Jump to content

Ҳадиси Хосиф-ун-наъл

Аз wikishia
(Тағйири масир аз Ҳадиси Хосифун-наъл)
Ҳадиси Хосиф-ун-наъл
МавзуъМуборизаи Имом Алӣ (а) бо золимон барои таъвили Қуръон; Ҷойгузинӣ пас аз Пайғамбар ва бартарии Имом нисбат ба дигар саҳоба.
Содиршуда азПайғамбари Ислом (с)
Эътибори санадМутавотир
Сарчашмаи шиаАт-Тафсир-ул-Қумӣ, Ал-Кофӣ, Таҳзиб-ул-аҳком, Ал-Мустаришиду фӣ имомати Алӣ ибни Абитолиб, Ал-Иршод.
Сарчашмаи суннӣСунанти Тирмизӣ, Муснади Ибни Ҳанбал


Ҳадиси Хосиф-ун-наъл (ба маънои чоруқдӯз) (форсӣ: حدیث خَاصِفُ‌النَّعْل) гуфторе аз Паёмбари Ислом (с) дар баёни ҷойгоҳ ва фазоили Имом Алӣ (а) мебошад. Азбаски Имом дар он лаҳза машғули дӯхтани кафши Паёмбар (с) буд, бо лақаби Хосиф-ун-наъл ёд шудааст. Дар ин замина ривоятҳои гуногун мавҷуданд, ки ҳамаи онҳо дар ба кор рафтани ин лақаб барои Имоми Алӣ (а) умумият доранд.

Мубориза бо ситамгарон барои таъвили Қуръон яке аз мавзуъҳои ин ривоятҳо мебошад. Нассе бар имомати Имоми Алӣ (а), дониши комили ӯ ба таъвили Қуръон ва ҳаққонияти Имом дар ҷангҳои замони хилофаташ аз ҷумлаи бардоштҳое ҳастанд, ки аз ин ривоят баён шудааст. Дар ривоятҳои дигари Хосиф-ун-наъл, Паёмбар (с) Имомро ҳамчун ҳодии уммат ва ҷонишини баъд аз худ муаррифӣ кардааст.

Ин аҳодис ба таври густарда дар манбаъҳои ҳар ду фирқа, аз ҷумла дар бархе аз кутуби арбаа ва сиҳоҳи ситтаи аҳли суннат бозтоб ёфтааст. Муҳаққиқон бархе аз ин аҳодисро мустафиз, мутавотир ва саҳеҳ донистаанд.

Уммисалама бо ёдоварии ин ҳадис аз Оиша хост, ки аз шӯриш бар зидди Имом худдорӣ кунад. Имоми Алӣ (а) дар бархе аз суханрониҳояш барои исботи ҳаққонияти худ ба аҳодиси Хосиф-ун-наъл истинод кардааст. Ин аҳодис дар ашъори шоироне чун Сайид Ҳимярӣ низ бозтоб ёфтааст.

Ҷойгоҳ ва аҳамият

Ҳадисҳои "Хосиф-ун-наъл" ё "Аҳодиси Хосиф-ун-наъл" маҷмуаи ривоятҳое аз Пайғамбари акрам (с) мебошанд, ки дар баёни мақому фазоили Имом Алӣ (а) чун имомат ва хилофат, муқотила бо мушрикон ва золимон зикр шудаанд. Дар ҳоле ки ӯ машғули таъмир ва дуруст кардани кафши Пайғамбар (с) буд, бо унвони "Хосиф-ун-наъл" ёд шудааст.[1] Лақаби "Хосиф-ун-наъл" барои Имом Алӣ (а) воситаи муштараки ин ривоятҳост.

"Хасф" маънои ҷамъ кардан ва пайваст карни ашё ба ҳамдигарро дорад[2] ва ба касе, ки порчаҳои кафшро ҷамъ мекунад ва ба сурати аввалаш бармегардонад, "Хосиф-ун-наъл" гуфта мешавад.[3] Таъмири кафши Пайғамбар (с) аз ҷониби Имом Алӣ (а) нишонае аз ниҳояти тавозуъ[4] ва беэътиноӣ ба дунё ва намунае аз зиндагии содда маҳсуб мешавад.[5] Ибораи "Хосиф-ун-наъл" пас аз истифода шудан аз ҷониби расулуллоҳ (с)[6] яке аз лақабҳои хосси Имом Алӣ (а) ба шумор рафтааст.[7]

Гуфта шудааст, ки ин ривоятҳо аз нусуси имомати аимма (а)[8] ва аз фазоили махсуси Имом Алӣ (а) буда[9] ва бартарии ӯ бар дигар саҳобаҳоро нишон медиҳад.[10] Ривоятҳои "Хосиф-ун-наъл" ҳарчанд ба Имом дар қолаби сифат ишора мекунанд, аз ҳадисҳои равшан дар фазоили Имом[11] ва аз нусуси равшан дар имомат ва хилофати ӯ ба шумор мераванд.[12] Баъзе аз уламои шиа ва аҳли суннат аҳамияти ин ҳадисҳоро ҳамчун ҳадисҳои "Манзилат" ва "Ғадир" дар фазоили Имом Алӣ (а) донистаанд.[13]

Эътибори ҳадис

Ҳошим ибни Сулаймон Баҳронӣ, олими шиаи қарни ҳабдаҳуми қамарӣ, эътиқод дорад, ки ҳадисҳои "Хосиф-ун-наъл" бо нӯҳ роҳи санадӣ аз ҷониби аҳли суннат[14] ва ду роҳ аз ҷониби шиа[15] ривоят шудаанд. Баъзеҳо бар ин боваранд, ки ҳадисҳои "Хосиф-ун-наъл" ба таври васеъ[16] дар манбаъҳои шиа ва аҳли суннат омадаанд.[17] Ин ҳадисҳо дар шуморае аз китобҳои арбаа[18] ва дигар манбаъҳои мутақаддими шиа[19] зикр шудаанд ва манбаъҳои баъдӣ ба таври такрорӣ ба онҳо пардохтаанд.[20] Дар манбаъҳои мутақаддими аҳли суннат чун "Сунани Тирмизӣ",[21] "Сунани Насоӣ"[22] ва "Муснади Аҳмад"[23] ба баъзе аз ин ривоятҳо ишора шудааст ва дар дигар манбаъҳои аҳли суннат[24] низ инъикос ёфтааст.[25]

Шайх Муфид баъзе ҳадисҳои "Хосиф-ун-наъл"-ро назди фариқайн (шиа ва суннат) саҳеҳ донистааст.[26] Муқаддаси Ардабилӣ ин ҳадисро машҳур ва муътабар шинохта ва навиштааст, ки касе бар саҳеҳии ин ҳадисҳо эътирозе накардааст.[27] Баъзеҳо навиштаанд, ки дар сиҳҳату висоқати санади ин ривоятҳо иҷмоъ вуҷуд дорад.[28] Баъзе уламои шиа гуфтаанд, ки ин ривоятҳо "мустафиз"[29] ва баъзеҳо онҳоро "мутавотир"[30] ҳисоб кардаанд.

