Ҷиҳоди никоҳ
Ҷиҳоди никоҳ (форсӣ: جهاد نکاح) истилоҳест, ки дар замони ҷанги ДОИШ бо ҳукумати Сурия ва Ироқ ривоҷ ёфт ва ба иҷозати издивоҷи кӯтоҳмуддати занон ва духтарон бо ҷанговарони ДОИШ бе риояи шароити издивоҷи шаръӣ ишора дорад. Ин амал ба фатвое асос ёфт, ки бори аввал дар соли 2010 дар саҳифаи твиттери Муҳаммад Ал-Арифӣ, рӯҳонии ваҳҳобӣ аз Арабистони Саудӣ паҳн шуд. Аммо Ал-Арифӣ бо ишора ба ҳак шудани ҳисоби шабакаи иҷтимоии худ, содир кардани чунин фатво аз ҷониби худро рад кард ва муносибати заношӯӣ бе риояти шароити издивоҷи шаръиро мисдоқи зино донист.
Аз назари уламои мусулмон, ҷиҳоди никоҳ навъе аз зино ва тарвиҷи фаҳшо аст. Ҷаъфари Субҳонӣ ҷиҳоди никоҳ аз ҷониби такфириёнро латмае ба обрӯи Ислом ва Носир Макорими Шерозӣ онро бар хилофи зарурати Ислом донистанд. Ба назари Сайид Абдулкрим Мусавии Ардабилӣ низ ҷиҳоди никоҳ ҳаром аст ва чунин ҳукм беасос ва иҷтиҳод дар баробари нас аст.
Ривоҷи ҷиҳоди никоҳ байни ДОИШ бозтоби васеъе дар кишварҳои исломӣ ва расонаҳои ҷаҳон дошт. Мансур Туркӣ, сухангури вазорати корҳои дохилии Арабистони Саудӣ, иллати тарвиҷи ин ҷиҳоди ҷинсиро пайвастани занон ба гурӯҳи террористии ДОИШ бо ҳадафи тарбияи фарзандон ба услуби хавориҷ ё анҷоми амалиёти террористӣ иброз кард.
Баъзе манбаъҳои ироқӣ оморҳои гуногун аз рабуда шудани занон ва духтарони Мусел бо воситаи нерӯҳои ДОИШ ва иҷбор ба ҷиҳоди никоҳро дар муддати тасаллути он шаҳр гузориш кардаанд. Луфтӣ ибни Ҷаду, вазири корҳои дохилии Тунис дар соли 2012, аз бозгашти даҳҳо нафар занони ҳомиладор, ки барои ҷиҳоди никоҳ ба Сурия рафта буданд, хабар дод. Аммо рӯзномаи Le Monde (Ле Монд)-и Фаронса бо инкор кардани ҷиҳоди никоҳ онро сохтаи ҳамдилони ҳукумати Сурия донист.
