Jump to content

Дуои ифтор

Аз wikishia
(Тағйири масир аз Дуои Ифтор)
Хушнависии дуои ифтор

Дуои ифтор (форсӣ: دعای افطار) дуоест, ки аз Пайғамбар (с)[1] ва Имом Алӣ (а) ривоят шудааст ва ҳангоми ифтор хонда мешавад.[2] Дар ин дуо Худоро хитоб карда, гуфта мешавад, ки танҳо барои Ту рӯза гирифтаем ва бо рӯзии Ту ифтор мекунем.[3] Сипас аз Худо хоҳиш карда мешавад, ки ин ибодатро қабул кунад.[4] Ба гуфтаи баъзе шореҳони ҳадис, маънои дуои ифтор ин аст, ки мо рӯзаи худро бо ихлос барои Худо гирифтаем ва азбаски Худо танҳо рӯзидиҳандаи олам аст ва мо аз рӯзии Ӯ истифода кардаем, танҳо Ӯро ибодат хоҳем кард.[5]

Ин дуо дар манобеи ривоятӣ дар бахши аъмоли моҳи рамазон зикр шудааст, аммо ривоятҳое, ки ин дуоро нақл кардаанд, онро махсус ба моҳи рамазон накардаанд.[6] Дар ривоятҳо омадааст, ки Пайғамбар (с) пас аз хондани ин дуо мегуфт: "Ташнагӣ ва сахтии рӯза рафт, аммо мукофоти он боқӣ монд".[7] Дар баъзе нақлҳо, ин дуо аз қавли Амирулмуъминин бо иборати "Бисмиллоҳ" оғоз шудааст.[8]

Матн
Матн ва Тарҷума
Тарҷума

بِسْمِ اللَّه‏

اللَّهُمَ‏ لَكَ‏ صُمْنَا وَ عَلَى رِزْقِكَ أَفْطَرْنَا فَتَقَبَّلْ [فَتَقَبَّلْهُ] مِنَّا إِنَّكَ أَنْتَ السَّمِيعُ الْعَلِيم[9]

بِسْمِ اللَّه‏
Ба номи Худо
[10]اللَّهُمَ‏ لَكَ‏ صُمْنَا وَ عَلَى رِزْقِكَ أَفْطَرْنَا فَتَقَبَّلْ [فَتَقَبَّلْهُ] مِنَّا إِنَّكَ أَنْتَ السَّمِيعُ الْعَلِيم
Худоё, барои Ту рӯза доштем ва бо ризқи Ту ифтор кардем; пас рӯзаи моро қабул фармо, ки Ту шунаванда ва доно ҳастӣ!

Ба номи Худо

Худоё, барои Ту рӯза доштем ва бо ризқи Ту ифтор кардем; пас рӯзаи моро қабул фармо, ки Ту шунаванда ва доно ҳастӣ!

🌞
🔄
➖
➕


Ин дуо инчунин аз Имом Ризо (а) ривоят шудааст, ки иборатҳои он каме муфассалтар ва фарқкунанда аст.[11][Ёддошт 1] Дуои дигаре, ки ба ин дуо монанд аст, барои вақти ифтор аз ҷониби Имом Козим (а) аз Паёмбар (с) ривоят шудааст. Дар васфи савоби ин дуо гуфта шудааст, ҳар касе ки ин дуоро бихонад, подоше ба андозаи савоби ҳамаи касоне, ки он рӯз рӯза доштаанд, мегирад.[12] Матни ин дуо чунин аст:

اللَّهُمَ‏ لَكَ‏ صُمْتُ‏ وَعَلَى رِزْقِكَ أَفْطَرْتُ وَعَلَيْكَ تَوَكَّلْت‏.

«Бор Илоҳо, танҳо барои Ту рӯза доштам ва бо ризқи Ту ифтор кардам ва фақат бар Ту таваккал намудам».[13]