Тирмизӣ, муҳаддиси аҳли суннат ва аз нависандагони "Сиҳоҳи ситта", ба ривоят аз муҳаддисони пешин, ривояти "Хосиф-ун-наъл"-ро, ки дар китоби худ оварда, саҳеҳ донистааст.[31] Ганҷии Шофеъӣ, аз муҳаддисони аҳли суннат, эътибори онро баланд, некӯ ва саҳеҳ қаламдод кардааст.[32]

Баъзе аз уламои шиа боберо ба ҳадисҳои "Хосиф-ун-наъл" бахшида ва ба ҷамъоварии онҳо аз манбаъҳо, аз ҷумла манбаъҳои аҳли суннат, пардохтаанд.[33]

Навъҳои гуногуни ҳадис ва тафсири онҳо

Ҳадиси Хосиф-ун-наъл бо иборат ва мавзуъҳои гуногун ва дар маконҳо ва замонҳои мухталиф зикр шудааст, ки гуфтаанд ин масъала нишондиҳандаи такрори ин манқабат ва ҳамчунин таъкид бар фазоили Имом Алӣ (а) аст.[34] Баъзе аз аҳодис иборатанд аз:

Ривояти муқотила барои таъвили Қуръон

Дар баъзе аз ривоятҳо, Хосиф-ун-наъл ба гуфтае аз Пайғамбари акрам (с) марбут аст, ки дар ҷамъи ёрони худ фармуд: «Инна минкум ман юқотилу ала таъвили ҳаза-л-Қуръон камā қāталту ала танзилиҳ; Аз шумо касе аст, ки баъд аз ман барои таъвили Қуръон ҷанг хоҳад кард; ҳамон тавре ки ман барои танзили Қуръон ба мубориза пардохтам». Баъзе аз ҳозирон, ки гуфта мешавад Абӯбакр ва Умар буданд, пурсиданд, ки оё онҳо ҳамин шахс ҳастанд? Пайғамбар (с) дар ҳоле ки ҷавоби манфӣ ба онҳо дод, ӯро шахсе донист, ки машғули чоруқдӯзӣ аст. Дар он замон Имом Алӣ (а) дар ҳоли дӯхтани кафши Пайғамбар буд.[35] Шуморе аз муҳаддисон ва муфассирон муътақиданд, ки Пайғамбари акрам (с) ин ҳадисро пас аз нузули ояти «ислоҳи зоти-л-байн» фармудааст.[36]

Муҳаққиқон баррасиҳои гуногун аз ҳадис пешниҳод кардаанд:

  • Исботи имомат

Муқаддаси Ардабилӣ, аз фақеҳони шиа (ваф.993ҳ.қ.), ин ҳадисро насси сареҳе дар имомати Имом Алӣ (а) донистааст.[37] Ба қавли ӯ ва дигарон, ташбеҳи муборизаи Имом Алӣ (а) бо муборизаи Пайғамбари акрам (с) бар имомати Имом Алӣ (а) далолат дорад[38] ва далеле бар радди имомати дигарон аст.[39] Албатта, баъзе аз уламои аҳли суннат ҳамчуни Шофеъӣ ва Ибни Таймия ба ҳар ҳол саҳеҳ шумурдани ин ҳадис, далолати он бар имомати Имом Алӣ (а)-ро напазируфтаанд[40] ва Шофеъӣ танҳо коркарди ҳадисро дар равшан шудани чигунагии ҷанг бо золимон донистааст.[41]

  • Иҳотаи комил ба илми таъвили Қуръон

Баъзе аз уламои шиа, ривоятҳои ҷанги Хосиф-ун-наъл бар асоси таъвили Қуръонро далеле бар иҳотаи комили Имом Алӣ (а) бар Қуръон[42] ва бархӯрдорӣ аз илми таъвил[43] медонанд.[44] Ҳамчунин аз ин ривоят чунин барраси шудааст, ки китоби Худо бе имом кофӣ нест ва сухани касоне, ки Қуръонро кофӣ медонанд ва эҳтиёҷ ба маъсумро дар тавзеҳи оятҳо рад мекунанд, беэътибор аст.[45]

  • Ҳаққонияти Имом Алӣ (а) дар ҷангҳои замони ӯ

Гурӯҳе аз уламо гуфтаанд, ки сухани Пайғамбари акрам (с), пешбинӣ ва исботи ҳаққонияти Имом Алӣ (а) дар ҷангҳое аст, ки дар замони халифати ӯ бо се гурӯҳи нокисин, қоситин ва мориқин анҷом дод.[46] Гурӯҳе ин таъбирро нишондиҳандаи иртидоди мухолифоне, ки бо Имом ҷанг кардаанд, донистаанд.[47]

  • Ривояти мубориза бо мушрикон

Ба гузориши Ҳокими Нишопурӣ, муҳаддиси мазҳаби шофеъӣ дар қарни чоруми ҳиҷрӣ, дар сулҳи Ҳудайбия, Суҳайл ибни Амр ҳамроҳи чанд нафар аз сарони мушрикон, назди Пайғамбар (с) омаданд ва яке аз шартҳои сулҳномаро чунин ифода карданд: «Агар касе аз одамони мо ба сӯи ту ояд, ӯро ба мо баргардон». Пайғамбар (с) аз ин сухан нохуш шуд ва ҷавоб дод: «Эй гурӯҳи Қурайш, аз ин дархост даст кашед, вагарна мардеро ба сӯи шумо мефиристам, ки Худо дили ӯро бо имон озмудааст, то гардани шуморо бизанад; ҳол он ки шумо аз дин берун шудаед». Абӯбакр ва Умар гуфтанд: «Он шахс мо ҳастем?» Пайғамбар (с) фармуд: «Не, ӯ ҳоло кафши маро дарбеҳ мекунад». Дар ин лаҳза Имом Алӣ (а) машғули васла задани кафши Пайғамбар буд.[48]

