Ояти 10 сураи Бақара
 | |
| Маълумот дар бораи оят | |
|---|---|
| Воқеъ дар сураи | Сураи Бақара |
| Шумораи оят | 10 |
| Ҷузъ | 1 |
| Мавзуъ | Эътиқодӣ |
| Дар бораи | Бемордилии мунофиқон |
Ояти 10 сураи Бақара (форсӣ: آیه ۱۰ سوره بقره) ба вуҷуди беморӣ ва мараз дар ҷону дили мунофиқон ишора дорад ва ин ки Худо низ бар он меафзояд.[1] Ин оят дар миёни оёти ибтидоии сураи Бақара (8 то 20) ҷой гирифта ва ба муаррифии мунофиқон ва баёни вижагиҳо ва рафторҳои онон мепардозад.[2]
| “ | Дар дилҳояшон бемориест ва Худо бар бемориашон афзуд ва ба [ҷазои] он чи ба дурӯғ мегуфтанд, азобе дардовар [дар пеш] хоҳанд дошт. |
” |
Якчанд аз муфассирони шиа, бо истнод ба ин оят, нифоқ ва дурӯғро аз вижагиҳои мунофиқон медонанд[3] ва онро навъе бемории нафсонии[4] пайваста тавсиф мекунанд.[5]
Дар тафсири бемории ҷону дил, назароти гуногун матраҳ шудааст. Баъзе онро ба маънои шак дар Худо[6] ва дин[7] тафсир кардаанд ва гурӯҳи дигар онро ба маънои нифоқ,[8] куфр, кина[9] ва ё ҳасад нисбат ба Пайғамбар (с)[10] донистаанд.
Дар тафсири ибораи «фазодаҳум-ул-лоҳу маразан» гуфта шуда, ки Худо дар ибтидо дилу ҷони инсонҳоро бемор намекунад;[11] балки бемории дил ва афзоиши он ношӣ аз интихоби бероҳа тавассути худи инсон аст.[12] Гурӯҳи дигар, ин ибораро лаънат медонанд ба ин маъно, ки Худованд бар бемории онон биафзояд.[13]
Вожаи «якзибун» дар оятро баъзе ба кизби эътиқодӣ, яъне такзиби Худо ва Пайғамбар (с) тафсир кардаанд[14] ва гурӯҳи дигар онро дурӯғи гуфторӣ медонанд.[15] Дар якчанд аз қироатҳо, ба ҷои вожаи «якзибун» аз вожаи «юказзибун» истифода шуда, ки ба маънои такзиб ва болотар аз дурӯғ аст; зеро такзиб ба маънои нисбат додани дурӯғ ба шахси ростгӯст.[16]
Дар баъзе ривоёт, такзиб ва паймоншиканӣ нисбат ба байъат бо Имом Алӣ (а) аз мисдоқҳои ин оят зикр шудааст.[17]
Эзоҳ
- ↑ Ризоӣ, Тафсири Қуръони Меҳр, 1387ҳ.ш., ҷ.1, саҳ.178.
- ↑ Макорими Шерозӣ, Тафсири намуна, 1374ҳ.ш., ҷ.1, саҳ.93.
- ↑ Макорими Шерозӣ, Тафсири намуна, 1374ҳ.ш., ҷ.1, саҳ.94.
- ↑ Ризоӣ, Тафсири Қуръони Меҳр, 1387ҳ.ш., ҷ.1, саҳ.178.
- ↑ Мударрисӣ, Мин ҳуда-л-Қуръон, 1419ҳ.қ., ҷ.1, саҳ.106.
- ↑ Таботабоӣ, ал-Мизон, 1393ҳ.қ., ҷ.5, саҳ.378.
- ↑ Табарсӣ, Маҷмаъ-ул-баён, 1372ҳ.ш., ҷ.1, саҳ.135.
- ↑ Шайхи Тӯсӣ, ат-Тибён, Дор эҳё-ит-турос-ил-арабӣ, ҷ.1, саҳ.72; Табарсӣ, Маҷмаъ-ул-баён, 1372ҳ.ш., ҷ.1, саҳ.135.
