wikishia:Featured articles/2024
Фотима (саломуллоҳи алайҳо) машҳур ба Фотимаи Заҳро (арабӣ: فاطِمَةُ الزَّهراء) (панҷуми беъсат – 11ҳ.қ.), духтари Паёмбари Ислом (с) ва Хадиҷаи Кубро (с) ва ҳамсари Имом Алӣ (а) аст. Ӯ яке аз панҷтани Оли Або (асҳоби кисо) аст, ки шиаёни дувоздаҳимомӣ онҳоро маъсум медонанд. Имоми дуввум ва сеюми шиаён, Зайнаб (с) ва Умикулсум аз фарзандони ӯ ҳастанд. Заҳро, Батул, Сайидату нисоилъоламин аз алқоби вай ва Уммиабиҳо кунияи машҳури ӯст. Фотима танҳо зани ҳамроҳи Паёмбар (с) дар рӯзи мубоҳила бо масеҳиёни Наҷрон будааст. Сураи Кавсар, ояти татҳир, ояти маваддат, ояти итъом ва аҳодисе чун ҳадиси Базъа дар шаъну фазилати Фотима нозил ва нақл шудаанд. Дар ривоёт омадааст, ки Паёмбар (с), Фотима (с)-ро бартарин зан дар ду олам муаррифӣ карда ва хашму хушнудии ӯро хашму хушнудии Худованд донистааст.
Дар бораи даврони кӯдакӣ ва навҷавонии Фотима (с) гузоришҳои каме вуҷуд дорад. Аз ин даврон фақат гузоришҳое дар бораи ҳамроҳии ӯ бо Паёмбар (с) дар муқобили хушунатҳои мушрикон, ҳузури ӯ дар шиъби Абитолиб ва ҳиҷрат ба Мадина ҳамроҳи Имом Алӣ (а) нақл шудааст. Фотима (с) дар соли дувуми ҳиҷрат бо Имом Алӣ (а) издивоҷ кард. Анҷоми фаъолиятҳои иҷтимоӣ ва ҳамроҳӣ бо Паёмбари Ислом (с) дар бархе аз ҷангҳо аз ҷумлаи фатҳи Макка аз ҷумлаи корҳои ӯ баъд аз ҳиҷрат буд.
Дигар мақолаҳои тавсифшуда: Исмоил писари Имом Содиқ (а) – Алӣ ибни Абурофеъ – Зӣ-Қор