Сайид Ҳошим Баҳронӣ ин ривоятро дар таҳдиди қабилаи Сақиф[49] ва Насоӣ дар таҳдиди «Банувалиа» қабилае дар Кинда ё Ҳадрамавт донистаанд.[50]

  • Исботи имомати Имом Алӣ

Шуморе аз уламо ин ҳадисро нишондиҳандаи имомати Имом Алӣ (а) донистаанд. Инҳо гуфтаанд, ки муқотила бо мушрикон ва гардон задани онҳо бо фармони Худо буд ва Хосиф-ун-наъл, ки ба таъбири ривоят, «дили ӯ бо имон озмуда шудааст», танҳо шахси соҳиби имомат ва ҷонишини Пайғамбар (с) аст.[51]

  • Ривоят нишондиҳандаи ҷонишинони Пайғамбар

Ҳурри Омилӣ, муҳаддис ва фақеҳи шиа, ривояте аз Пайғамбари акрам (с) нақл кардааст, ки дар он аз Имом Алӣ (а) бо лақаби Хосиф-ун-наъл ёд шуда ва бар ҷонишинии ӯ ва имомати фарзандонаш аз насли Имом Ҳусайн (а) тасреҳ шудааст.[52] Ӯ дар ҳадиси дигар овардааст, ки Пайғамбар (с) дар ҷавоби саволи Абӯбакр ва Умар дар бораи халифаи баъд аз худ, ҷонишини худро Хосиф-ун-наъл номид, ҳол он ки Алӣ (а) машғули дарбеҳ задани кафши Пайғамбар буд.[53] Аз Оиша низ монанди чунин ривояте нақл шудааст.[54]

Абуссалол Ҳалабӣ (ваф. 447 ҳ) дар «Тақриб-ул-маориф» гузорише овардааст, ки Пайғамбари акрам (с) дар яке аз сафарҳои худ, аз Абӯбакр ва Умар хоҳиш мекунад, ки ба Хосиф-ун-наъл ҳамчун Амирулмуъминин салом кунанд, ҳол он ки Имом Алӣ (а) машғули дарбеҳ задани кафшҳои Пайғамбар буд.[55]

  • Ривояти ҳодии уммат

Хаззоз, нависандаи китоби «Кифоят-ул-асар», ривоятеро зикр кардааст, ки дар он Пайғамбари Ислом (с) дар тафсири калимаи «ҳодӣ» дар ояти ҳафтуми сураи Раъд, Имом Алӣ (а)-ро ҳамчун Хосиф-ун-наъл муаррифӣ кард, ки дар он замон дар гушае машғули васла задани кафши Пайғамбар буд ва сипас ба баёни фазоили Имом пардохт ва имомони баъд аз худро дувоздаҳ тан, ба шумори нақибҳои Банӣ Исроил муаррифӣ кард ва Маҳдиро аз онҳо донист.[56]

Истинодҳо ба ҳадиси Хосиф-ун-наъл

Тибқи баъзе аз гузоришҳо, вақте ки Оиша мехост бар зидди Имом Алӣ (а) шӯриш кунад, аз Уммисалама хоҳиш кард, ки ӯро ҳамроҳӣ кунад.[57] Уммисалама ӯро аз ин кор манъ кард ва дар баёни фазоили Имом, ба ривояте аз Пайғамбари акрам (с) истинод кард, ки ҷонишини худро Хосиф-ун-наъл дониста буд.[58] Оиша суханҳои Уммисаламаро тасдиқ кард;[59] аммо ҳозир нашуд, ки даст аз мухолифат бо Имом кашад.[60] Бар асоси баъзе нақлҳо, Оиша пас аз шунидани гуфтаҳои Уммисалама қарор дод, ки даст аз шӯриш бар зидди Имом Алӣ (а) кашад, аммо Абдуллоҳ ибни Зубайр ӯро аз ин кор манъ кард.[61]

Худи Имом Алӣ (а) низ дар баъзе аз суханҳояш ба аҳодиси Хосиф-ун-наъл истинод карда[62] ва ба ин мавзуъ ифтихор мекард.[63] Масалан, Аҳмад ибни Алӣ Табарсӣ, муҳаддис ва мутакаллими шиа дар қарни шашум ҳиҷрӣ, дар китоби худ «Ал-Иҳтиҷоҷ» ба гузорише пардохтааст, ки Имом барои исботи ҳаққонияти худ дар ҷанги Ҷамъл ба ин мавзуъ тамассук ҷустааст.[64]

Сабаби истифода аз лақаб

Гуфта мешавад, ки сабаби истифодаи Пайғамбари Ислом (с) аз таъбири Хосиф-ун-наъл барои Имом Алӣ (а), нишон додани авҷи тавозуъи Имом бо вуҷуди мавқеъи вижа ва робитаи наздики ӯ бо Пайғамбари Ислом (с) буд. Тибқи ин сухан, Пайғамбар ба таври ғайримустақим мардумро ба роҳбарии шахсе, ки аз хусусияти тавозуъ бархӯрдор аст, раҳнамоӣ кард.[65] Баъзе муътақиданд, ки истифода аз таъбири ҷадид ба ҷои номи маъруф, сабаби мондани он дар ёдҳо мешавад ва Пайғамбар бо истифода аз таъбиру иборатҳои гуногун барои муаррифӣ кардани Имом Алӣ (а), заминаро барои мондани бештари ӯ дар афкори мардум фароҳам овард; ҳамон тавре ки истифодаи Пайғамбар аз таъбири Абутуроб барои Алӣ (а) дар ҳамин роҳ буд.[66]

Дар назм ва шеър

Ривоятҳои Хосиф-ун-наъл дар ашъори шоирон дар тӯли таърих инъикос ёфтааст.[67] Аз ҷумла Сайид Ҳимярӣ,[68] Абуалавияи Исфаҳонӣ, Сайид Маҳдӣ Баҳрулулум ва дигарон дар ашъори худ, ба ҳадиси Хосиф-ун-наъл ишора кардаанд[69] ё аз унвони Хосиф-ун-наъл ҳамчун лақабе барои Имом Алӣ (а) ёд кардаанд.[70] Китобҳои гуногун ба нақли ин ашъор пардохтаанд.[71]

Китоби «Алӣ (а) Хосифу наъли-н-Набӣ (с)»

