Ояти 78 сураи Моида
 | |
| Маълумот дар бораи оят | |
|---|---|
| Воқеъ дар сураи | Сураи Моида |
| Шумораи оят | 78 |
| Ҷузъ | 6 |
| Макони нузул | Мадина |
| Мавзуъ | Лаъни Банӣ Исроил |
Ояти 78 сураи Моида (форсӣ: آیه ۷۸ سوره مائده) ба куфрварзии гурӯҳе аз Банӣ Исроил ва лаънати онон аз ҷониби ҳазрати Довуд (а) ва ҳазрати Исо (а) ишора дорад.[1] Ин оят ва оятҳои пас аз он бо ҳадафи ҳушдор ба аҳли китоб ва парҳез аз тақлидҳои мутаассибона, ба сарнавишти шуми гузаштагони онон ишора мекунад.[2] Номи ҳазрати Довуд (а) ва ҳазрати Исо (а) дар оят ба далели шуҳрат ва ҷойгоҳи онон дар миёни пайғамбарон пас аз ҳазрати Мусо (а) зикр шудааст.[3]
| “ | Аз миёни фарзандони Исроил, онон ки куфр варзиданд, ба забони Довуд ва Исо писари Марям мавриди лаънат қарор гирифтанд. Ин [кифр] ба хотири он буд, ки исён варзида ва [аз фармони Худо] таҷовуз мекарданд. |
” |
Дар ин оят ва оятҳои баъдӣ чор омил барои лаъни Банӣ Исроил зикр шудааст: нофармонӣ, таҷовузи пайваста, напазируфтани наҳй ва гароиш ба кофирон ва мушрикон ва пазируфтани вилояташон.[4] Муфассирон дар таъини намунаи ин гуноҳон дидгоҳҳои гуногун ироа кардаанд:
- Шайх Табарсӣ, бо истинод ба ривояте аз Имом Боқир (а), лаънатро нозир ба масхи асҳоби сабт дар замони ҳазрати Довуд (а) ва куфрварзии пайравони ҳазрати Исо (а) пас аз нузули моидаи осмонӣ медонад.[5] Ӯ дар китоби Тафсири Ҷавомеъ-ул-ҷомеъ аз масхи бархе асҳоби Исо (а) ва табдили онон ба хук ёд кардааст.[6]
- Ҷаводии Омулӣ, фасоди гурӯҳе аз Банӣ Исроил дар замони ҳазрати Довуд (а) ва низ тӯҳмати нодуруст ба ҳазрати Марям (с)-ро аз омилҳои лаънат шудани онон зикр мекунад.[7] Дар Тафсири Тасним ба нақл аз бархе муфассирон омадааст, ки пас аз башорати ҳазрати Довуд (а) ва ҳазрати Исо (а) ба нубуввати Пайғамбари акрам (с), мухолифони даъвати Пайғамбар (с) мавриди лаънат қарор гирифтанд.[8]
- Алӣ ибни Иброҳим Қумӣ, муфассири имомӣ, бо истинод ба ривояте аз Имом Содиқ (а), шиаёне, ки вориди дастгоҳҳои ҳукуматии сулотин шуда ва аз онон пайравӣ мекунанд, аз намунаи ин оят ва оятҳои баъдӣ донистааст.[9]
Эзоҳ
- ↑ Ризоии Исфаҳонӣ, Тафсири Қуръони Меҳр, 1387ҳ.ш., ҷ.5, саҳ.191
- ↑ Макорими Шерозӣ, Тафсири намуна, 1371ҳ.ш., ҷ.5, саҳ.42
- ↑ Табарсӣ, Маҷмаъ-ул-баён, 1372ҳ.ш., ҷ.3, саҳ.357
- ↑ Ҷаводӣ Омулӣ, Тафсири Тасним, 1391ҳ.ш., ҷ.23, саҳ.399–400
- ↑ Табарсӣ, Маҷмаъ-ул-баён, 1372ҳ.ш., ҷ.3, саҳ.357
- ↑ Табарсӣ, Ҷавомеъ-ул-баён, 1412ҳ.қ., ҷ.1, саҳ.346
- ↑ Ҷаводӣ Омулӣ, Тафсири Тасним, 1391ҳ.ш., ҷ.23, саҳ.397
- ↑ Ҷаводӣ Омулӣ, Тафсири Тасним, 1391ҳ.ш., ҷ.23, саҳ.398
- ↑ Қумӣ, Тафсири Қумӣ, 1404ҳ.қ., ҷ.1, саҳ.176
Сарчашма
- Макорими Шерозӣ, Носир, Тафсири намуна, Теҳрон, Дор-ул-кутуб-ил-исломия, чопи даҳум, 1371ҳ.ш.
- Ризоии Исфаҳонӣ, Муҳаммадалӣ, Тафсири Қуръони Меҳр, Қум, Пажӯҳишҳои тафсир ва улуми Қуръон, чопи аввал, 1387ҳ.ш.
- Табарсӣ, Фазл ибни Ҳасан, Маҷмаъ-ул-баён фи тафсир-ил-Қуръон, тасҳеҳи Фазлуллоҳ Яздии Таботабоӣ, Ҳошим Расулӣ, Теҳрон, Носир Хусрав, чопи севум, 1372ҳ.ш.
- Табарсӣ, Фазл ибни Ҳасан, Тафсири Ҷавомеъ-ул-ҷомеъ, тасҳеҳи Абулқосим Гурҷӣ, Қум, Маркази мудирияти ҳавзаи илмия, чопи аввал, 1412ҳ.қ.
- Қумӣ, Алӣ ибни Иброҳим, Тафсири Қумӣ, тасҳеҳи Тайиб Мусавии Ҷазоирӣ, Қум, Дор-ул-китоб, чопи севум, 1363ҳ.ш.
- Ҷаводӣ Омулӣ, Абдуллоҳ, Тасним, Тафсири Қуръони карим, Қум, Исро, чопи севум, 1391ҳ.ш.