Ибни Абилхаттоб
| Номи комил | Муҳаммад ибни Ҳусайн ибни Абилхаттоб Зайд Зайёти Ҳамадонии Кӯфӣ |
|---|---|
| Маҳалли зиндагӣ | Ҳамадон, Кӯфа |
| Санаи вафот | 262ҳ.қ. |
| Шаҳри вафот | Кӯфа |
| Хешовандон | Абдулъазиз Ашъарии Қумӣ |
| Таълифот |
|
| Аз ëрони |
Муҳаммад ибни Ҳусайн ибни Абилхаттоб Зайд Зайёти Ҳамадонии Кӯфӣ маъруф ба Ибни Абилхаттоб (262ҳ.қ.) аз муҳаддисин ва асҳоби се тан аз имомони шиа ба шумор меояд.
Ному насаб
Кулайнӣ (328 ё 329ҳ.қ.) номи ӯро дар мавзеъҳои мухталифе аз китоби Усули кофӣ "Муҳаммад ибни Алҳасан" ва Ибни Қуливайҳ[1] "Муҳаммад ибни Алҳасан ибни Абилхаттоб" овардаанд.
Наҷошӣ ном, унвон ва кунияи ӯ ва падараш ва низ нисбати ӯро ин гуна ёд кардааст: "Муҳаммад ибни Алҳасан ибни Абилхаттоб Абӯҷаъфар Алзайёт Алҳамадонӣ"[2]
Аллома Ҳиллӣ низ номи ӯро ба ҳамин сурат оварда, ҷуз ин ки ба ҷои "Алҳасан", "Абилҳасан" овардааст.[3]
Мусоҳибат бо се Имом
Ба навиштаи Момуқонӣ Муҳаммад ибни Ҳусайн аз асҳоби Имом Ҷавод (а), Имом Ҳодӣ (а) ва Имом Ҳасани Аскарӣ (а) будааст ва силсилаи ровиёни ӯ гоҳ бо се восита ва гоҳ бо шаш восита ба имомони пешини шиа ва саранҷом ба Амиралмуъминини Алӣ (а) расидааст.[4]
Васоқат
Наҷошӣ баъди зикри ном ва унвони ӯ дар васоқат ва ростгӯиву мавриди эътимод буданаш меафзояд: аз муҳаддисони ҷалилулқадри шиа, пурривоят, сиқа, саршинос ва дорои китобҳои хубе буд.[5]
Тӯли умр
Ба мулоҳизаи зиёдии ривоёт ва аҳодиси Ибни Абилҳаттоб ва дарки ҳузури се Имоми шиа, дар порае аз манобеъ ӯро аз солхурдагони асри худ ба шумор овардаанд.[6] Оқобузурги Теҳронӣ тӯли умри Ибни Абилхаттобро ҳудуди сад сол баровард карда буд.[7]
Осор
Наҷошӣ ин осорро ба ӯ нисбат додааст:
- Китоб-ут-Тавҳид
- Китоб-ул-маърифати ва-ал-бадоъ
- Китоб-ур-радди ало аҳл-ил-қадар
- Китоб-ул-имома
- Китоб-ул-луълуъа
- Китобу васоё-ал-аиммати алайҳим-ус-салом
- Китоб-ун-наводир.[8]
Аз худи Ибни Абилхаттоб ривоят шуда, ки таълифоти дигаре низ доштааст.[9]
Эзоҳ
- ↑ Ибни Қулавайҳ, Комил-уз-зиёрот, саҳ.37.
- ↑ Наҷҷошӣ, Риҷол, саҳ.236.
- ↑ Ҳиллӣ, Китоб-ур-Риҷол, саҳ.285.
- ↑ Момқонӣ, Танқиҳ-ул-мақол, саҳ.106.
- ↑ Наҷҷошӣ, Риҷол, саҳ.236.
- ↑ Момқонӣ, Танқиҳ-ул-мақол, саҳ.106.
- ↑ Оқобузург, аз-Зариъа ило тасониф-иш-шиъа, ҷ.2, саҳ.334.
- ↑ Наҷҷошӣ, Риҷол, саҳ.236.
- ↑ Хуӣ, Муъҷаму риҷол-ил-ҳадис, ҷ.15, саҳ.291.
Сарчашма
- Ибни Қулавайҳ, Ҷаъфар, Комил-уз-зиёрот, ба кӯшиши Абдулҳусайн Аминии Табрезӣ, Наҷаф, 1356ҳ.қ. / 1937м.
- Кулайнӣ, Муҳаммад, Усули кофӣ, ба кӯшиши Алиакбари Ғаффорӣ, Бейрут, 1401ҳ.қ. /1981м.
- Момқонӣ, Абдуллоҳ, Танқиҳ-ул-мақол, Наҷаф, 1350ҳ.қ. / 1931м.
- Наҷҷошӣ, Аҳмад, Риҷол, Бомбей, 1317ҳ.қ.
- Оқобузург, аз-Зариъа ило тасониф-иш-шиъа, чопи Алинақии Мунзавӣ ва Аҳмади Мунзавӣ, Бейрут, 1403ҳ.қ.
- Тӯсӣ, Муҳаммад, ал-Феҳрист, ба кӯшиши Маҳмуди Ромёр, Машҳад, 1351ҳ.ш.
- Хуӣ, Абулқосим, Муъҷаму риҷол-ил-ҳадис, Бейрут, 1403ҳ.қ. / 1983м.
- Ҳиллӣ, Ҳасан, Китоб-ур-риҷол, ба кӯшиши Ҷалолиддин Ҳусайнии Урумавӣ, Теҳрон, 1342ҳ.ш.