Takfiri gunohon
In maqola dar borai takfiri gunohon ast. Baroi muşohidai korburdhoi digari on Takfir (ibhomzudoī)-ro bubined.
Takfiri gunohon (forsī: تکفیر گناهان) ba mahv şudani gunohon jo asari onho dar qijomat bar asari savobi korhoi nek gufta meşavad. Dar Qur'on va ahodisi islomī az imon, amali soleh, tavba, çihod, sadaqai pinhonī va ibodat ba unvoni omilhoi takfiri gunohon jod şudaast.
Takfiri gunohon bahsi kalomie ast, ki mutakallimoni musulmon onro zajli unvonhoe hamcun ihbot, ihbotu takfir, tahobuti a'mol va çavozi içtimoi savobu iqob barrasī mekunand.
Imomija va aşoira takfirro faqat dar borai gunohone mepazirand, ki dar Qur'onu rivojot az onho nom burda şudaast, ammo mū'tazila bar in bovarand, ki takfir, hamai gunohonro mahv mekunad. Mutakallimoni imomija, didgohi mū'tazilaro bar xilofi barxe az ojoti Qur'on medonand, ki Xudovand, podoş va muçozoti korhoi neku badro çudogona muhosiba mekunad.
Mafhumşinosī
Takfir ba ma'noi pūşondanu pinhon kardan ast;[1] az in rū, kase ki ne'mathoi Ilohiro inkor mekunad, kofir xonda meşavad.[2] Takfiri gunohon dar ilmi kalom, ba ma'noi mahv şudani muçozoti gunohon dar asari savobi korhoi nek ast. Bar in asos takfir dar barobar ihbot ast, ki ba az bajn raftani a'moli nek bar asari gunohon işora mekunad.[3]
Takfir ba ma'noi nisbati kufr dodan ba musulmonon niz ba kor meravad, ki ba on takfiri ahli qibla gufta meşavad.[4]
Omilho
Dar Qur'on va rivojot baroi takfiri gunohon, sababhoe bajon şudaast; dar Qur'on az imon va amali soleh,[5] tavba,[6] durī kardan az gunohoni kabira[7] sadaqai pinhonī, çihod[8] va ibodat[9] ba unvoni omilhoe jod şudaast, ki gunohonro az bajn mebarand. Dar rivojot niz şafoat,[10] zijorati Imom Husajn,[11] tilovati Qur'on[12] va iqomai namozi şab[13] az omilhoi takfiri gunohon donista şudaast.
Takfir dar ilmi kalom
Takfiri gunohon bahs kalomī ast va ma'mulan az on hamrohi ihbot guftugū meşavad.[14] Mutakallimoni musulmon takfiri gunohonro zajli unvonhoe hamcun ihbot,[15] ihbotu takfir,[16] tahobuti a'mol[17] va çavozi içtimoi savobu iqob[18] barrasī mekunand. Barxe az olimoni şia va ahli sunnat az on dar mas'alai ma'od[19] va mū'tazila dar bahsi va'du va'id[20] niz suxan guftaand.
Mutakallimoni musulmon ittifoqi nazar dorand, ki agar kofire musulmon şavad, azobi kufr va hamcunin çazoi gunohone, ki dar holi kufr ançom doda, az ū bardoşta meşavad,[21] ammo dar borai gunohone, ki dar holi musulmonī az şaxs sar mezanad, bajnaşon ixtilofi nazar hast:
- Mū'tazila takfirro dar borai hama gunohon mepazirand va bar in bovarand, ki amali nek metavonad har gunohero pok kunad.[22] Guftaand, illati e'tiqodi onon ba in nazarija, on ast, ki mutakallimoni mū'tazila ba'd az on ki istehqoqi savobu iqobro baroi korhoi nek va gunoh matrah kardand, bo in muşkil muvoçeh şudand, ki agar amale omexta az savobu iqob boşad, lozim meojad mukallaf dar zamoni vohid, ham mustahaqqi savob boşad va ham mustahaqqi iqob va inro mahol medonistand.[23] Az in rū, nazarijai ihbot va takfirro matrah kardand.[24]
- Şiajon va aşoira[25] ihboti kulliro namepazirand va megūjand: korhoi xub, tanho on dasta az gunohonro pok mekunand, ki dar Qur'on jo rivojot ba on işora şudaast.[26] Şiajon dar in zamina bo istinod ba barxe az ojoti Qur'on az çumla ojoti 7 va 8 surai Zilzol, ki dar onho omadaast: «Pas har kase hamvazni zarrae nekī kunad, onro xohad did; va har kase hamvazni zarrae badī kunad, onro xohad did», mū'taqidand, Xudovand a'moli xubu badro çudogona muhosiba mekunad.[27]
Mahv şudani gunoh jo kajfari on?