- ↑ Табарсӣ, Ҷавомеъ-ул-ҷомеъ, 1412ҳ.қ., ҷ.1, саҳ.20
- ↑ Файзи Кошонӣ, ал-Асфо фи тафсир-ил-Қуръон, 1376ҳ.ш., ҷ.1, саҳ.14.
- ↑ Ҷаводии Омулӣ, Тасним, 1390ҳ.ш., ҷ.2, саҳ.263.
- ↑ Ҷаводии Омулӣ, Тасним, 1390ҳ.ш., ҷ.2, саҳ.263; Ризоӣ, Тафсири Қуръони Меҳр, 1387ҳ.ш., ҷ.1, саҳ.178-179.
- ↑ Шайхи Тӯсӣ, ат-Тибён, Дор эҳё-ит-турос-ил-арабӣ, ҷ.1, саҳ.72.
- ↑ Табарсӣ, Маҷмаъ-ул-баён, 1372ҳ.ш., ҷ.1, саҳ.135; Ҷаводии Омулӣ, Тасним, 1390ҳ.ш., ҷ.2, саҳ.269.
- ↑ Табарсӣ, Маҷмаъ-ул-баён, 1372ҳ.ш., ҷ.1, саҳ.135; Макорими Шерозӣ, Тафсири намуна, 1374ҳ.ш., ҷ.1, саҳ.94.
- ↑ Табарсӣ, Маҷмаъ-ул-баён, 1372ҳ.ш., ҷ.1, саҳ.135.
- ↑ Ҳасан ибни Алӣ, ат-Тафсир-ул-мансуб ила-л-Имом ал-Ҳасан ал-Аскарӣ (а), 1409ҳ.қ., ҷ.1, саҳ.114.
Сарчашма
- Макорими Шерозӣ, Носир, Тафсири намуна, Теҳрон, Дор-ул-кутуб-ил-исломия, чопи аввал, 1374ҳ.ш.
- Мударрисӣ, Сайид Муҳаммадтақӣ, Мин ҳуда-л-Қуръон, Теҳрон, Дор муҳибби-л-Ҳусайн, чопи аввал, 1419ҳ.қ.
- Ризоии Исфаҳонӣ, Муҳаммадалӣ, Тафсири Қуръони Меҳр, Қум, Пажӯҳишҳои тафсир ва улуми Қуръон, 1387ҳ.ш.
- Табарсӣ, Фазл ибни Ҳасан, Маҷмаъ-ул-баён фи тафсир-ил-Қуръон, таҳқиқ: Муҳаммадҷаводи Баллоғӣ, Теҳрон, Носири Хусрав, чопи сеюм, 1372ҳ.ш.
- Табарсӣ, Фазл ибни Ҳасан, Тафсири Ҷавомиъ-ул-ҷомеъ, Қум, Ҳавзаи илмияи Қум – Маркази мудирияти Қум, 1412ҳ.к.
- Таботабоӣ, Муҳаммад Ҳусайн, ал-Мизон фи тафсир-ил-Қуръон, Бейрут, Муассисат-ул-аъламӣ ли-л-матбуот, 1393ҳ.қ.
- Файзи Кошонӣ, Муҳаммадмуҳсин, ал-Асфо фи тафсир-ил-Қуръон, Қум, Мактаб-ул-иълом-ил-исломӣ, 1376ҳ.ш.
- Ҳасан ибни Алӣ, ат-Тафсир-ул-мансуб ила-л-Имом ал-Ҳасан ал-Аскарӣ (а), таҳқиқ: Мадраса ал-Имом ал-Маҳдӣ (а), Қум, Мактабат-ул-Имом ал-Маҳдӣ (а), чопи аввал, 1409ҳ.қ.
- Ҷаводии Омулӣ, Абдуллоҳ, Тасним, Қум, Исро, чопи ҳаштум, зимистони 1390ҳ.ш.
- Шайхи Тӯсӣ, Муҳаммад ибни Ҳасан, ат-Тибён фи тафсир-ил-Қуръон, таҳқиқ: Аҳмад Қасиромилӣ, Бейрут, Дор эҳё-ит-турос-ил-арабӣ, чопи аввал, бе то.