Такнигорӣ

  • Китоби «Алӣ (а) Хосифу наъли-н-набӣ (с) ва қироатун фӣ румузи-л-ҳадис ва маъонӣ» ба забони арабӣ, навиштаи Можид Атия аст. Нависанда бо зикри ҳадиси набавӣ Хосиф-ун-наъл, дар пайи исботи имомат ва хилофати билофасли Имом Алӣ (а) аст.[72]
  • Раёсати мақола бо унвони «Маънокавӣ ривоятҳои ҷанги таъвил» ба баррасии маънои дақиқи таъвил дар ривояти муборизаи Хосиф-ун-наъл барои таъвили Қуръон пардохтааст.[73]

Ҷусторҳои вобаста

Эзоҳ

  1. Баҳронӣ, Ғоят-ул-маром, 1422ҳ.қ., ҷ.6, саҳ.285; Ирбилӣ, Кашф-ул-ғумма, 1381ҳ.қ., ҷ.1, саҳ.335; Аллома Ҳиллӣ, Наҳҷ-ул-ҳақ, 1982 М., саҳ.220; Ибни Шаҳрошӯб Мозандаронӣ, Маноқиби Оли Абитолиб (а), 1379ҳ.қ., ҷ.3, саҳ.44
  2. Ибни Манзур, Лисон-ул-араб, Бейрут, ҷ.9, саҳ.71
  3. Тобатобоӣ, Ал-Мизон, 1417ҳ.қ., ҷ.8, саҳ.35
  4. Аттия, Алӣ (а) хосифу наъл-ин-Набӣ (с), 1436ҳ.қ., саҳ.13
  5. Макорим Шерозӣ, Паёми Имом Амирулмуъминин (а), 1385ҳ.ш., ҷ.2, саҳ.303
  6. Фозили Ланкоронӣ, Ояти татҳир, 1424ҳ.қ., саҳ.138
  7. Сибт ибни Ҷавзӣ, Тазкират-ул-хавосс, 1418ҳ.қ., саҳ.16; Муқаддаси Ардабилӣ, Ҳадиқат-уш-шиа, 1383ҳ.ш., ҷ.1, саҳ.16; Шиъи Сабзаворӣ, Роҳат-ул-арвоҳ, 1378ҳ.ш., саҳ.86
  8. Ҳалабӣ, Тақриб-ул-маориф, 1404ҳ.қ., саҳ.202
  9. Шайх Муфид, Ал-Ифсоҳ фи-л-имома, 1413ҳ.қ., саҳ.136
  10. Ҷамъе аз нависандагон, Фи риҳоби Аҳли Байт (а), 1426ҳ.қ., ҷ.22, саҳ.52
  11. Музаффар, Далоил-ус-сидқ, 1422ҳ.қ., ҷ.5, саҳ.85
  12. Муқаддаси Ардабилӣ, Ҳадиқат-уш-шиа, 1383ҳ.ш., ҷ.1, саҳ.232; Табарӣ, Комил-ул-баҳоӣ фи-с-сақифа, 1426ҳ.қ., ҷ.2, саҳ.220; Аттия, Алӣ (а) хосифу наъл-ин-Набӣ (с), 1436ҳ.қ., саҳ.123
  13. Кошифулғито, Кашф-ул-ғито, 1422ҳ.қ., ҷ.1, саҳ.37; Ибни Абилҳадид, Шарҳи Наҳҷ-ул-балоға, 1383ҳ.ш., ҷ.9, саҳ.28; Баҳронӣ, Ғоят-ул-маром, 1422ҳ.қ., ҷ.2, саҳ.69
  14. Баҳронӣ, Ғоят-ул-маром, 1422ҳ.қ., ҷ.6, саҳ.285
  15. Баҳронӣ, Ғоят-ул-маром, 1422ҳ.қ., ҷ.3, саҳ.169
  16. Кошифулғито, ал-Ақоид-ул-ҷаъфария, 1425ҳ.қ., саҳ.74; Кашф-ул-ғито, 1422ҳ.қ., ҷ.1, саҳ.37
  17. Ибни Шозон Нишобурӣ, Ал-Изоҳ, 1363ҳ.ш., саҳ.451
  18. Кулайнӣ, Ал-Кофӣ, 1407ҳ.қ., ҷ.5, саҳ.11; Шайх Тусӣ, Таҳзиб-ул-аҳком, 1407ҳ.қ., ҷ.4, саҳ.116
  19. Қумӣ, Тафсири Қумӣ, 1404ҳ.қ., ҷ.2, саҳ.321; Шайх Муфид, Ал-Иршод, 1413ҳ.қ., ҷ.1, саҳ.122; Шайх Муфид, Ал-Ихтисос, 1413ҳ.қ., саҳ.119; Ибни Ҳайун, Шарҳу-л-ахбор, 1409ҳ.қ., ҷ.1, саҳ.203; Шайх Садуқ, Ал-Хисол, 1362ҳ.ш., ҷ.1, саҳ.275; Шайх Тусӣ, Ал-Амолӣ, 1414ҳ.қ., саҳ.254
  20. Барои намуна ниг.: Аллома Ҳиллӣ, Кашф-ул-яқин, 1411ҳ.қ., саҳ.137; Аллома Ҳиллӣ, Наҳҷ-ул-ҳақ, 1982 М., саҳ.220; Табарсӣ, Иълом-ул-варӣ, 1390ҳ.қ., саҳ.189; Ибни Шаҳрошӯб Мозандаронӣ, Маноқиби Оли Абитолиб (а), 1379ҳ.қ., ҷ.3, саҳ.44
  21. Тирмизӣ, Сунани Тирмизӣ, 1419, ҷ.5, саҳ.452
  22. Насоӣ, Сунани Насоӣ, 1411ҳ.қ., ҷ.5, саҳ.127 - 128
  23. Ибни Ҳанбал, Муснади Аҳмад ибни Ҳанбал, 1416ҳ.қ., ҷ.17, саҳ.391
