Сиддиқаи шаҳида (лақаб)
Сиддиқаи шаҳид (форсӣ: صدیقه شهیده) ду лақаб барои Ҳазрати Фотима (с) мебошанд. Сиддиқа маънои "бонуи бисёр ростгӯ" аст[1] ва шаҳида яъне "бонуе, ки дар роҳи Худо кушта шудааст".[2] Дар ривояте аз Имом Козим (а), ки онро саҳеҳ донистаанд,[3] лақабҳои "сиддиқа" ва "шаҳида" якҷоя ба Фотима (с) нисбат дода шудаанд: «Инна Фотима (с) сиддиқатун шаҳида; ҳақиқатан, Фотима (с) сиддиқаи шаҳида аст.»[4]
Дар манобеи ҳадисӣ, чунин саломе ба Ҳазрати Фотима (с) омадааст: «Ассалому алайки айюҳа-с-сиддиқату-ш-шаҳида; салом бар ту, эй сиддиқаи шаҳида»;[5] аммо ба гуфтаи Муҳаммадҳодии Мозандаронӣ, зоҳиран ҳамаи зиёратномаҳои Фотима (с) аз худи нависандагон аст[6] ва чунин саломе, ки дар он "ас-сиддиқату-ш-шаҳида" бошад, маншаи ҳадисӣ надорад; ҳамчунон ки Шайх Садуқ изҳор дошта, ки ӯ дар масҷиди Пайғамбар (с), бо ин ифода ба Ҳазрати Фотима (с) салом дода, бе он ки чунин саломеро ба маъсум (а) нисбат диҳад.[7]
Дар аҳодис калимаи "сиддиқа" ба танҳоӣ ҳамчун лақаби Ҳазрати Фотима (с) зикр шудааст. Масалан, Имом Алӣ (а) бо ин ифода аз он ҳазрат ёд кардааст.[8] Ҳамчунин Имом Содиқ (а) нӯҳ номро барои Ҳазрати Фотима (с) назди Худо баршумурда, ки яке аз онҳо сиддиқа аст.[9] Имом Ҳасан Аскарӣ (а) низ дар ҳадисе, ки чӣ гуна дурӯд фиристодан ба Пайғамбар (с) ва авсиёи ӯро омӯзонида, дар мавриди Ҳазрати Фотима (с) чунин формудаанд: «Аллоҳумма салли ала-с-сиддиқати Фотимат-уз-закия...; эй Худо, бар бонуи бисёр ростгӯ, Фотимаи покиза дурӯд фирист.»[10]
Шиаён эътиқод доранд, ки Фотимаи Заҳро (с) ба шаҳодат расидааст.[11] Таҳдид ба оташ задани хонаи Ҳазрати Фотима (с), дастур ба оташ задани хона, фишор ба Ҳазрати Заҳро (с) миёни девор ва дар ва исқоти ҷанини чандмоҳаи ӯ, лагад задан ба Ҳазрати Заҳро (с), зарба задан бо ғилофи шамшер ба Ҳазрат ва задани тозия бар ӯ ва шикастани устухони паҳлӯ дар ҳамлаи мазкур, аз ҷумла гузоришҳое ҳастанд, ки дар манобеи ҳадисӣ ва таърихӣ омадаанд[12] ва метавонанд ба шаҳодати ӯ ишора дошта бошанд.
- Ҳамчунин бубинед: Шаҳодати Ҳазрати Фотима (с) ва Воқеаи ҳуҷум ба хонаи Ҳазрати Фотима (с).
Эзоҳ
- ↑ Ниг.: Луғатномаи Деҳхудо, вожаи «сиддиқ»
- ↑ Ниг.: Луғатномаи Деҳхудо, вожаи «шаҳид»
- ↑ Муҳаммадии Райшаҳрӣ, Ҳикматномаи Фотимӣ, соли 1395ҳ.ш., саҳ.688
- ↑ Кулйнӣ, Ал-Кофӣ, соли 1363ҳ.ш., ҷ.1, саҳ.458, ҳадис 2; Алӣ ибни Ҷаъфар, Масоили Алӣ ибни Ҷаъфар, соли 1409ҳ.қ., саҳ.325, ҳадис 811
- ↑ Шайх Содуқ, Китоби ман ло яҳзуруҳу-л-фақиҳ, соли 1404ҳ.қ., ҷ.2, саҳ.573; Муфотеҳ-ул-ҷинон, дар зиёрати Ҳазрати Расулуллоҳ ва Фотимаи Заҳро ва аиммаи Бақиъ (салавотуллоҳи алайҳим аҷмаъин) дар Мадинаи Таййиба, саҳ.317
- ↑ Ба Мозандаронӣ, Шарҳи фуруъи Кофӣ, соли 1388ҳ.ш., ҷ.5, саҳ.528 муроҷиат кунед.
