroi giriftani Alvoh ba Tūri Sino raft, Horunro çonişini xud qaror dod. Dar in muddat, farde ba nomi Somirī gūsolae soxt va Banī Isroilro ba parastişi on da'vat kard va Horun natavonist mone'i onho şavad; albatta Tavrot, soxti gūsolaro ba Horun nisbat dodaast.

Horun dar 123-solagī dar Tūri Sino az dunjo raft, dar kūhi Hūri Urdun, ki ba Çabali Horun şuhrat dorad, maqbarae ba ū mansub ast.

Xonadon

Horun, barodari hazrati Muso bud, padaraş Imron va modaraş Jukobad nom doşt.[1] Nasabi Safija duxtari Hujaj ibni Axtab az hamsaroni hazrati Muhammad (s) ki az jahudijoni Banī Nazir bud, ba ū merasad.[2]

Pajƣambarī

Jahudijon, masehijon[3] va musulmonon[4] mū'taqid ba pajƣambariji Horun hastand. Bar pojai rivojate az Pajƣambari Akram, nabuvvat az tariqi nasli Horun idoma joftaast[5] va pajƣambarone az çumla Iljos az navodagoni ū ba şumor meojand.[6]

Binobar ojoti Qur'on, hazrati Muso hangomi mab'us şudan ba pajƣambarī, az Xudo xost, ki Horunro vazir va hamrohi ū qaror dihad, caroki ū behtar az Muso suxan megūjad.[7] Hamcunin dar ojoti Qur'on az hamrohiji Horun bo Muso dar da'vati Fir'avn ba jaktoparastī suxan ba mijon omadaast.[8] Az Imom Alī (a) dar vasfi holoti Muso va Horun naql şudaast, ki hazrati Muso ba hamrohi Horun, dar hole nazdi Fir'avn raftand, ki libosi paşmin bar tan va asoi cubin dar dast doştand.[9] Dar aş'ori forsī niz az vaj dar kanori Muso jod şudaast:

Gilemi Musoju Horun beh az molu zari Qorun,
Caro şojad, ki bifurūşī tu didore ba dinorī[10]

Dar Qur'on ba pajƣambariji Horun işora şudaast.[11] Dar surai Soffot, Muso va Horun dar bahramandī az kitobi Ilohī, hidojat ba siroti mustaqim va nekūkor budan, şarik muarrifī şudaand.[12]

Dar rivojate az Imom Sodiq (a) ba naql az hazrati Muhammad (s) omadaast, ki dar çarajoni Me'roç, vaqte Pajƣambar ba osmoni pançum su'ud kard, on ço marde tanumand bo caşmone duruştro muşohida kard, ki peromuni ū gurūhe az ummataş budand. Pajƣambar az zijodiji onho mutaaççib şuda, az Çabrail pursid, in mard kist? Çabrail ūro Horun pisari Imron muarrifī kard. Sipas Pajƣambar bar ū salom dodu barojaş istiƣfor kard va ū niz ba Pajƣambar salom dodu barojaş istiƣfor namud.[13]

Çonişiniji Muso va moçaroi gūsolai Somirī

Maqolai aslī: Gūsolai Somirī

Hangome, ki Muso baroi giriftani Alvoh ba Tūri Sino raft, Horunro bajni Banī Isroil çonişini xud qaror dod.[14] Dar in muddat Somirī bo tillohoe, ki qavmi Muso az fir'avnijon bo xud ba hamroh ovarda budand, gūsolae soxt[15] va qavmi Musoro ba parastişi on da'vat namud.[16] Taloşi Horun baroi çilavgirī az parastişi gūsola foidae nadoşt.[17] Muso ba'd az bozgaşt, ba saxtī bo Horun suxan guft, ki caro mone'i onho naşudaast. Horun guft, ki qavm nazdik bud ūro ba qatl birasonand, va az Muso darxost kard, ki ūro duşmanşod nakunad va bo zolimon jakson napindorad.[18] Az in rū, Muso baroi xud va barodaraş az Xudovand talabi baxşiş kard.[19]

Binobar ojoti Qur'on, gūsolaparastiji Banī Isroil, kori Somirī bud[20] va Horun bo on muboriza kard,[21] ammo Tavrot, Kitobi Muqaddasi jahudijon, gūsolasozī va da'vat ba butparastiro ba Horun nisbat dodaast.[22] Harcand barxe az mufassironi jahud dar sadadi tavçeh va ta'vili suxani Tavrot dar in zamina baromadaand.[23]