  24. Барои намуна ниг.: Ибни Мағозилӣ Шофеъӣ, Маноқиби Ибни Мағозилӣ Шофеъӣ, 1424ҳ.қ., саҳ.99; Ҳокими Нишобурӣ, Ал-мустадрак алас-саҳиҳайн, 1411ҳ.қ., ҷ.2, саҳ.149; Мутаққи Ҳиндӣ, Канз-ул-умал, 1989 М., ҷ.13, саҳ.99, 147; Ибни Абилҳадид, Шарҳи Наҳҷ-ул-балоға, 1383ҳ.ш., ҷ.6, саҳ.217
  25. Барои маълумоти бештар ниг.: Шарафуддин, Ал-Муроҷиот, 1426ҳ.қ., саҳ.346; Фирӯзободӣ, Фазоили хамса, 1392ҳ.қ., ҷ.2, саҳ.349 - 350
  26. Шайх Муфид, Ал-Ҷамал, 1413ҳ.қ., саҳ.80
  27. Муқаддаси Ардабилӣ, Ҳадиқат-уш-шиа, 1383ҳ.ш., ҷ.1, саҳ.232
  28. Аттия, Алӣ (а) хосифу наъл-ин-Набӣ (с), 1436ҳ.қ., саҳ.19
  29. Шайх Муфид, Ал-Ҷамал, 1413ҳ.қ., саҳ.80; Шайх Шариати Исфаҳонӣ, Ал-қавл-ус-сороҳ фи нақдис-саҳеҳ, Қум, саҳ.217; Аттия, Алӣ (а) хосифу наъл-ин-Набӣ (с), 1436ҳ.қ., саҳ.12
  30. Шарафуддин, Ал-Муроҷиот, 1426ҳ.қ., саҳ.319; Кошифулғито, Кашф-ул-ғито, 1422ҳ.қ., ҷ.1, саҳ.37
  31. Тирмизӣ, Сунани Тирмизӣ, 1419, ҷ.5, саҳ.452
  32. Ганҷи Шофеъӣ, Кофият-ут-толиб, 1404ҳ.қ., саҳ.98
  33. Баҳронӣ, Ғоят-ул-маром, 1422ҳ.қ., ҷ.6, саҳ.285; Ирбилӣ, Кашф-ул-ғумма, 1381ҳ.қ., ҷ.1, саҳ.335; Аллома Ҳиллӣ, Наҳҷ-ул-ҳақ, 1982 М., саҳ.220; Марашӣ, Иҳқоқ-ул-ҳақ, 1409ҳ.қ., ҷ.5, саҳ.606-613; Музаффар, Далоил-ус-сидқ, 1422ҳ.қ., ҷ.5, саҳ.85-92; Нақвӣ, Абқот-ул-анвор, 1366ҳ.ш., ҷ.15, саҳ.100; Ибни Шаҳрошӯб Мозандаронӣ, Маноқиби Оли Абитолиб (а), 1379ҳ.қ., ҷ.3, саҳ.44
  34. Аттия, Алӣ (а) хосифу наъл-ин-Набӣ (с), 1436ҳ.қ., саҳ.19
  35. Ибни Ҳанбал, Муснади Аҳмад ибни Ҳанбал, 1416ҳ.қ., ҷ.17, саҳ.391, ҷ.18, саҳ.296. Бо каме ихтилоф дар: Ибни Аттия, Абҳат-ул-мадод, 1423ҳ.қ., ҷ.1, саҳ.37; Шайх Муфид, Ал-Ифсоҳ фи-л-имома, 1413ҳ.қ., саҳ.135; Милонӣ, Ташҳид-ул-Муроҷиот, 1427ҳ.қ., ҷ.3, саҳ.282; Табарӣ, Ал-Мустаршид фи имамати Алӣ ибни Абитолиб (а), 1415ҳ.қ., саҳ.357; Саид ибни Товус, Ат-тороиф, 1400ҳ.қ., ҷ.1, саҳ.70; Марашӣ, Иҳқоқ-ул-ҳақ, 1409ҳ.қ., ҷ.31, саҳ.149
  36. Қумӣ, Тафсири Қумӣ, 1404ҳ.қ., ҷ.2, саҳ.321; Кулайнӣ, Ал-Кофӣ, 1407ҳ.қ., ҷ.5, саҳ.11; Ибни Шуъба Ҳаронӣ, Туҳаф-ул-уқул, 1404ҳ.қ., саҳ.289; Шайх Тусӣ, Таҳзиб-ул-аҳком, 1407ҳ.қ., ҷ.4, саҳ.116
  37. Муқаддаси Ардабилӣ, Ҳадиқат-уш-шиа, 1383ҳ.ш., ҷ.1, саҳ.232
  38. Муқаддаси Ардабилӣ, Ҳадиқат-уш-шиа, 1383ҳ.ш., ҷ.1, саҳ.233; Биёзӣ, Ас-сирот-ул-мустақим, 1384ҳ.ш., ҷ.2, саҳ.63
  39. Музаффар, Далоил-ус-сидқ, 1422ҳ.қ., ҷ.6, саҳ.154
  40. Милонӣ, Ташҳид-ул-Муроҷиот, 1427ҳ.қ., ҷ.1, саҳ.469, ба нақл аз Ибни Таймия; Муқаддаси Ардабилӣ, Ҳадиқат-уш-шиа, 1383ҳ.ш., ҷ.1, саҳ.232, ба нақл аз Шофеъӣ
  41. Музаффар, Далоил-ус-сидқ, 1422ҳ.қ., ҷ.6, саҳ.154; Муқаддаси Ардабилӣ, Ҳадиқат-уш-шиа, 1383ҳ.ш., ҷ.1, саҳ.232, ба нақл аз Шофеъӣ
  42. Ҳусайнӣ Теҳронӣ, Имомшиносӣ, 1426ҳ.қ., ҷ.2, саҳ.148
  43. Ибни Аттия, Абҳат-ул-мадод, 1423ҳ.қ., ҷ.1, саҳ.38
  44. Ҳусайнӣ Теҳронӣ, Имомшиносӣ, 1426ҳ.қ., ҷ.2, саҳ.148
  45. Ҳусайнӣ Теҳронӣ, Имомшиносӣ, 1426ҳ.қ., ҷ.2, саҳ.148
  46. Нақвӣ, Абқот-ул-анвор, 1366ҳ.ш., ҷ.11, саҳ.166; Шайх Муфид, Ал-Ҷамал, 1413ҳ.қ., саҳ.79; Султони Воизин Шерозӣ, Шабҳои Пешовар, 1379ҳ.ш., саҳ.901