Эзоҳ

  1. ↑ Ибни Сунӣ, Амал-ул-явм ва-л-лайла, Ҷидда, саҳ.430
  2. ↑ Тӯсӣ, Таҳзиб-ул-аҳком, 1407ҳ.қ., ҷ.4, саҳ.200
  3. ↑ Азимободӣ, Аун-ул-маъбуд, 1415ҳ.қ., ҷ.6, саҳ.346
  4. ↑ Дорқутнӣ, Сунан-уд-Дорқутнӣ, 1424ҳ.қ., ҷ.3, саҳ.156
  5. ↑ Зайдонӣ, Ал-Мафотиҳ, 1433ҳ.қ., ҷ.3, саҳ.24
  6. ↑ Барои намуна ниг.: Ибни Бобавайҳ, Ман ла йаҳзуруҳу-л-фақиҳ, 1413ҳ.қ., ҷ.2, саҳ.106; Ибни Ҳайюн, Даъоим-ул-Ислом, 1385ҳ.қ., ҷ.1, саҳ.280
  7. ↑ Кулайнӣ, Ал-Кофӣ, 1407ҳ.қ., ҷ.4, саҳ.95
  8. ↑ Тӯсӣ, Таҳзиб-ул-аҳком, 1407ҳ.қ., ҷ.4, саҳ.200
  9. ↑ Ибни Товус, Иқбол-ул-аъмол, 1409ҳ.қ., ҷ.1, саҳ.116
  10. ↑ Ибни Товус, Иқбол-ул-аъмол, 1409ҳ.қ., ҷ.1, саҳ.116
  11. ↑ Барои намуна ниг.: Ибни Бобавайҳ, Фазоил-ул-ашҳур-ус-салоса, 1396ҳ.қ., саҳ.96
  12. ↑ Ибни Товус, Иқбол-ул-аъмол, 1409ҳ.қ., ҷ.1, саҳ.117
  13. ↑ Маҷлисӣ, Зод-ул-маод, 1423ҳ.қ., саҳ.85

Ёддошт

  1. ↑ اللَّهُمَ‏ لَكَ‏ صُمْنَا بِتَوْفِيقِكَ وَ عَلَى رِزْقِكَ أَفْطَرْنَا بِأَمْرِكَ فَتَقَبَّلْهُ مِنَّا وَ اغْفِرْ لَنَا إِنَّكَ أَنْتَ الْغَفُورُ الرَّحِيم

Сарчашма

  • Ибни Бобавайҳ, Муҳаммад ибни Алӣ, Фазоил-ул-ашҳур-ус-салоса, таҳқиқи Ғуломрезо Ирфониёни Яздӣ, Қум, Китофурӯшии Доварӣ, чопи аввал, 1396ҳ.қ.
  • Ибни Бобавайҳ, Муҳаммад ибни Алӣ, Ман ла яҳзуруҳу-л-фақиҳ, таҳқиқи Алакбари Ғафорӣ, Қум, Дафтари интишороти исломӣ, чопи дувум, 1413ҳ.қ.
  • Ибни Ҳайюн, Нуъмон ибни Муҳаммади Магрибӣ, Даъоим-ул-Ислом, таҳқиқи Осфи Файзӣ, Қум, Муассисаи Олибайт, чопи дувум, 1385ҳ.қ.
  • Ибни Сунӣ, Аҳмад ибни Муҳаммад, Амал-ул-явм ва-л-лайла, таҳқиқи Кавсар Барнӣ, Ҷидда, Дор-ул-Қибла ли-с-Сақофа ал-Исломия, бе таърих.
  • Ибни Товус, Алӣ ибни Мӯсо, Иқбол-ул-аъмол, Теҳрон, Дор-ул-кутуби исломия, чопи дувум, 1409ҳ.қ.
  • Дорқутнӣ, Алӣ ибни Умар, Сунан-уд-Дорқутнӣ, таҳқиқи Шуайб Арнаут ва дигарон, Бейрут, Муассисаи ар-Рисола, чопи аввал, 1424ҳ.қ.
  • Зайдонӣ, Ҳусайн ибни Маҳмуд, Ал-Мафотеҳ фӣ шарҳ-ул-Масобеҳ, таҳқиқи Нуриддин Толиб, Кувайт, Дор-ун-Навадир, чопи аввал, 1433ҳ.қ.
  • Тӯсӣ, Муҳаммад ибни Ҳасан, Таҳзиб-ул-аҳком, Теҳрон, Дор-ул-кутуби исломия, чопи чаҳорум, 1407ҳ.қ.
  • Азимободӣ, Муҳаммад Ашраф ибни Амир, Аун-ул-Маъбуд: Шарҳ-ус-Сунан Абӯдовуд ва маъаҳу Ҳошияи Ибни Қайим Таҳзиб Сунан Абӯдовуд, Бейрут, Дор-ул-Кутуби Илмия, чопи дувум, 1415ҳ.қ.
  • Кулайнӣ, Муҳаммад ибни Яъқуб, Ал-Кофӣ, таҳқиқи Алӣ Акбар Ғафорӣ ва Муҳаммад Охонди, Теҳрон, Дор-ул-Кутуби Исломия, чопи чаҳорум, 1407ҳ.қ.
  • Маҷлисӣ, Муҳаммадбоқир, Зод-ул-маод: Мифтоҳ-ул-ҷинон, Бейрут, Муассисаи ал-Аъламӣ ли-л-Матбуот, чопи аввал, 1423ҳ.қ.
Баргирифта аз "https://tg.wikishia.net/w/index.php?title=Дуои_ифтор&oldid=31214"