Monand kardani çojgohi Imom Alī (a) ba Horun

Maqolai aslī: Hadisi Manzalat

Dar hadise az Pajƣambari Akram (s), çojgohi Imom Alī (a) nisbat ba Pajƣambar (s) hamonandi çojgohi Horun nisbat ba Muso muarrifī şudaast.[24] In hadis dar manobei şia[25] va sunnī[26] naql şuda va ba hadisi Manzalat şinoxta meşavad. Bar asosi in hadis Pajƣambari Akram (s) xitob ba Alī (a) farmud: «أنتَ مِنّی بِمَنزلةِ هارونَ مِنْ مُوسی; Tu nisbat ba man ba manzalai Horun hastī nisbat ba Muso bo in farq, ki ba'd az man pajƣambare nest!»[27]

Darguzaşt va oromgoh

Qabri mansub ba hazrati Horun dar rustoi Katrini Urdun

Ba guftai Ja'qubī,[28] Horun dar 123-solagī va dar zamoni hajoti hazrati Muso (a), ba naqli Mas'udī[29] dar sini 126-solagī va binobar naqli Muqaddasī dar kitobi “al-Bad'u va-t-ta'rix”,[30] vaj dar sini 128-solagī va se sol qabl az Muso (a) az dunjo raftaast. Bar asosi rivojate az Pajƣambar (s) siniji Horun ba hangomi marg 133 sol bud.[31]

Bar pojai rivojate, Muso Horunro ba kūhi Tūri Sino burd va dar on ço malakulmavt çoni ūro girift.[32] Mutobiqi hadisi mazkur, Muso ba hamrohi Horun ba Tūri Sino raftand va dar on ço utoqero didand, ki bar dar on daraxte bud va bar on daraxt du libos ovezon bud, Muso ba Horun guft: «Çomaatro berun or va in du çomaro bipūşu ba daruni utoq daro va bar taxte, ki dar on qaror dorad, bixob!» Cun Horun bar taxt xobid, margaş faro rasid. Muso ba nazdi Banī Isroil bozgaşt va xabari margi Horunro ba onho dod. Banī Isroil Musoro takzib karda, guftand: tu ūro kuştaī! Xudo ba fariştagon dastur dod çanozai Horunro bar taxte dar havo hozir kardand va Banī Isroil ūro didand va donistand, ki Horun az dunjo raftaast.[33] Bino ba guzorişi Ja'qubī, Aliozar farzandi Horun niz dar çarajoni margi padaraş ba hamrohi Muso budaast.[34]

Dar ƣarbi Urdun bar qullai kūhi Hūr maqbarae mansub ba Horun ast.[35] In kūh ba nomi «Petro» va «Çabali Horun» niz şuhrat dorad.[36] Binoi in maqbara ba qarni haştumi qamarī barmegardad.[37] Hamcunin maqbarai digare dar rūstoi «Katrinus-sajohija» dar Urdun - dar hoşijai sohiliji xaliçi Aqaba - bar boloi teppai xūrde ba Horun mansub ast.[38]

Ezoh

  1. ↑ Kitobi Muqaddas, kitobi xuruç, bobi 6, ojati 20.
  2. ↑ Ibni Abdulbarr, al-Isti'ob, 1412h.q., ç.4, sah.1871.
  3. ↑ Kitobi Muqaddas, kitobi xuruç, bobi 32, ojati 2 - 6.
  4. ↑ Surai Marjam, ojati 53.
  5. ↑ Maçlisī, Bihor-ul-anvor, 1403h.q., ç.23, sah.70.
  6. ↑ Ibni Manzur, Muxtasaru ta'rixi Dimişq, 1402h.q., ç.5, sah.23.
  7. ↑ Surai Furqon, ojati 35; surai Qasas, ojati 34.
  8. ↑ Surai Toho, ojati 42 - 48.
  9. ↑ Fajzulislom, Nahçulbaloƣa, xutbai Qosi'a, ç.4, sah.790.
  10. ↑ Mavlavī, Devoni Şams, ƣazali şumorai 2534.
  11. ↑ Surai Marjam, ojati 53.
  12. ↑ Surai Soffot, ojati 114 - 122.
  13. ↑ Maşoix, Qasasi anbijo, 1381h.ş., sah.330.
  14. ↑ Surai A'rof, ojati 142.
  15. ↑ Tabotaboī, al-Mizon, 1417h.q., ç.14, sah.192.
  16. ↑ Surai Toho, ojati 87.
  17. ↑ Surai Toho, ojati 90 - 91.
  18. ↑ Surai A'rof, ojati 150.
  19. ↑ Surai A'rof, ojati 151.
  20. ↑ Surai Toho, ojati 85.
  21. ↑ Surai Toho, ojati 90.
  22. ↑ Kitobi Muqaddas, kitobi xuruç, bobi 32, ojoti 1 - 6.
  23. ↑ Ançumani kalimijoni Tehron, “Tarçumai Kitobi Muqaddas”, ponavisi duvum.
  24. ↑ Buxorī, Sahehi Buxorī, 1401h.q., ç.4, sah.208.
  25. ↑ Baroi namuna nigoh kuned ba: Maçlisī, Bihor-ul-anvor, 1403h.q., ç.24, sah.14.
  26. ↑ Baroi namuna nigoh kuned ba Buxorī, Sahehi Buxorī, 1401h.q., ç.4, sah.208; Muslim, Saheh Muslim, Dorulçil/Dorul-ofoqilçadida, ç.7, bobi min fazoili Alī ibni Abitolib, sah.120.
  27. ↑ Muslim, Saheh Muslim, Dorulçil/Dorul-ofoqilçadida, ç.7, bobi min fazoili Alī ibni Abitolib, sah.120; Maçlisī, Bihor-ul-anvor, 1403h.q., ç.24, sah.14.
  28. ↑ Ja'qubī, Ta'rix-ul-Ja'qubī, Dorusodir, ç.1, sah.41.
  29. ↑ Mas'udī, Isbot-ul-vasijat, naşri Ansorijon, sah.64.
  30. ↑ Muqaddasī, al-Bad'u va-t-ta'rix, maktabatussaqofatiddinija, ç.3, sah.92.
  31. ↑ Şajxi Saduq, Kamol-ud-din va tamom-un-ne'mat, 1395h.q., ç.2, sah.524.
  32. ↑ Maçlisī, Bihor-ul-anvor, 1403h.q., ç.13, sah.368.
  33. ↑ Maçlisī, Bihor-ul-anvor, 1403h.q., ç.13, sah.368.
  34. ↑ Ja'qubī, Ta'rix-ul-Ja'qubī, Dorusodir, ç.1, sah.41.
  35. ↑ Hoks, Qomusi Kitobi Muqaddas, 1377h.ş., sah.114.
  36. ↑ “Maqom-un-nabī Horun alajhissalom”, irsul-Urdun.
  37. ↑ “Maqom-un-nabī Horun alajhissalom”, irsul-Urdun.
  38. ↑ Romininaƶod, “Mazori hazrati Horun (alajhissalom)”, Rosixun.