  47. Султони Воизин Шерозӣ, Шабҳои Пешовар, 1379ҳ.ш., саҳ.901
  48. Тирмизӣ, Сунани Тирмизӣ, 1419, ҷ.5, саҳ.451; Шайх Муфид, Ал-Иршод, 1413ҳ.қ., ҷ.1, саҳ.122; Табарсӣ, Иълом-ул-варӣ, 1390ҳ.қ., саҳ.189; Марашӣ, Иҳқоқ-ул-ҳақ, 1409ҳ.қ., ҷ.5, саҳ.606
  49. Баҳронӣ, Ғоят-ул-маром, 1422ҳ.қ., ҷ.6, саҳ.286
  50. Нисоӣ, Сунани Нисоӣ, 1411ҳ.қ., ҷ.5, саҳ.127 - 128
  51. Ирбилӣ, Кашф-ул-ғумма, 1381ҳ.қ., ҷ.1, саҳ.336 - 337; Биёзӣ, Ас-сирот-ул-мустақим, 1384ҳ.ш., ҷ.2, саҳ.63; Муқаддаси Ардабилӣ, Ҳадиқат-уш-шиа, 1383ҳ.ш., ҷ.1, саҳ.232
  52. Шайх Ҳурри Омилӣ, Исбот-ул-ҳудо, 1422ҳ.қ., ҷ.2, саҳ.257
  53. Шайх Ҳурри Омилӣ, Исбот-ул-ҳудо, 1422ҳ.қ., ҷ.3, саҳ.123
  54. Табарӣ, Ал-Мустаршид фи имамати Алӣ ибни Абитолиб (а), 1415ҳ.қ., саҳ.622; Шайх Ҳурри Омилӣ, Исбот-ул-ҳудо, 1422ҳ.қ., ҷ.3, саҳ.275; Баҳронӣ, Ғоят-ул-маром, 1422ҳ.қ., ҷ.1, саҳ.242
  55. Ҳалабӣ, Тақриб-ул-маориф, 1404ҳ.қ., саҳ.203
  56. Хаззоз, Кофият-ул-асар, 1401ҳ.қ., саҳ.88
  57. Табарӣ, Комил-ул-баҳоӣ фи-с-сақифа, 1426ҳ.қ., ҷ.2, саҳ.218 - 220
  58. Ибни Абилҳадид, Шарҳи Наҳҷ-ул-балоға, 1383ҳ.ш., ҷ.6, саҳ.217; Табарсӣ, Ал-Иҳтиҷоҷ, 1403ҳ.қ., ҷ.1, саҳ.166; Шайх Ҳурри Омилӣ, Исбот-ул-ҳудо, 1422ҳ.қ., ҷ.3, саҳ.123, 156; Баҳронӣ, Ғоят-ул-маром, 1422ҳ.қ., ҷ.1, саҳ.242; Султони Воизин Шерозӣ, Шабҳои Пешовар, 1379ҳ.ш., саҳ.740
  59. Табарӣ, Комил-ул-баҳоӣ фи-с-сақифа, 1426ҳ.қ., ҷ.2, саҳ.218 - 220
  60. Султонулвоизин Шерозӣ, Шабҳои Пешовар, 1379ҳ.ш., саҳ.741
  61. Табарӣ, Комил-ул-баҳоӣ фи-с-сақифа, 1426ҳ.қ., ҷ.2, саҳ.220
  62. Ибни Шозон Нишобурӣ, Ал-Изоҳ, 1363ҳ.ш., саҳ.451; Баҳронӣ, Ғоят-ул-маром, 1422ҳ.қ., ҷ.6, саҳ.286; Маҷлисӣ, Биҳор-ул-анвор, 1403ҳ.қ., ҷ.26, саҳ.4
  63. Муғния, Ал-ҷавомеъ ва-л-фовареқ, 1414ҳ.қ., саҳ.179
  64. Табарсӣ, Ал-Иҳтиҷоҷ, 1403ҳ.қ., ҷ.1, саҳ.170
  65. «نام بردن از امیرالمؤمنین علیه‌السلام با عنوان خاصف النعل یا «کفشدوز», сайти Сақалайн
  66. «نام بردن از امیرالمؤمنین علیه‌السلام با عنوان خاصف النعل یا «کفشدوز», сайти Сақалайн
  67. Барои намуна: Ибни Шаҳрошӯб Мозандаронӣ, Маноқиби Оли Абитолиб (а), 1379ҳ.қ., ҷ.3, саҳ.45
  68. Шайх Ҳурри Омилӣ, Исбот-ул-ҳудо, 1422ҳ.қ., ҷ.3, саҳ.341; Ал-Ғадир, ҷ.2, саҳ.450; Ибни Шаҳрошӯб Мозандаронӣ, Маноқиби Оли Абитолиб (а), 1379ҳ.қ., ҷ.3, саҳ.45
  69. Аттия, Алӣ (а) хосифу наъл-ин-Набӣ (с), 1436ҳ.қ., саҳ.131
  70. Сибт ибни Ҷавзӣ, Тазкират-ул-хавосс, 1418ҳ.қ., саҳ.45; Муҳаддиси Армавӣ, Таълиқоти нақз, 1409ҳ.қ., ҷ.2, саҳ.976
  71. Шайх Ҳурри Омилӣ, Исбот-ул-ҳудо, 1422ҳ.қ., ҷ.3, саҳ.341; Ал-Ғадир, ҷ.2, саҳ.450; Ибни Шаҳрошӯб Мозандаронӣ, Маноқиби Оли Абитолиб (а), 1379ҳ.қ., ҷ.3, саҳ.45
  72. Аттия, Можид ибни Аҳмад, Алӣ (а) хосифу наъл-ин-Набӣ (с), Карбало, Ал-атабат-ул-ҳусайния ал-муқаддаса, 1436ҳ.қ.
  73. Муродӣ, Муҳаммад, «Маъношиносии ривоятҳои ҷанги таъвил», Маҷаллаи улуми ҳадис, давраи 19, №74, шумораи пайвастаи 74, зимистони 1393ҳ.ш.