Мафҳумшиносӣ ва таърихча
Истилоҳи "ҷиҳоди никоҳ" барои издивоҷи зиёди кӯтоҳмуддат ва соатии занон ва духтарон бо ҷанговароне чун ДОИШ дар замони ҷанг бо ҳукумати Ироқ ва Сурия дар даҳаи 2010 истифода шуд.[1] Гурӯҳи ДОИШ дар нуҳумин рӯзи тасаллути Мусел, дувумин шаҳри бузурги Ироқ, дар баёнияе аз сокинҳои он ҷо хосто, ки духтарони худро барои ҷиҳоди никоҳ дар ихтиёри онҳо қарор диҳанд.[2]
Дар ин навъи муносибати заношӯӣ, баъзе шартҳои издивоҷи шаръӣ монанди шарти идда нигоҳ доштани занон риоя намешавад.[3] Ин амал ба фатвое асос ёфт, ки бори аввал дар саҳифаи твиттери Муҳаммад Ал-Арифи, рӯҳонии ваҳҳобӣ аз Арабистони Саудӣ паҳн шуд[4] ва дар баробари амал ба он, ба занон ваъдаи биҳишт дод.[5] Аммо Ал-Арифи пас аз интишори ин хабар, содир кардани чунин фатво аз ҷониби худро рад кард.[6]
Ӯ инчунин дар соли 2013 аз ҳак шудани ҳисоби твиттери худ хабар дод ва ҷиҳоди никоҳ бе риояи шароит ва аҳкоми издивоҷро зино донист.[7] Аммо Носир Ал-Умар, муфтии ваҳҳобӣ аз Арабистони Саудӣ, ҷиҳоди никоҳро барои нерӯҳои ДОИШ дар Сурия ҳатто ба никоҳ бо маҳорем тавсеа дод. Ӯ гуфт, ки дар вақти ҷанг бар зидди шиаҳо, ҳеч навъ ҳароме вуҷуд надорад.[8] Инчунин гуфта шудааст, ки Хабоб Марвони Ал-Ҳамад, мубаллиғи мақими Фаластин, ҷиҳоди никоҳ бо занони шавҳардорро низ ҷоиз донист; аммо пас аз интишори хабар, содир кардани чунин фатворо рад кард.[9]
Вокуниши фақеҳон
Баъзе уламои шиа ва аҳли суннат "ҷиҳоди никоҳ"-ро як навъи зино ва тарвиҷи фасоду фаҳшо донистанд ва бо он мухолифат карданд.[10] Онҳо "ҷиҳоди никоҳ"-ро мухолифи қоидаҳо, шароит ва аркони издивоҷ дар фиқҳи имомия ва аҳли суннат шумурданд.[11] Сайид Мӯсо Шубайрӣ Занҷонӣ дар ҷавоб ба як пурсиш, мавҷудияти мавзуе ба номи "ҷиҳоди никоҳ" дар Исломро инкор карда, риояи шароит ва аҳкоми никоҳ, аз ҷумла хондани сиғаи издивоҷ, бешавҳар будани зан ва дар ҳолати идда набудани ӯро ҳатмӣ эълом кард.[12]
Носир Макорими Шерозӣ "ҷиҳоди никоҳ"-ро расвоии бузург ва хилофи зарурати Ислом медонад.[13] Ҷаъфари Субҳонӣ "ҷиҳоди никоҳ" аз сӯи такфириёнро латмае ба обрӯи Ислом тавсиф кард.[14] Сайид Абдулкарими Мӯсавии Ардабилӣ бо ҳаром шумурдани "ҷиҳоди никоҳ" ва издивоҷ бо маҳорим, чунин ҳукмеро бебунёд ва "иҷтиҳод дар баробари насс" донист.[15]
Бозтоб
"Ҷиҳоди никоҳ" бозтоби густардае дар кишварҳои исломӣ ва расонаҳои ҷаҳон дошт. Сарлашкар Мансур Туркӣ, сухангӯи Вазорати корҳои дохилии Арабистони Саудӣ, сабаби тарвиҷи ин "ҷиҳод"-и ҷинсиро пайвастани занон ба гурӯҳи террористии ДОИШ ва ҳадафи тарбияи фарзандон ба сабки хавориҷ ё анҷоми амалиётҳои террористӣ эълом кард.[16]
