Jump to content

Ojati Hiçob

Az wikishia
Ojati Hiçob
Ma'lumot dar borai ojat
Nomi ojatOjati Hiçob
Voqe' dar suraiNur
Şumorai ojat31
Çuz'18
Makoni nuzulMadina
Mavzu'Fiqhī
Dar boraiFarz budani hiçob
Ojoti murtabitOjati Çilbob


Ojati Hiçob (arabī: آية الحجاب) dar borai zarurati hiçob doştani zanon suxan megūjad. In ojat jake az dalelhoi qur'oniji faqehon baroi farz budani hiçob ast. Hamcunin, barxe az faqehon dar asosi iborai «اِلّا ما ظَهَر مِنها / magar on ci namojon ast» dar in ojat guftaand, ki bar zan farz nest, ki rūj va dastoni xudro az bandi dast ba pojonro bipūşonad.

Ojathoi digar niz hamcun ojathoi Hiçob ma'rufand. Az çumla ojati 59-umi surai Ahzob ast, ki ojati Çilbob nom dorad.

Matn va tarçuma

Ojati 31 surai Nur bo nomi ojati Hiçob şinoxta meşavad.[1] Megūjand, bo nuzuli in ojat, hiçob bar zanon farz şud.[2]

Korburdi fiqhī

Dar kitobhoi fiqhī, baroi bajoni vuçubi hiçobi zanon va barxe ahkomi on, az çumla hududi hiçob, ba in ojat istinod şudaast.[3] Ba bovari faqehon, iborati «lo jubdina zinatahunna/لَايُبْدِينَ زِينَتَهُنَّ», dalolat bar farz budani hiçob baroi zan mekunad.[4] Hamcunin ba guftai barxe az faqehoni şia, hamcun Şajxi Ansorī, Şahidi Sonī va Alloma Hillī, iborati «illo mo zahara minho/ اِلّا ما ظَهَر مِنها» (magar on miqdor ki namojon ast) rūj va dastho (az bandi dast ba poin)-ro az vuçubi pūşondan istisno mekunad.[5]

Şa'ni nuzul

Dar xususi moçaroi nuzuli in ojat, az Çobir ibni Abdullohi Ansorī naql şudaast, ki rūze, çam'e az zanon, nazdi Asmo duxtari Murşida rafta budand, ki pūşiş munosibe nadoştand; ba gunae ki xalxolho, gardan va baromadagiji sinahojaşon ma'lum bud. Ū az in amal norohat şud va onhoro sarzaniş kard. Pas az in, ojat nozil şud.[6] Tabarsī, mufassiri Qur'on, ham dar in zamina naviştaast, peş az nuzuli in ojat, zanon rūjmolro tavre bar sar meguzoştand, ki dunbolai on puştaşon meaftod va az in rū gardan va sinai onho ma'lum bud.[7]

Nukoti tafsirī

Ba guftai mufassiron, murod az oşkor nakardani zinat dar iborati «lo jubdina zinatahunna/لَايُبْدِينَ زِينَتَهُنَّ», nişon nadodani a'zoe az badan ast, ki ma'mulan zinat meşavand [monandi gūş va gardan], na nişon dodani zevarolot ba tanhoī; cun nişon dodani zevarolot ba tanhoī misli gūşvora harom nest.[8] «Xumur» ham çam'i xumor, ba ma'noi pūşişe ast, ki zanon bo on sari xudro mepūşonand.[9] Dar iborati «valjazribna bi xumurihinna ala çujubihinna/وَلْيضْرِبْنَ بِخُمُرِ‌هِنَّ عَلَیٰ جُيوبِهِنَّ» (bojad rūsariji xudro bar gardani xeş andozand) dastur doda şudaast, ki zanon rūsarihoro rūi sinahojaşon biandozand, to mū, gūşho va gardanaşon ma'lum naboşad.[10] Tafsiri Nur-us-saqalajn dar rivojate az Imom Boqir (a) dar tafsiri in ojat (va lo jubdina zinatahunna illo mo zahara minho) se guna zinat muarrifī şudaast:

1 - zinat baroi mardum monandi: surma, anguştar, dastband, hanoe ki ba kafi dast molida şudaast.

2 - zinat baroi mahramho monandi: gardanband va zinathoi rūj, bozūband va zinathoi dast.

3 - zinat baroi şavhar, ki tamomi badan ast.[11]

Pūşiş bo çilbob

Maqolai aslī: Ojati Çilbob

Ojati 59 surai Ahzob ham az hiçob suxan guftaast, ki ba ojati «Çilbob» şinoxta meşavad.[12] Dar in ojat, az zanon xosta şudaast, ki xudro bo çilbob bipuşonand.[13] Luƣatşinoson çilbobro libose kalontar az rūjmol va majdatar az rido (bolopūş, abo) ma'no kardaand, ki zanon bar saraşon meguzorand va to boloi sinaaşanro mepūşonad.[14]