Sarcaşma

  • Qur'oni Karim.
  • Buxorī, Muhammad ibni Ismoil, Saheh al-Buxorī, Bejrut, Dorulfikr, 1401h.q./1981m.
  • Ibni Abdulbarr, Jusuf ibni Abdulloh, al-Isti'ob fi ma'rifat-il-ashob, tahqiqi Ali Muhammad al-Baçovī, Bejrut, Dorulçil, 1412h.q./1992m.
  • Ibni Manzur, Muhammad ibni Mukarram, Muxtasaru ta'rixi Dimişq, tahqiq: Rūhija an-Nuhos va Rijoz Abdulhamid Murod va Muhammad Muti', Dimişq, Dorulfikr, 1402h.q./1984m.
  • Kitobi Muqaddas.
  • Mas'udī, Alī ibni Husajn, Isbot-ul-vasijat li-l-Imom Alī ibni Abitolib (a), naşri Ansorijon, copi sejum, 1384 / 1426h.q.
  • Maşoix, Fotima, Qasasi anbijo, Tehron, intişoroti Farahon, 1381h.ş.
  • Maçlisī, Muhammadboqir, Bihor-ul-anvor, Qum, daftari intişoroti islomī, 1403h.q.
  • Muslim, Saheh Muslim, Bejrut, Dorulçil/Dorul-ofoqilçadida, be to.
  • Muqaddasī, Mutahhar ibni Tohir, al-Bad'u va-t-ta'rix, maktabatussaqofatiddinija, be to.
  • Romininaƶod, Romin, «مزار حضرت هارون (علیه‌السلام)», Rosixun, sanai bozdid 28 farvardini 1398h.ş.
  • Tabotaboī, Muhammadhusajn, al-Mizon fi tafsir-il-Qur'on, Qum, daftari intişoroti islomiji çome'ai mudarrisini havzai ilmijai Qum, 1417h.q.
  • Şajxi Saduq, Muhammad ibni Alī ibni Bobavajh, Kamol-ud-din va tamom-un-ne'mat, Tehron, islomija, copi duvum, 1395h.q.
  • Şajxī, Hamidrizo, Pajƣambar az nigohi Qur'on va Ahli Bajt, Qum, Dorulhadis, copi sejum, 1386h.ş.
  • Ja'qubī, Ahmad ibni Abija'qub, Ta'rix-ul-Ja'qubī, Bejrut, Dorusodir, be to.
  • Hoks, Çejms, Qomusi Kitobi Muqaddas, Tehron, intişoroti asotir, 1377h.ş.
  • « مقام النبی هارون علیه‌السلام»، ارث الاردن., irsul-Urdun, sanai bozdid 28 farvardini 1398h.ş.
Bargirifta az "https://tg.wikishia.net/w/index.php?title=Ҳорун_(пайғамбар)&oldid=30465"