Dar in ki ojo takfir ba ma'noi mahv şudani xudi gunoh jo bardoşta şudani kajfari on ast, ixtilofi nazar vuçud dorad; Abualī Çubboī az buzurgoni mū'tazila bar in bovar ast, ki takfir xudi gunohro mahv mekunad, ammo Abuhoşimi Çubboī farzandaş meguft: muçozoti onhoro barmedorad.[28] Hamcunin naviştaand barxe az fajlasufoni musulmon, ki takfirro ba ma'noi mahv şudani xudi gunoh medonand, cun mū'taqidand mavçud heçgoh nest nameşavad, mahvi gunohro ba jake az du surati zer tavzeh medihand:
- Har gunohe az on çihat ki gunoh ast, amre adamī va ƣajrimaxluq ast.
- Hamonguna ki hastiji gunohkor bo tavba ba hastiji digare tabdil meşavad, af'oli bad niz ba af'oli nek tabdil meşavand.[29]
Çustorhoi vobasta
Ezoh
- ↑ Roƣib, Mufradot, 1412h.q., sah.714.
- ↑ Roƣib, Mufradot, 1412h.q., sah.714.
- ↑ Muhammadī, Şarhi Kaşf-ul-murod, 1378h.ş., sah.553; Qozī Abdulçabbor, Şarh-ul-usul-il-xamsa, 1422h.q., sah.422.
- ↑ Mahmud Abdurahmon Abdulmun'im, Mū'çam-ul-mustalahot va-l-alfoz-ul-fiqhija, zajli «takfir», 1999m.
- ↑ Surai Muhammad, ojati 2.
- ↑ Surai Tahrim, ojati 8.
- ↑ Surai Niso, ojati 4.
- ↑ Oli Imron, ojati 195.
- ↑ Surai Nūh, ojoti 3 - 4.
- ↑ Maçlisī, Bihor-ul-anvor, 1403h.q., ç.8, sah.34.
- ↑ Ibni Qulivajh, Komil-uz-zijorot, 1356h.ş., sah.126.
- ↑ Şa'irī, Çome'-ul-axbor, matba'at Hajdarija, sah.39.
- ↑ Ajjoşī, Tafsir-ul-Ajjoşī, 1380h.q., ç.2, sah.162.
- ↑ Qozī Abdulçabbor, Şarh-ul-usul-il-xamsa, 1422h.q., sah.422 - 427.
- ↑ Içī, Şarh-ul-mavoqif, 1325h.q., ç.8, sah.309.
- ↑ Qozī Abdulçabbor, Şarh-ul-usul-il-xamsa, 1422h.q., sah.422 - 427.
- ↑ Himsiji Rozī, al-Munqazī min-at-taqlid, 1412h.q., ç.2, sah.42.
- ↑ Nigoh kuned ba Ibni Majsami Bahronī, Qavoid-ul-marom, 1406h.q., sah.164.
- ↑ Içī, Şarh-ul-mavoqif, 1325h.q., ç.8, sah.289 - 309.
- ↑ Qozī Abdulçabbor, Şarh-ul-usul-il-xamsa, 1422h.q., sah.422 - 427.
- ↑ Nigoh kuned ba Şubbar, Haqq-ul-jaqin, 1424h.q., sah.551.