Çustorhoi vobasta

Ezoh

  1. Nig.: Markazi farhang va maorifi Qur'on, Doiratulmaorifi Qur'oni Karim, 1382h.ş., ç.1, sah.381; Çam'e az muhaqqiqon, Farhangnomai ulumi qur'onī, 1394h.ş., sah.129.
  2. Sa'idī, «Hiçob (1)», sah.604.
  3. Baroi namuna, nig.: Xuī, Mavsu'at-ul-imom Xuī, 1418h.q., ç.32, sah.36 - 47; Alloma Hillī, Tazkirat-ul-fuqaho, muassisai Olulbajt, ç.2, sah.446 - 447.
  4. Xuī, Mavsu'at-ul-imom Xuī, 1418h.q., ç.32, sah.36.
  5. Şajxi Ansorī, Kitob-un-nikoh, 1415h.q., sah.46 - 47; Şahidi Sonī, Masolik, 1413h.q., ç.7, sah.47; Alloma Hillī, Tazkirat-ul-fuqaho, muassisai Olulbajt, ç.2, sah.446 - 447.
  6. Ibni Abihotam, Tafsir-ul-Qur'on-il-Azim, 1419h.q., ç.8, sah.2573.
  7. Tabarsī, Maçma'-ul-bajon, 1372h.ş., ç.7, sah.217.
  8. Tabarsī, Maçma'-ul-bajon, 1372h.ş., ç.7, sah.217; Tabotaboī, al-Mizon, 1417h.q., ç.15, sah.111.
  9. Tabarsī, Maçma'-ul-bajon, 1372h.ş., ç.7, sah.217; Tabotaboī, al-Mizon, 1417h.q., ç.15, sah.112.
  10. Tabarsī, Maçma'-ul-bajon, 1372h.ş., ç.7, sah.217.
  11. Huvajzī, Tafsiri Nur-us-saqalajn, 1415h.q., ç.3, sah.529.
  12. Çam'e az muhaqqiqon, Farhangnomai ulumi qur'onī, 1394h.ş., sah.126.
  13. Tabotaboī, al-Mizon, 1417h.q., ç.16, sah.339; Tabarsī, Maçma'-ul-bajon, ç.8, sah.581.
  14. Turajhī, Maçma'-ul-bahrajn, 1375h.ş., ç.2, sah.24, zajli voƶai «çalb».

Sarcaşma

  • Alloma Hillī, Hasan ibni Jusuf, Tazkirat-ul-fuqaho, tahqiq va tashehi guruhi paƶūhişi muassisai Olulbajt, Qum, copi avval, muassisai Olulbajt.
  • Ibni Abihotam, Abdurrahmon ibni Muhammad, Tafsir-ul-Qur'on-il-Azim, tahqiqi As'ad Muhammad al-Tajib, Arabistoni Sa'udī, maktabat Nazor Mustafo Alboz, copi sejum, 1419h.q.
  • Markazi farhang va maorifi Qur'on, Doiratulmaorifi Qur'oni Karim, Qum, Bustoni kitob, 1382h.ş.
  • Sa'idī, Farida, «Hiçob (1)», dar donişnomai çahoni Islom, ç.12, Tehron, bunjodi doiratulmaorifi islomī, copi avval, 1387h.ş.
  • Tabarsī, Fazl ibni Hasan, Maçma'-ul-bajon fi tafsir-il-Qur'on, Tehron, Nosir Xisrav, copi sejum, 1372h.ş.
  • Tabotaboī, Sajid Muhammadhusajn, al-Mizon fi tafsir-il-Qur'on, Qum, daftari intişoroti islomī, copi pançum, 1417h.q.
  • Turajhī, Faxriddin, Maçma'-ul-bahrajn, tahqiq: Sajidahmadi Husajnī, Tehron, Kitobfuruşiji Murtazavī, copi sejum, 1375h.ş.
  • Xuī, Sajid Abulqosim, Mavsu'at-ul-imom-il-Xuī, tahqiq va tashehi paƶūhişgaroni muassisai ehjoi osori Ojatullohil'uzmo Xuī, Qum, muassisai ehjoi osoril-imomil -Xuī, copi avval, 1418h.q.
  • Huvajzī, Abdualī ibni Çum'a, Tafsiri Nur-us-saqalajn, Qum, naşri Ismoilijon, copi cahorum, 1415h.q.
  • Hurri Omilī, Muhammad ibni-l-Hasan, Vasoil-uş-şi'a ilo tahsili masoil-iş-şari'at, tahqiqi Muhammadrizo Husajniji Çalolī, Qum, muassisai Olulbajt li ehjoilturos, 1416h.q.
  • Çam'e az muhaqqiqon, Farhangnomai ulumi qur'onī, Qum, paƶūhişgohi ulum va farhangi islomī, copi avval, 1394h.ş.
  • Şajxi Ansorī, Murtazo, Kitob-un-nikoh, Qum, kongressi çahoniji buzurgdoşti Şajxi a'zam Ansorī, 1415h.q.
  • Şahidi Sonī, Zajniddin ibni Alī, Masolik-ul-afhom ilo tanqehi şaroi'-il-Islom, tahqiq va tashehi guruhi paƶūhişi muassisai maorifi islomī, Qum, muassisai alma'oriful-islomija, copi avval, 1413h.q.