wikishia:Featured Article/2022/09
Пиёдаравии Арбаин, ё роҳпаймоии арбаин, аз оинҳои шиъие аст, ки дар рӯзҳои мунтаҳӣ ба 20 сафар (Арбаини Ҳусайнӣ) баргузор мешавад. Ин пиёдаравӣ аз нуқоти мухталифи Ироқ ба тарафи Карбало ва бо ҳадафи зиёрати арбаин анҷом мешавад. Бештари зоирон, аз масири Наҷаф ба Карбало мераванд. Дар тӯли масирҳои роҳпаймоӣ, ҷойгоҳҳое барои пазироӣ аз зоирон вуҷуд дорад, ки мавкиб номида мешавад.
Дар замони ҳукумати Саддом Ҳусейн, маҳдудиятҳое дар иҷрои ин маросим эъмол шуд, вале бо суқути ҳизби баъс дар соли 2003 мелодӣ, ин маросим эҳё шуд ва ҳарсола илова бар шиаёни Ироқ, шиаёни кишварҳои дигар ба хусус Эрон низ ба роҳпаймоии арбаъин мепайванданд. Бинобар гузоришҳо, илова бар шиаён, гурӯҳҳое аз аҳли суннат, масеҳиён, эзидиён ва дигар мазоҳиб низ дар пиёдаравии арбаъин ҳузур меёбанд.
Дар солҳои ахир, миллионҳо нафар дар ин роҳпаймоӣ иштирок мекунанд, ба наҳве ки ин рӯйдодро бузургтарин гирдиҳамоии солонаи мазҳабӣ дар ҷаҳон донистаанд. Дар бораи адади ҳозирон дар ин роҳпаймоӣ, оморҳое байни дувоздаҳ миллион то бист миллион нафар баён шудааст. Бар асоси ҳадисе, аз Имом Ҳасани Аскарӣ (а), зиёрати арбаин аз аломатҳои муъмин номида шудааст. Бархе олимон, ин ҳадисро далели бузургдошти арбаин донистаанд.
Ҳамчунин зиёратномае барои рӯзи арбаин аз Имом Содиқ (а) нақл шудааст. Шайх Аббоси Қумӣ ин зиёратномаро дар китоби Мафотиҳ-ул-ҷинон, боби сеюм, баъд аз зиёрати Ошӯрои ғайри маъруфа, бо унвони «Зиёрати арбаъин» нақл кардааст.