Сарчашма

  • Ибни Абилҳадид, Шарҳи Наҳҷулбалоға либни Абилҳадид, Қум, Мактабату Оятуллоҳилмараъши, 1383ҳ.ш.
  • Ибни Ҳанбал, Аҳмад ибни Муҳаммад, Муснад-ул-Имоми Аҳмад ибни Ҳанбал, Бейрут, Муассисат-ур-рисола, 1416ҳ.қ.
  • Ибни Ҳайюн, Нуъмон ибни Муҳаммад, Шарҳ-ул-ахбор фи фазоил-ил-Аиммат-ил-атҳор(а), Қум, Ҷомеаи Мударрисин, 1409ҳ.қ.
  • Ибни Шозони Нишобурӣ, Фазл, Ал-Изоҳ, Теҳрон, Интишороти Донишгоҳи Теҳрон, 1363ҳ.ш.
  • Ибни Шуъбаи Ҳироонӣ, Ҳасан ибни Алӣ, Таҳаф-ул-уқул ан Оли-р-расул саллаллоҳу алайҳи ва олиҳ, Қум, Ҷомеаи Мударрисин, чопи дуввум, 1404ҳ.қ.
  • Ибни Шаҳрошуби Мозандаронӣ, Муҳаммад ибни Алӣ, Маноқиби Оли Аби Толиб алайҳимуссалом, Қум, Аллома, 1379ҳ.қ.
  • Ибни Атия, Ҷамил Ҳаммуд, Абҳа-л-мидод фи шарҳи муътамари уламои Бағдод, Бейрут, Муассисат-ул-аъламӣ, 1423ҳ.қ.
  • Ибни Мағозилии Шофеъӣ, Маноқиби Ибни Мағозилии Шофеъӣ, Бейрут, Дор-ул-азво, чопи севвум, 1424ҳ.қ.
  • Ибни Манзур, Муҳаммад ибни Мукаррам, Лисон-ул-араб, Бейрут, Дорусодир, чопи севвум, бе-то.
  • «Исботи Имомати билофасл Амирулмуъминин алайҳиссалом дар ҳадиси муқотала баррасӣ шуд.», Пойгоҳи ҷомеъи иттилоърасонӣ Имомат, санаи боздид: 9 ҳардоди 1402ҳ.ш.
  • Ирбилӣ, Алӣ ибни Исо, Кашф-ул-ғумма фи маърифат-ил-Аимма, Табрез, Банӣ Ҳошимӣ, 1381ҳ.қ.
  • Баҳроонӣ, Сайид Ҳошим, Ғоят-ул-маром ва ҳуҷҷат-ул-хисом фи таъйин-ил-имом мин тариқ-ил-хосс ва-л-ом, Бейрут, Муассисат-ут-таърих-ил-арабӣ, 1422ҳ.қ.
  • Биёзӣ, Алӣ ибни Юнус, Ас-Сирот-ул-мустақим ила мустаҳиққи-т-тақдим, Қум, Мактабат-ул-муртазавия, 1384ҳ.ш.
  • Тирмизӣ, Муҳаммад ибни Исо, Ал-Ҷомеъ-ус-саҳеҳ ва ҳува сунан-ут-Тирмизӣ, Қоҳира, Дор-ул-ҳадис, 1419ҳ.қ.
  • Ҷамъе аз нависандагон, Фи риҳоби Аҳли Байт(а), Қум, Ал-Маҷмаъ-ул-аъламӣ ли Аҳли Байт(а), чопи дуввум, 1426ҳ.қ.
  • Ҳокими Нишобурӣ, Муҳаммад ибни Абдуллоҳ, Ал-Мустадраку ала-с-саҳеҳайн, Таҳқиқи Мустафо Абдулқодир Ато, Бейрут, Дор-ул-кутуб-ил-илмия, 1411ҳ.қ.
  • Ҳусайни Теҳронӣ, Сайид Муҳаммад Ҳусайн, Имомшиносӣ, Машҳад, Аллома Табатобоӣ, чопи севвум, 1426ҳ.ш.
  • Ҳалабӣ, Абуссалоҳ, Тақриб-ул-маориф, Қум, Интишороти ал-Ҳодӣ, 1404ҳ.қ.
  • Хаззози Қумӣ, Алӣ ибни Муҳаммад, Кафоят-ул-асар, Қум, Интишороти Байдор, 1401ҳ.қ.
  • Сабти Ибни Ҷавзӣ, Юсуф ибни Қазоғлӣ, Тазкират-ул-ховосс мин-л-умма фи зикри хосоис-ил-Аимма, Қум, Маншурот-уш-шариф-ир-ризӣ, 1418ҳ.қ.
  • Султонулвоизини Шерозӣ, Шабҳои Пешовар дар дифоъ аз ҳарими ташайюъ, Теҳрон, Дор-ул-кутуб-ил-исломия, чопи сию нуҳум, 1379ҳ.ш.
  • Сайид ибни Товуси Ҳасанӣ, Алӣ ибни Мусо, Ат-Тароифу фи маърифати мазоҳиб-ит-товаиф, Қум, Хайём, 1400ҳ.қ.
  • Шарафуд-дин, Сайид Абдулҳусайн, Ал-Муроҷиот, Қум, Ал-Маҷмаъ-ул-оламӣ ли Оҳли Байт, чопи дуввум, 1426ҳ.қ.
  • Шайх Садуқ, Муҳаммад ибни Алӣ, Ал-Хисол, Қум, Ҷомеаи Мударрисин, 1362ҳ.ш.
  • Шайх Тусӣ, Муҳаммад ибн-ил-Ҳасан, Ал-Амолӣ, Қум, Дор-ус-сақофа, 1414ҳ.қ.
  • Шайх Тусӣ, Муҳаммад ибн-ил-Ҳасан, Таҳзиб-ул-аҳком, Таҳқиқи Хурсон, Теҳрон, Дор-ул-кутуб-ил-исломия, чопи чорум, 1407ҳ.қ.
  • Шайхушшариаи Исфаҳонӣ, Ал-Қавл-ус-сароҳ фи нақд-ис-саҳеҳ, Қум, Муассисаи Имом Содиқ (а), бе-то.
  • Шайх Ҳурри Омолӣ, Муҳаммад ибни Ҳасан, Исботул-ҳудот, Бейрут, Муассисат-ул-аъламӣ, 1422ҳ.қ.
  • Шайх Муфид, Муҳаммад ибни Муҳаммад ибни Нуъмон, Ал-Ихтисос, Қум, Конгреи Шайх Муфид, 1413ҳ.қ.
  • Шайх Муфид, Муҳаммад ибни Муҳаммад ибни Нуъмон, Ал-Иршод фи маърифати ҳуҷҷаҷуллоҳи ала-л-ибод, Қум, Конгреи Шайх Муфид, 1413ҳ.қ.