- ↑ Шайх Содуқ, Китоби ман ло яҳзуруҳул-фақӣҳ, соли 1404ҳ.қ., ҷ.2, саҳ.573
- ↑ Шаҳиди Сонӣ, Муният-ул-мурид, соли 1368ҳ.ш., саҳ.115; Имом Аскарӣ (а) (мансуб ба Ҳазрат), Тафсири Имом Аскарӣ (а), соли 1409ҳ.қ., саҳ.340, ҳадис 216
- ↑ Шайх Содуқ, Илал-уш-шароиъ, соли 1385ҳ.қ., саҳ.178, ҳадис 3; Шайх Содуқ, Ал-Хисол, соли 1362ҳ.ш., саҳ.414, ҳадис 3
- ↑ Шайх Тӯсӣ, Мисбоҳул-мутаҳаҷҷид, соли 1411ҳ.қ., саҳ.399; Сайид ибни Товус, Ҷамол-ул-усбуъ, соли 1371ҳ.ш., саҳ.296
- ↑ Муҳаммадии Райшаҳрӣ, Ҳикматномаи Фотимӣ, соли 1395ҳ.ш., саҳ.37 ва 688
- ↑ Муҳаммадии Райшаҳрӣ, Ҳикматномаи Фотимӣ, соли 1395ҳ.ш., саҳ.692
Сарчашма
- Алӣ ибни Ҷаъфар, Масоили Алӣ ибни Ҷаъфар ва мустадракотуҳо, таҳқиқи Муассисаи Оли Байт (а), Машҳад, Муътамари Ҷаҳонии Имом Ризо (а), чопи аввал, соли 1409 ҳ.қ.
- Имом Аскарӣ (а) (мансуб ба Ҳазрат), Тафсири Имом Аскарӣ (а), Қум, Мактаби Имом Маҳдӣ (а), чопи аввал, соли 1409 ҳ.қ.
- Кулйнӣ, Муҳаммад ибни Яъқуб, Ал-Кофӣ, таҳқиқи Алиакбар Ғаффорӣ, Теҳрон, Дору-л-кутуби исломӣ, чопи панҷум, соли 1363 ҳ.ш.
- Луғатномаи Деҳхудо.
- Мозандаронӣ, Муҳаммадҳодӣ, Шарҳи фуруъи Кофӣ, Қум, Дору-л-ҳадис, соли 1388 ҳ.ш.
- Муфотеҳ-ул-ҷинон.
- Муҳаммадии Райшаҳрӣ, Муҳаммад, Ҳикматномаи Фотимӣ, Қум, Дору-л-ҳадис, соли 1395 ҳ.ш.
- Сайид ибни Товус, Ҷамол-ул-усбуъ, таҳқиқи Ҷавод Қиёмӣ, Офоқ, соли 1371 ҳ.ш.
- Шайх Содуқ, Ал-Хисол, таҳқиқи Алиакбар Ғаффорӣ, Қум, Муассисаи нашри исломӣ, соли 1362 ҳ.ш.
- Шайх Содуқ, Илал-уш-шароъиъ, таҳқиқи Сайид Муҳаммадсодиқ Баҳр-ул-улум, Наҷаф, Китобхонаи Ҳайдарӣ, соли 1385 ҳ.қ.
- Шайх Содуқ, Китоби ман ло яҳзуруҳу-л-фақиҳ, таҳқиқи Алиакбар Ғаффорӣ, Қум, Муассисаи нашри исломӣ, чопи дуюм, соли 1404 ҳ.қ.
- Шайх Тӯсӣ, Мисбоҳ-ул-мутаҳаҷҷид ва силоҳ-ул-мутааббид, таҳқиқи Алиасғар Марворид, Бейрут, Муассисаи Фиқҳу-ш-шиъа, чопи аввал, соли 1411 ҳ.қ.
- Шаҳиди Сонӣ, Муният-ул-мурид, таҳқиқи Ризо Мухторӣ, Қум, Мактаби аълом-ул-исломӣ, чопи аввал, соли 1368 ҳ.ш.