Баъзе манбаъҳои ироқӣ оморҳои мухталифе аз рабуда шудани занон ва духтарони аҳли Мавсил тавассути нерӯҳои ДОИШ ва маҷбур кардани онҳо ба "ҷиҳоди никоҳ" дар давраи тасарруфи шаҳр гузориш доданд.[17] Ба гуфтаи Нафӣ Белларӣ, комиссари олии ҳуқуқи башари Созмони Милали Муттаҳид, гурӯҳҳои террористии мухолифи ҳукумати Сурия таҷовузҳои худро "ҷиҳоди никоҳ" ном мебаранд.[18] Лутфӣ бин Ҷидду, вазири корҳои дохилии Тунис, дар соли 2012 аз бозгашти даҳҳо зани ҳомилае хабар дод, ки барои "ҷиҳоди никоҳ" ба Сурия сафар карда буданд.[19]
ДОИШ бо таблиғоти интернетӣ кӯшиш кард духтарон ва занони ғарбиро ҷалб кунад, ки гузоришҳои зиёде аз пайвастани онҳо аз кишварҳои аврупоӣ, монанди Англия ва Австрия, нашр шуд.[20] Абдуллоҳ Муҳаммад Катмату, ноиби раиси Иттиҳодияи уламои Шом дар масъалаи Фаластин ва Сурия, ин фатворо зарбае кушанда ба мафҳумҳои муқаддаси "никоҳ" ва "ҷиҳод" тавсиф кард. Ӯ машруияти издивоҷро барои ҳифзи ҷомеа ва ҷиҳодро барои густариши Ислом арзёбӣ намуд.[21] Дабири кулли имомони ҷамоати Тунис хостори муҳокимаи вазири умури динии кишвараш ба далели ҳимоят аз содиркунандагони ин фатво шуд.[22]
Шабакаи ҳафтуми Булғористон дар як мустанад бо духтароне, ки дар Сурия "ҷиҳоди никоҳ" анҷом дода буданд, мусоҳиба пахш кард.[23] Ҳамчунин, дар барномае аз шабакаи BBC, эътирофот ва шавоҳиде аз иҷрои "ҷиҳоди никоҳ" дар Тунис, ҳангоми даргирии артиш бо ниманизомиёни вобаста ба гурӯҳи Ал-Қоида, пахш шуд.[24] Ба бовари Исо ал-Ғайс, қозӣ ва узви Маҷлиси Шӯрои Арабистони Саудӣ, "ҷиҳоди никоҳ" андешае хориҷ аз аҳли суннат буд, ки ҳамроҳии баъзе аз кинадорон ва ифротгароёни суннимазҳабро дар пай дошт.[25] Рӯзномаи Le Monde (Ле Монд) аз Фаронса мавҷудияти "ҷиҳоди никоҳ" дар миёни ҷангиёни мухолифи ҳукумати Сурияро инкор карда, онро сохтаи тарафдорони ин ҳукумат барои тахриби чеҳраи мухолифон донист.[26]
Эзоҳ
- ↑ Обидиён ва дигарон, "Ҷиҳод никоҳ; бидъат ё суннат аз дидгоҳи фиқҳии фарқҳои исломӣ ва ҷараёнҳои такфирӣ", саҳ.154
- ↑ «بیانیه داعش به زنان موصل: هم اکنون وقت جهاد نکاح است», Хабаргузории Меҳр
- ↑ جهاد نکاح؛ بدعتی شرمآور, Сайти Тибён
- ↑ Тайибии Ҷабалӣ ва дигарон, "Таҳлили далелҳои қуръонӣ ва фиқҳии адами машрӯияти ҷиҳоди никоҳ дар партави осори зиёнбори рӯҳӣ – равонӣ ва осебрасонӣ ба саломатии афрод", саҳ.103; فتوای روحانی وهابی: ای دختران! برای "جهاد جنسی" به پاخیزید!, Пойгоҳи хабарии Офтоб
- ↑ «زنان چچنی برای جهاد نکاح به سوریه رفتند», Сайти Афкор-ниюс
- ↑ «از مؤسس جهاد نکاح رونمایی شد!», Сайти Асри Эрон
- ↑ «العریفی: فبرکوا جهاد النکاح و اتیان الرجال», Сайти Саҳифату ар-Рокуба