  • Шайх Муфид, Муҳаммад ибни Муҳаммад ибни Нуъмон, Ал-Ифсоҳ фи-л-имома, Қум, Ал-Муътамар-ул-иламӣ ли-ш-шайх-ил-Муфид, 1413ҳ.қ.
  • Шайх Муфид, Муҳаммад ибни Муҳаммад ибни Нуъмон, Ал-ҷамл, Қум, Ал-Муътамар-ул-аламӣ ли-ш-шайх-ил-Муфид, 1413ҳ.қ.
  • Шиъӣ Сабзворӣ, Абусаид, Роҳат-ул-арвоҳ, Теҳрон, Мироси Мактуб, чопи дуввум, 1378ҳ.ш.
  • Табатобоӣ, Сайид Муҳаммад Ҳусайн, Тафсирул-мизон, Қум, Ҷомеаи Мударрисин, 1417ҳ.қ.
  • Табарсӣ, Фазл ибни Ҳасан, Эълом-ул-варо би аълом-ил-ҳудо, Теҳрон, Исломия, чопи севвум, 1390ҳ.қ.
  • Табарсӣ, Аҳмад ибни Алӣ, Ал-Эҳтиҷоҷ, Машҳад, Нашр-ул-муртазо, 1403ҳ.қ.
  • Табарӣ, Имодуддин, Комил-ул-баҳоӣ фи-с-сақифа, Қум, Мактабат-ил-ҳайдарӣ, 1426ҳ.қ.
  • Табарӣ, Муҳаммад ибни Ҷарир ибни Рустам, Ал-Мустаришиду фи Имомати Амирулмуъминин (а), Қум, Муассисат-ул-восиф, 1415ҳ.қ.
  • Атия, Можид ибни Аҳмад, Алӣ алайҳиссалом хосифи наъл-ин-Набий саллаллоҳу алайҳи ва олиҳ, Карбало, Ал-Атабат-ул-ҳусайният-ил-муқаддаса, 1436ҳ.қ.
  • Аллома Ҳиллӣ, Ҳасан ибни Юсуф, Кашфу-л-яқин фи фазаили Амир-ул-Муъминин(а), Теҳрон, Вазорати фарҳанг ва иршоди Исломӣ, 1411ҳ.қ.
  • Аллома Ҳиллӣ, Ҳасан ибни Юсуф, Наҳҷ-ул-ҳақ ва кашф-ус-сидқ, Бейрут, Дор-ул-китоб-ил-лубнонӣ, 1982м.
  • Фозили Ланкаронӣ, Муҳаммад, Шаҳобуддин Ишроқӣ, Ояти Татҳир руъяи мубтакира, Қум, Маркази фиқҳ-ил-Аиммат-ил-атҳор(а), чопи севвум, 1424ҳ.қ.
  • Файрузободӣ, Фазоил-ул-хамса мин-ас-сиҳоҳ-ис-ситта, Теҳрон, Интишороти Исломия, чопи дуввум, 1392ҳ.қ.
  • Қумӣ, Алӣ ибни Иброҳим, Тафсир-ул-қумӣ, Қум, Дор-ул-китоб, чопи севвум, 1404ҳ.қ.
  • Кошифулғито, Шайх Ҷаъфар, Ал-Ақоид-ул-ҷаъфария, Қум, Муассисати Ансориён, чопи севвум, 1425ҳ.қ.
  • Кошифулғито, Шайх Ҷаъфар, Кашф-ул-ғитои ан муҳиммот-иш-шариат-ил-ғарро, Қум, Интишороти Дафтари таблиғоти Исломии ҳавзаи илмияи Қум, 1422ҳ.қ.
  • Кулайнӣ, Муҳаммад ибни Яъқуб ибни Исҳоқ, Ал-Кофӣ, Теҳрон, Дор-ул-кутуб-ил-исломия, чопи чорум, 1407ҳ.қ.
  • Ганҷӣ Шофеъӣ, Муҳаммад ибни Юсуф, Кафоят-ут-толиб фи Алӣ ибни Абитолиб (а), Теҳрон, Дору эҳёи туроси Аҳли Байт, чопи дуввум, 1404ҳ.қ.
  • Муҳаддиси Армавӣ, Мир Ҷалолуддин, Таълиқоти нақз, Теҳрон, Интишороти Анҷумани осори миллӣ, 1358ҳ.ш.
  • Маҷлисӣ, Муҳаммадбоқир, Биҳор-ул-анвор, Таҳқиқи Иброҳим Миёнҷӣ ва Муҳаммадбоқир Беҳбудӣ, Қум, чопи севвум, 1403ҳ.қ.
  • Муттақи Ҳиндӣ, Алӣ ибни Ҳисомуддин, Канз-ул-умол фи сунан-ил-ақвол ва-л-афъол, Бейрут, Муассисат-ур-рисола, 1989м.
  • Маръашӣ, Қозӣ Нуруллоҳ, Иҳқоқ-ул-ҳақ ва изҳоқ-ул-ботил, Қум, Мактабати Оятуллоҳилмараъши-н-Наҷафӣ, 1409ҳ.қ.
  • Маззафар, Муҳаммад Ҳусайн, Далоил-ус-сидқ, Қум, Муассисати Оли Байт (а), чопи аввал, 1422ҳ.қ.
  • Муғния, Муҳаммад Ҷавод, Ал-Ҷавомеъ ва-л-фарқ байн-ас-суннати ва-ш-шиа, Бейрут, Муассисати Иззуддин, 1414ҳ.қ.
  • Муқаддаси Ардабӣлӣ, Аҳмад ибни Муҳаммад, Ҳадиқатуш-шиа, Қум, Интишороти Ансориён, чопи севвум, 1383ҳ.ш.
  • Милонӣ, Сайид Алӣ, Ташйид-ул-муроҷиот ва тафнид-ул-мақобарот, Қум, Маркази Ҳақоиқи Исломӣ, чопи чорум, 1427ҳ.қ.
  • Макорам Шерозӣ, Пайоми Имоми Амир-ул-Муъминин(а), Теҳрон, Дор-ул-кутуб-ил-исломия, 1385ҳ.ш.
  • «Ном бурдан аз Амир-ул-Муъминин алайҳиссалом бо унвони хасфи-н-наъл ё «кафшдӯз», Сайти Сақалайн. Таърихи боздид: 9 ҳардоди 1402ҳ.ш.
  • Насоӣ, Аҳмад ибни Алӣ, Ас-Сунан-ул-кубро, Бейрут, Дор-ул-кутуб-ил-илмия, 1411ҳ.қ.