Sodiq (laqab)
In maqola dar borai laqabi Imom Sodiq (a) ast. Baroi oşnoī bo şaxsijati Imom (a), madxali Imom Sodiq alajhissalomro bubined.
Sodiq (arabī: الصادق) maşhurtarin laqabi Imom Sodiq (a) ast.[1] In laqab ba xotiri rostgūī dar guftoru kirdor ba imomi şaşumi şiajon itloq şudaast.[2] Hamcunin gufta şudaast, ki cun dar zindagiji ū heç laƣzişe dida naşud, ba sodiq mulaqqab gardid.[3]
Bar asosi rivojate az Imom Saççod (a), imomi şaşum sodiq xonda şud, to az Ça'fari kazzob farq karda şavad.[4] Bar asosi rivojati mazkur, az Alī ibni Husajn, imomi cahorumi şiajon pursida şud, ki caro ahli osmonho imomi şaşumro sodiq menomand, dar hole ki hamai şumo (aimmai ma'sumin) sodiqu rostgū hasted? Ū posux dod: padaram az çadaş Rasuli Xudo (s) xabar dod, ki cun farzandam «Ça'far ibni Muhammad ibni Alī ibni Husajn» tavallud şavad, ūro sodiq binomed; zero ki pançum az farzandoni ū Ça'far nom xohad doşt va ba durūƣ, iddaoi imomat xohad kard va ū nazdi Xudo, Ça'fari kazzobu iftirozananda bar Xudost.[5] Dar Ilal-uş-şaroe' niz ba in vaçhi tasmija işora şudaast.[6]
Barxe niz guftaand, Imom Sodiq (a) ba xotiri parhez az iştirok dar qijomhoi asri xud, sodiq laqab girift; caroki dar on zamon ba kase ki mardumro girdi xud çam' va ba qijom bar ziddi hukumat tahrik mekard, kazzob (durūƣgū) meguftand.[7] Hamcunin bino bar rivojate, ki Abulfaraçi Isfahonī (284 – 356h.q.) dar kitobi Maqotil-ut-tolbin naql kardaast, Mansuri Abbosī (hukumat: 136 – 158h.q.), ba'd az on ki ba hukumat rasid, ba xotiri tahaqquqi peşgūiji imomi şaşumi şiajon dar borai qatli Muhammad ibni Abdulloh ibni Hasan maşhur ba Nafsi Zakija, ūro sodiq nomid.[8]
Çustorhoi vobasta
Ezoh
- ↑ Maçlisī, Çalo'-ul-ujun, 1382h.ş., sah.869.
- ↑ Muzaffar, al-Imom-us-Sodiq, 1421h.q., ç.2, sah.190.
- ↑ Maçlisī, Bihor-ul-anvor, 1363h.ş., ç.47, sah.33.
- ↑ Qumī, Muntaho-l-omol, 1379h.ş., ç.2, sah.1336.
- ↑ Qumī, Muntaho-l-omol, 1379h.ş., ç.2, sah.1336.
- ↑ Saduq, Ilal-uş-şaroe', 1408h.q., ç.1, sah.274.
- ↑ Pokatci, «Ça'fari Sodiq (a), imom», sah.181.
- ↑ Abulfaraçi Isfahonī, Maqotil-ut-tolibin, 1385h.q., sah.173.
Sarcaşma
- Ablfaraçi Isfahonī, Alī ibni Husajn, Maqotil-ut-tolibin, muqaddimai Kozim al-Muzaffar, Qum, dorulkitob littabo'ati vannaşr, 1385h.q./1965m.
- Pokatcī, Ahmad, «Ça'fari Sodiq (a), imom», Tehron, Doiratulmaorifi buzurgi islomī, ç.18, markazi doiratulmaorifi buzurgi islomī, 1389h.ş.
- Saduq, Muhammad ibni Alī, Ilal-uş-şaroe', Bejrut, intişoroti A'lamī, 1408h.q.
- Qumī, Şajx Abbos, Muntaho-l-omol fi tavorix-in-Nabiji va-l-Ol, Qum, Daleli mo, 1379h.ş.
- Maçlisī, Muhammadboqir, Bihor-ul-anvor, Tehron, islomija, 1363h.ş.
- Maçlisī, Muhammadboqir, Çalo'-ul-ujun, Qum, sarvar, 1382h.ş.
- Muzaffar, Muhammadhusajn, al-Imom-us-Sodiq (a), Qum, Çomeai mudarrisin, 1421h.q.