- ↑ Тайибии Ҷабалӣ ва дигарон, "Таҳлили далелҳои қуръонӣ ва фиқҳии адами машрӯияти ҷиҳоди никоҳ дар партави осори зиёнбори рӯҳӣ – равонӣ ва осебрасонӣ ба саломатии афрод", саҳ.104
- ↑ Обидиён ва дигарон, "Ҷиҳод никоҳ; бидъат ё суннат аз дидгоҳи фиқҳии фарқҳои исломӣ ва ҷараёнҳои такфирӣ", саҳ.154
- ↑ Обидиён ва дигарон, "Ҷиҳод никоҳ; бидъат ё суннат аз дидгоҳи фиқҳии фарқҳои исломӣ ва ҷараёнҳои такфирӣ", саҳ.154
- ↑ Обидиён ва дигарон, "Ҷиҳод никоҳ; бидъат ё суннат аз дидгоҳи фиқҳии фарқҳои исломӣ ва ҷараёнҳои такфирӣ", саҳ.154
- ↑ «فتوای یکی از مراجع تقلید در مورد جهاد نکاح», Ҷаҳон-ниюс
- ↑ «آیتالله مکارم شیرازی: جهاد نکاح رسوایی عظیم و بر خلاف ضرورت مسلم اسلام است», Пойгоҳи иттилоърасонии Ҳавза
- ↑ Субҳонӣ, "Салафигарӣ дар оинаи таърих", 1392ҳ.ш., саҳ.126 ва 127
- ↑ «فتوای آیتالله موسوی اردبیلی درباره جهاد نکاح», Сайти Шафақно
- ↑ «صحیفة ریاض السعودیة: جهاد النکاح.. نار شیاطین الداعش», Вакалату ноди-л-муросилин аш-шабоб ли-л-анбаъ
- ↑ «الشبکة تفتح ملف أطفال جهاد النکاح», Сайти Маҷаллату аш-шабакат-ул-ироқия
- ↑ وحشت دختران سوری از تجاوز به نام جهاد, Сайти Машриқ
- ↑ تحقیق: شهادات حیة مع عائلات مجاهدات النکاح و الجمعیات الحقوقیة تفشل فی الوصول إلیهن.. أین إختفت مجاهدات النکاح؟, Сайти Африкан менеҷер
- ↑ «تبلیغ متفاوت داعش برای جذب زنان غربی به جهاد نکاح», Сайти шабакаи ал-Олам; «زنان چچنی برای جهاد نکاح به سوریه رفتند», Сайти Афкор-ниюс
- ↑ «جهاد نکاح یک فتوای انگلیسی است», Сайти Ислом-таймс
- ↑ نقابة تونسية تعتزم مقاضاة وزير الشؤون الدينية بسبب حمايته للأئمة الذين أفتوا بـ”جهاد النكاح”, Сайти рӯзномаи Раъй ал-явм
- ↑ «مستند تلویزیون بلغارستان درباره القاعده و جهاد نکاح», Сайти шабакаи ал-Олам
- ↑ تحقیق: شهادات حیة مع عائلات مجاهدات النکاح و الجمعیات الحقوقیة تفشل فی الوصول إلیهن.. أین إختفت مجاهدات النکاح؟, Сайти Африкон менеҷер
- ↑ «صحیفة ریاض السعودیة: جهاد النکاح.. نار شیاطین الداعش», Вакалату ноди-л-муросилин аш-шабоб ли-л-анбаъ
- ↑ «چیزی با عنوان جهاد نکاح در سوریه وجود ندارد», Сайти Сунни-онлайн
Сарчашма
- «آیتالله مکارم شیرازی: جهاد نکاح رسوایی عظیم و بر خلاف ضرورت مسلم اسلام است», Сомонаи иттилоотии ҳавза, санаи нашр: 20 Меҳр 1392, санаи боздид: 2 меҳр 1403.
- «از مؤسس جهاد نکاح رونمایی شد!», Сомонаи Асри Эрон, санаи нашр: 20 урдибиҳишт 1393, санаи боздид: 1 Меҳр 1403.
- «الشبکة تفتح ملف أطفال جهاد النکاح», Сомонаи маҷаллаи Аш-Шабакаи Ироқӣ, санаи нашр: 19 Сентябр 2016, санаи боздид: 30 шаҳривар 1403.
- «العریفی: فبرکوا جهاد النکاح و اتیان الرجال», Сомонаи Саҳифаи Ар-Рокӯба, санаи нашр: 26 Апрел 2013, санаи боздид: 2 шаҳривар 1403.