- ↑ Şubbar, Haqq-ul-jaqin, 1424h.q., sah.550.
- ↑ “Ihbot va takfir”, sah.59.
- ↑ Qozī Abdulçabbor, Şarh-ul-usul-il-xamsa, 1422h.q., sah.422, 423.
- ↑ Nigoh kuned ba Içī, Şarh-ul-mavoqif, 1325h.q., ç.8, sah.309.
- ↑ Şubbar, Haqq-ul-jaqin, 1424h.q., sah.549.
- ↑ Tabotaboī, al-Mizon, 1417h.q., ç.2, sah.170.
- ↑ Qozī Abdulçabbor, Şarh-ul-usul-il-xamsa, 1422h.q., sah.425 - 426.
- ↑ Doiratulmaorifi Qur'oni Karim, “Ihbot va takfir”.
Sarcaşma
- Ajjoşī, Muhammad ibni Mas'ud, Tafsir-ul-Ajjoşī, tasheh: Sajidhoşim Rasuliji Mahallotī, Tehron, almatba'atul'ilmija, 1380h.q.
- Gurūhi donişnomai kalomi islomī, “Ihbot va takfir”, dar maçallai taxassusiji kalomi islomī, şumorai 39, poizi 1380h.ş.
- Doiratulmaorifi Qur'oni Karim, “Ihbot va takfir” bojgonişuda az nusxai aslī dar şahrivari 1396h.ş.
- Ibni Majsami Bahronī, Qavoid-ul-marom fi ilm-il-kalom, tahqiq: Sajid Ahmad Husajnī, Qum, maktabat Ojatullohil-Mar'aşī an-Naçafī, 1406h.q.
- Ibni Qulivajh, Ça'far ibni Muhammad, Komil-uz-zijorot, tasheh: Abdulhusajni Aminī, Naçaf, Dorul-Murtazavija, 1356h.ş.
- Içī - Mirsajid Şarif, Şarh-ul-mavoqif, tasheh: Badruddin Nu'sonī, Qum, aş-Şarif-ir-Razī (ofset Qum), 1325h.q.
- Mahmud Abdurahmoni Abdulmun'im, Mū'çam-ul-mustalahot va-l-alfoz-ul-fiqhija, Qohira, 1999m.
- Maçlisī, Muhammadboqir, Bihor-ul-anvor, Bejrut, Doru ehjoilturosil'arabī, 1403h.q.
- Muhammadiji Gelonī, Takmilatu şavoriq-il-ilhom, Qum, maktabatul e'lomil-islomī, 1421h.q.
- Muhammadī, Alī, Şarhi Kaşf-ul-murod, Qum, Dorulfikr, 1378h.ş.
- Roƣibi Isfahonī, Husajn ibni Muhammad, Mufradotu alfoz-il-Qur'on, tahqiq: Safvon Adnon Dovudī, Surija - Lubnon, Dorul'ilm - addorulşomija, 1412h.q.
- Tabotaboī, Muhammadhusajn, al-Mizon fiji tafsir-il-Qur'on, Qum, maktabatun naşril-islomī, 1417h.q.
- Şa'irī, Muhammad ibni Muhammad, Çome'-ul-axbor, Naçaf, matbatat Hajdarija, be to.
- Şubbar, Sajid Abdulloh, Haqq-ul-jaqin fi ma'rifati usul-id-din, Qum, Anvorulhudo, 1424h.q.
- Qozī Abdulçabbor va Qivomiddin Monkdim, Şarh-ul-usul-il-xamsa, ta'liq: Ahmad ibni Husajn Abihoşim, Bejrut, Doru ehjoil'arabī, 1422h.q.
- Himsiji Rozī, Sadiduddin, al-Munqazī min-at-taqlid, Qum, muassisai an-Naşrul-islomī, 1412h.q.
- Ça'farī, Ja'qub, Oşnoī bo cand istilohi qur'onī, «Maktabi Islom», şumorai 100, soli 33.