Үндана:Сабъи тивол
Сабъи тивол (форсӣ: سَبْع طِوال) ё тивол истилоҳе барои ҳафт сураи дарози Қуръон аст, ки дар тартиби роиҷи Қуръон, пас аз сураи Ҳамд қарор гирифтаанд. Ин сураҳо иборатанд аз: Бақара, Оли Имрон, Нисо, Моида, Анъом, Аъроф ва Тавба. Дар сарчашмаҳои исломӣ, дар бораи муайян кардани ҳафт сураи тивол ихтилофҳое вуҷуд дорад; баъзе ба ҷои Тавба, сураи Юнусро зикр кардаанд ва баъзе низ Анфол ва Тавбаро як сура шумурда ва онҳоро дар шумори сабъи тивол овардаанд.[1] Ин унвон ба далели тӯлонӣ будани ин сураҳо дар муқоиса бо бисёре аз сураҳои дигари Қуръон ба онҳо дода шудааст.[2]
Дар ривояте аз Пайғамбар (с), аз сувари тивол дар канори сураҳои миин,[Ёддошт 1] масонӣ ва муфассал ёд шудааст. Дар ин ривоят, сураҳои тивол дар баробари Таврот, миин дар баробари Инҷил ва масонӣ дар баробари Забур қарор дода шудаанд.[3] Аз ин ривоят барои нишон додани пешинаи деринаи корбурди унвони тивол дар тақсимбандии сураҳои Қуръон истифода шудааст.
| Сура | Шумора дар мусҳаф | Шумораи оят | Маҳалли нузул | Теъдоди саҳифа |
|---|---|---|---|---|
| Бақара | 2 | 286 | маданӣ | 48 |
| Оли Имрон | 3 | 200 | маданӣ | 27 |
| Нисо | 4 | 176 | маданӣ | 29 |
| Моида | 5 | 120 | маданӣ | 21 |
| Анъом | 6 | 165 | маккӣ | 23 |
| Аъроф | 7 | 206 | маккӣ | 26 |
| Тавба | 9 | 129 | маданӣ | 21 |
Эзоҳ
- ↑ Маърифат, Улуми қуръонӣ, 1378ҳ.ш., саҳ.114.
- ↑ مقاله «سُوَر سبع طِوال», Фарҳангномаи улуми Қуръон.
- ↑ Кулайнӣ, ал-Кофӣ, 1407ҳ.қ., ҷ.2, саҳ.601.
Ёддошт
- ↑ Дар баъзе нусхаҳо ба ҷои вожаи «миин», «сунан» омадааст. Баъзе, «миин»-ро сурати саҳеҳ дониста ва эҳтимол додаанд, ки «сунан» бар асари хатои котибон дар баъзе нусхаҳо падид омадааст. (Ҳусайнии Теҳронӣ, Меҳри тобон, 1426ҳ.қ., саҳ.152.)
Сарчашма
- Кулайнӣ, Муҳаммад ибни Яъқуб, ал-Кофӣ, Теҳрон, Дор-ул-кутуб-ил-исломия, 1407ҳ.қ.
- Маърифат, Муҳаммадҳодӣ, Улуми қуръонӣ, Қум, Муассисаи фарҳангии Тамҳиди Қум, 1387ҳ.ш.
- Ҳусайнии Теҳронӣ, Муҳаммадҳусайн, Меҳри тобон, Машҳад, Нури малакути Қуръон, 1426ҳ.қ.
- مقاله «سُوَر سبع طِوال» (Мақолаи «Сувари сабъи тивол»), Фарҳангномаи улуми Қуръон дар китобхонаи электронии Мадрасаи фақоҳат.