- «بیانیه داعش به زنان موصل: هم اکنون وقت جهاد نکاح است», Хабаргузории Меҳр, санаи нашр: 29 Хурдод 1393, санаи боздид: 31 шаҳривар 1403.
- «تبلیغ متفاوت داعش برای جذب زنان غربی به جهاد نکاح», Сомонаи шабакаи Ал-Олам, санаи нашр: 16 мурдод 1393, санаи боздид: 3 меҳр 1403.
- تحقیق: شهادات حیة مع عائلات مجاهدات النکاح و الجمعیات الحقوقیة تفشل فی الوصول إلیهن.. أین إختفت مجاهدات النکاح؟, Сомонаи Африкан Менеҷер, санаи нашр: 28 октябр 2013, санаи боздид: 1 Меҳр 1403.
- جهاد نکاح؛ بدعتی شرمآور, Сомонаи Тибён, санаи нашр: 28 хурдод 1393, санаи боздид: 31 шаҳривар 1403.
- «جهاد نکاح یک فتوای انگلیسی است», Сомонаи Ислом Таймз, санаи нашр: 6 исфанд 1393, санаи боздид: 3 меҳр 1403.
- «چیزی با عنوان جهاد نکاح در سوریه وجود ندارد», Сомонаи Суннӣ Онлайн, санаи боздид: 3 меҳр 1403.
- «زنان چچنی برای جهاد نکاح به سوریه رفتند», Сомонаи Афкор ниюс, санаи нашр: 26 мурдод 1392, санаи боздид: 28 шаҳривар 1403.
- Субҳонӣ, Ҷаъфар, Салфигарӣ дар оинаи таърих, Қум, Тавҳид, 1392.
- «صحیفة ریاض السعودیة: جهاد النکاح.. نار شیاطین الداعش», Воколати Надии Маросилини Шабоб барои Ахбор, санаи нашр: 20 сентябр 2014, санаи боздид: 31 шаҳривар 1403.
- Тайибии Ҷабалӣ, Муртазо ва дигарон, "Таҳлили далелҳои қуръонӣ ва фиқҳӣ дар бораи адами машруияти ҷиҳоди никоҳ дар партави оқибатҳои рӯҳӣ-равонӣ ва осебрасонӣ ба саломатии афрод", дар маҷаллаи Қуръон ва тиб, №12, пойиз 1399ҳ.ш.
- Обидиён, Сайид Ҳасан ва дигарон, "Ҷиҳоди никоҳ; бидъат ё суннат аз дидгоҳи фиқҳӣ ва ҷараёнҳои такфирӣ", дар маҷаллаи Фиқҳ ва мабони ҳуқуқи исломӣ, №1, баҳори 1398ҳ.ш.
- فتوای روحانی وهابی: ای دختران! برای "جهاد جنسی" به پاخیزید!, Сомонаи хабарӣ Офтоб, санаи нашр: 15 фарвардин 1392, санаи боздид: 29 шаҳривар 1403.
- «فتوای یکی از مراجع تقلید در مورد جهاد نکاح», Ҷаҳон ниюс, санаи нашр: 4 меҳр 1392, санаи боздид: 27 шаҳривар 1403.
- «مستند تلویزیون بلغارستان درباره القاعده و جهاد نکاح», Сомонаи шабакаи Ал-Олам, санаи нашр: 23 озар 1392, санаи боздид: 2 меҳр 1403.
- نقابة تونسية تعتزم مقاضاة وزير الشؤون الدينية بسبب حمايته للأئمة الذين أفتوا بـ”جهاد النكاح”, Сомонаи рӯзномаи Раъй ал-Явм, санаи нашр: 25 сентябр 2013, санаи боздид: 28 шаҳривар 1403.
- وحشت دختران سوری از تجاوز به نام جهاد, Сомонаи Машриқ, санаи нашр: 25 урдибиҳишт 1392, санаи боздид: 28 шаҳривар 1403.