Сайидус-соҷидин
- Ин мақола дар бораи лақаби Сайидус-соҷидин аст. Барои иттилоъ аз Имоми чаҳоруми шиаён Имом Саҷҷод алайҳис-саломро бубинед.
Сайидус-соҷидин аз алқоби Имом Зайнулъобидин (а) чаҳорумин имоми шиаён, ба маънои сарвари саҷдакунандагон аст.[1]
Шайх Садуқ дар китоби Илал-уш-шароиъ, саҷдаҳои зиёди Имомро далел оварда ва дар ҳадисе аз Имом Боқир (а) нақл кардааст ки: падарам (Алӣ ибни-л-Ҳусайн) ҳеҷгоҳ неъматеро ёд намекард, магар инки саҷдаи шукрро анҷом медод ва ояти Қуръонро намехонд, ки дорои саҷда буд, магар инки саҷда ба ҷо меовард ва ҳаргоҳ Худованд, хатаре ё макри ҳилагареро аз ӯ бартараф месохт, ба саҷда меафтод ва ҳар вақт аз намоз фориғ мешуд, саҷда мекард ва замоне, ки муваффақ мешуд байни ду нафарро ислоҳ кунад, сар бар саҷда мегузошт ва осори суҷуд, дар аъзои саҷдаи ӯ намоён буд; пас ба ин иллат, Саҷҷод номида шуд.[2]
Сайиднеъматуллоҳ Ҷазоирӣ - муҳаддиси шиа (ваф.1112ҳ.қ.), далели эътои лақаби Сайидус-соҷидинро ҳамин ривоят баён кардааст.[3] Боқиршарифи Қаршӣ - пажӯҳишгари шиа (ваф.1433ҳ.қ.) ҳам гуфтааст, ки дар таърихи Ислом, танҳо Имом Саҷҷод ба Сайидус-соҷидин мулаққаб шудааст.[4] [lower-alpha 1]
Имом Саҷҷод (а) ки бар асари саҷдаи зиёд, дар пешонӣ[5] ва дигар аъзои саҷдааш осоре монда буд, зуссафинот меномиданд.[6] Ба гуфтаи Аҳмад ибни Абияъқуб - таърихнигори қарни сеюми қамарӣ, Алӣ ибни Ҳусайн (а) ҳар шабонарӯз 1000 ракъат намоз мехонд.[7]
Ҷусторҳои вобаста
Феҳристи куняҳо ва лақабҳои Имом Саҷҷод (а)
Эзоҳ
- ↑ Ибни Абиссалҷ, Таъриху Аҳли-л-Байт, 1410ҳ.қ., саҳ.131.
- ↑ Садуқ, Илал-уш-шароиъ, 1385ҳ.қ., ҷ.1, саҳ.133.
- ↑ Ҷазоирӣ, Риёз-ул-аброр, 1427ҳ.қ., ҷ.2, саҳ.13.
- ↑ Қаршӣ, Ҳаёт-ул-Имом Зайинулъобидин, 1409ҳ.қ., ҷ.1, саҳ.187.
- ↑ Яъқубӣ, Таърих-ул-Яъқубӣ, Дорусодир, ҷ.2, саҳ.303.
- ↑ Садуқ, Илал-уш-шароиъ, 1385ҳ.қ., ҷ.1, саҳ.233.
- ↑ Яъқубӣ, Таърих-ул-Яъқубӣ, Дорусодир, ҷ.2, саҳ.303.
Ёддошт
- ↑ Дар кутуби таърих афзун бар имомони маъсум (а) афроди мутааддиде бо саҷдаҳои тӯлонӣ машҳур ҳастанд, монанди Фазл ибни Шозон, Ибни Абиумайр, Ҷамил ибни Дарроҷ вале лақаби Сайидус-соҷидин танҳо мухтас ба Имом Саҷҷод Алӣ ибни-л-Ҳҳусайн(а) аст. [Нниёзманди манба]
Сарчашма
- Ибни Абиссалҷ, Таъриху Аҳли-л-Байт, Қум, Олулбайт, 1410ҳ.қ.
- Қаршӣ, Боқиршариф, Ҳаёт-ул-Имом Зайинулъобидин, Бейрут, Дорул-азвоъ, 1409ҳ.қ.
- Садуқ, Муҳаммад ибни Алӣ, Илал-уш-шароиъ, Наҷаф, ал-Мактабатул-Ҳайдарийя, 1385ҳ.қ.
- Ҷазоирӣ, Сайиднеъматуллоҳ, Риёз-ул-аброр, Бейрут, муассисатул-таърихил-арабӣ, 1427ҳ.қ.
- Яъқубӣ, Аҳмад ибни Абияъқуб, Таърих-ул-Яъқубӣ, Бейрут, Дорусодир, бе то.